السلام عليكم ورحمه الله وبركاته ,,
اخواني الاعزاء طبعا في بداية وصولك هنا رغم انت تعرف لغة وتكدر تتواصل وية اي واحد واكو بيكم ميحس بغربة و اكو واكو واكو ,,,
شغل ووظيفة الكيس ووركر راح تساعدك بهواية امور ,, وممكن انت تكدر تسويهة وحدك ولكن مراح يسمحولك الة الكيس ووركر وياك ,,
فعليه خلوا اتصالكم بالكيس ووركر يكون يومي او بين يوم ويوم وسألوا عن كلشي يصير وكلشي تريدوه ,,, واسألوا هواية عن اصدار الهويات مثل
( سوشيال سيكيورتي ,, ايمبلويمنت كارد , فود ستامبس ,, مديكايت , او غيرها ) لأن كلش مهمة وتحتاجوهة بالبداية ,,
اني الكيس ووركر من دولة بورما يعني تخيلوا يحجي انكليزي مكسر ومن خابرته على الايمبلويمنت كارد كلي اي واصل تريد تجي تاخذه طبعا اني اكدر اكله انت جيبهلأن هذا شغله بس بما انه اني محتاجه ضروري فرحت بنفسي ولكيت الكارد تاريخ اصداره من قبل خمسة ايام خلي نكول يومين بريد ولو مستحيل بس ميخالف هاي تلث ايام هو مكلي وراحت من عندي هيج والمفروض اتسغلهة بالشغل مو اكعد انتظر الاستاذ ,,
طبعا من حقكم تغيروا وتشوفون غير كيس ووركر وكومة اكو موظفين عراقيين الجنسية يشتغلون كيس ووركر بالمنظمة , وكلهم حبابين ,,
فمن رحت للمنظمة شفته للكيس وركر وكتله ليش متجيني كلي بس شوف اللاجئيين الي مسؤول عليهم شفتهم كانوا هواية كتله صح بس ممظطر تاخذهم انت كلي مو هذولة من دولتي شسوي كتله لعد ليش اختاريتي وية هالمجموعة ومتركتني وية موظف عراقي ,, كلي لا مو انت متحتاج شي ومراقبة يومية ,, تخيلوا هيج كان حجيه طبعا اكدر اشتكي عليه وكتلكم اغيره واحتمال ينفصل او ينزلون درجته الوظيفية ,,,
بس تحملته لأن مبقالي شي واخلص شغلاتي وياه ولو تقريبا خلصت ,,
المهم يعني هو من يشوف الواحد يعرف كم شغله يبدي يتكل عليه ويعوفكم فلحوا عليه بالاتصالات وحاولوا تختارون كيس ووركر عراقي اول متوصلون حتى لو بعدكممتعرفون شي لأن حتى طريقة الشرح مالته الكم وتبسيطه للأمور يكون اسهل واحسن ,,,
واتمنالكم الموفقية والسلامة للجميع ,,
تمنياتي لكم بالسفر
