اخوان فهموني اجاني مسج جديد ....يعني شنو هذا الفلم siv ؟

[mandonar]

هسة اجاني هذا المسج ممكن اخوان تفهموني ليش يريدون يسولي قسم للمرة الثانية  ........منو صارت وياه هاي الحالة ويعني مال شنو هذا القسم ؟ وهل هي مقابلة ثانية من جديد ومن البداية تنعاد ؟ منو يفهمني , جزاه الله خير ؟؟؟؟

Your cases are under administrative processing. Once this stage is concluded, we will schedule you an appointment for you to take the oath. Until then, we appreciate your patience.

[Yassenkov]

معناها انتظر انت بعدك تحت الاجراءات الادراية - وبس يصير تطور بملفك هم راح يتصلونه بيك علمود يرتبلولك موعد جديد ( يمكن اتكون الفيزا مالتك جاهزة ويرودون منك كم معلومة بسيطة )- فطول بالك اشوي واصبر ان الله مع الصابرين

ان شاء الله خير وتطلع الفيزا مالتك بسرعة- بس سؤال انت اشوكت قابلت ؟ ووين ؟

اخوك Yassenkov

[mandonar]

مقابلة 2012-3

[A.J 47]

اختي اجبتك في موضوع ابن الحله وراح اجيبج هنا هم
قبل ايام قمتي بتعديل الـ DS260 بطلب من السفاره
وعليه لازم تروحين وتقسمين انهو المعلومات الي ادرجتيها او عدلتيها صحيحه
هذا تحليلي وهذا الي اعرفه
وتقبلي خالص تحياتي
اخوج ابو علي

[Yassenkov]

والله اخي الكريم ما اعرف شنو اقول بس على الاكثر مقابلة جديدة ، حسب ما فهمت من رسالتك السابقة انه هم طالبين اعادة 260 اتمليه مره اخرى فيمكن صاير عندهم خربطه والله اعلم او نقص عن معلوماتك.

انت لتقلق اهوايه ارجع دزلهم ايميل واستفسر عن ايملهم السابق وشوف شنو الرد

الله يفرجها عليك وعلى كل واحد محتاج - أميين

أخوك Yassenkov

[mandonar]

بس الرسالة تكول قسم مو انترفيو

[mandonar]

محددين الغرض وهو  for you to take the oath

[King Heart]

الاخت العزيزة  mandonar دزي انكوايري على موقع السفارة واشرحيلهم  (انو بالرغم انو انتي قابلتي وأديتي القسم في موعد سابق) استلمتي الرسالة هذه وهمة راح يوضحون شنو قصدهم من الرسالة لانه الجماعة في بعض الاحيان تصير عدهم. اخطاء والله يوفقكم

اخوكم ابو عبدالله

[اليكو]

الاخت العزيزة"mandonar"
السلام عليكم
المسالة طبيعية جدا وكما تعرفين ان احتياج دائرة الهجرة لهذه المعلومات
مرتبط بوزارة الخارجية وقد يكون ورد معلومة جديدة من طرفك او من طرف اخر تطلب اعادة تاكيدها
وبما ان NVC هي المسولة التشريعية عن اصدار الفيزا عبر املاء DS260 فانها تطلب من السفارة باعتبارها الجهة التنفيذية
للتعامل مع المتقدمين بان يودي المتقدم القسم بصحة المعلومات الواردة في DS260
يرجى مراجعة الفورمة القديمة والتاكيد على ذكر نفس المعلومات اذا كنت تحتفظين بنسخة منها
وقد يكون الصيغة الجديدة لاصدار الفيز مستقبلا عن طريق اعادة املاء الفورمة ds260 وربما تم اضافة متطلبات جديدة
تتطلب تجديد القسم والله اعلم
مع تحياتي
اليكو

[mandonar]

شكرا اخوان بارك الله بيكم

[علشحن]

خير انشاالله
  أنا حين طلبتني السفاره مرة ثانيه وايضا لاعادة القسم استلمت بعدها الفيزا ( يعني في نفس اليوم )

[A.J 47]

خير انشاالله
  أنا حين طلبتني السفاره مرة ثانيه وايضا لاعادة القسم استلمت بعدها الفيزا ( يعني في نفس اليوم )

واني اتوقع ومتاكد انه الاخت راح يصدرولها الفيز بعد القسم لان مذكور بالرساله بعد انتهاء الاجرائات الاداريه وهيه المعظله الاكبر