☃ قاهــــــر المـــــوت ... !!! ☃


المحرر موضوع: ☃ قاهــــــر المـــــوت ... !!! ☃  (زيارة 2215 مرات)

0 الأعضاء و 1 ضيف يشاهدون هذا الموضوع.

غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني

 الاول :   آشلونك وشلون أبوك ؛ إنشاءالله صار زين ؟؟؟؟
 الثاني : آني زين الحمد لله ؛ بس الوالد أنطاك عمره ؟؟؟؟
 الاول :  الله يرحمه ؛ آني ادري بيه رجال عمره 85 سنه
           وچان عنده مـــرض قلب ..
 الثاني : إي بس مَمات من القلب ؟؟؟؟
 الاول :   لعد شلون مات ؟؟؟؟؟
 الثاني : الله يرحمه بآخـر ايّامه ضعف نظره وطلع بالبالكون ومشاف
            الحافّـة ؛ ووگع ؛ وتعرف أحنا بيتنا 3 طوابق ؛
            وهو وگع من الطّابق الثالث ..
 الاول :   لا لا لا هاي مو خوش موته ؟؟؟؟ الله يرحمه .
 الثاني : والله آتعذبنا سـوّ يناله 10 عمليات يالله صار زين ؟؟؟؟
 الاول :   لعد شلون مات ؟؟؟؟
 الثاني : صار يمشي على العكازه بعد الوگعه ؛
            مشى بالشارع ودعمته سياره ..
 الاول :   لا لا لا الله يرحمه ...
 الثاني : ربك رحيم ؛ جيرانه مـرّوا بالسياره بالصّدفه ؛
            ونقلـــوا للمستشفى صار عنده نزيف بس الحمد لله ..
 الاول :   الله يرحمه بكل الأحوال ..
 الثاني : سافرنا بيه لسپانيا ... على مود العلاج وبقينا هناك
            6 اشهر والحمد لله حالته آتحسنت ..
 الاول :   لعد شلون مات راح أتخبل ؟؟؟؟
 الثاني : صار بيه فشل كلوي حاد .. وردنا واحد يتبرع بالدم ؛
            مالگينا وصار عنده تسمم !!
 الاول :   يالله .. مات وآرتاح ..
 الثاني :  بالصّــدفه أجه واحد يعرفه من زمان وآتبرعْله بالدم ..
 الاول :   متگلّـي شلون مـــــات رحمه على ذاك االأب ؟؟؟؟
 الثاني :  چان گـاعد بالبيت والغاز مشعول وآحترگ البيت !!
 الاول :   الله اكبر أشلون موته رهيبه ؟؟؟؟ الله يرحمـــه ..
 الثاني :  بس والله جارنا الله يجازيه خير .. كسر الباب وآنقذه !
 الاول :   فدوه لعيونك ؛ لعـــد شلون مات ؟؟ مو آنشلع گلبي !!
 الثاني : تالي آضطرينا .. نضربه طلقتين براسه يالله مات !!
           * من طرف ماجد برشلوني ..
              منتدى كلرملش فور يو *





غير متصل رسيــRــل

  • مبدع قسم الهجرة
  • عضو مميز
  • *
  • مشاركة: 1009
  • الجنس: أنثى
    • مشاهدة الملف الشخصي
ههههههههههههههههههههههههههه حلوووووة يسلموووووو


غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني



  شــــكراً جزيــلاً للمرور الغالي !
    ودّنــا وآعتــزازنــــا .