السلام عليكم احبتي
يوم امس نزلت موضوع عن موعد الفحص الطبي في مستشفى بغداد الاهلي
اليوم سافرنا من الفجر الى بغداد لان احنا ساكنين في جنوب العراق ..
وصلنا المستشفى الساعة الثامنة صباحا ... دخلنا للاستعلامات ... انتظرنا نصف ساعة ... بعدين طلبوا من عدنا ان نصعد للطابق
الخامس ( احنا جماعة الاي او ام )
كنا اول عائلة تحضر ... بعدين اجت عائلة من اربيل .. من القدماء مقدمين في 2008 ... كملوا مقابلة محلف قبل يوم واليوم منطيهم فحص طبي
يعني خلال يومين مقابلة محلف وفحص طبي ... طبعا كانو عائلة طيبة
بعدين اجت عائلة من بغداد رقم ملفهم يبدي 121 ... كلش خوش عائلة ..
قبل لا نطلع من المستشفى اجت عائلة اخرى بس متعرفت عليهم ..
طبعا الفحص هو عبارة عن قياس الطول والوزن والبصر وضغط الدم بالاضافة الى اخذ عينة من الدم ... كل هذا قام بيه طبيب وكان مؤدب
بعدين دخلنا غرفة ثانية وكانت بيها طبيبة كلش حبابة .. اخذت معلومات عن الامراض المزمنة او العمليات السابقة الي مسويها
طبعا باعتبار فحصنا كان اعادة كانت التقارير مالتنا عدهم هي نفس التقارير الي قدمناها بالفحص الاول ..
بالاخير انطونا ورقتين وحدة الي والثانية الزوجتي .. نزلنا للطابق الاول لاخذ اشعة صدر ...
طبعا ابو الاشعة كان رجل ( صراحة شوية ما يتحاجة ) بس احتمال هي طبيعته هيج حتى ما اظلمه ...
بالنسبة للنساء يكدر الزوج يدخل مع زوجته للاشعة باعتبار الي ياخذ الاشعة رجل .. او تطلب ان تكون امراءة موجودة وياها ...
هذا كل ما جرى اليوم حبيت ابلغكم التفاصيل .. تعبنا لان طلعنا من البيت بالاربعة الصبح .. ورجعنا ب 8 مساءا
اتمنى ان يكتمل الفحص الطبي وان يكون الاخير وبعدها السفر
اتمنالكم التوفيق
