إلى
قيـادة وأعـضـاء وجماهـيــر
التـيـّـار الديمقراطي في العراق والعالم المحترمين
والشـعـب العراقي الصـابر الأغــَـر
مـَبـروكُ لـكـــم فــوزكم
ميسـون نعيم الـرومي
شمس اشرقت مع اشراقة فوز التيار الديمقرطي
لتنير درب جماهيرنا المتعطشة لمبادئ الديمقراطية
التي حاول البعض حجب نورها
لكنها الشمس أيها الفائزون ... لا يحجبها غربال الجهل والتخلف والضياع
هذا التيار الديمقراطي الـواعـد ... نهرٌ ثالث في عراقنا الحبيب
نهـرٌ ثالث سـَيروي حتما عطش ارضه العراقيـّـة المعطاء
هنيئا لكم ايها الفائزون ... الشموس ... القادمون
وهنيئا لشعبنا بهذا الفوز العظيم
حيــّــوا على خير العمل
واسمحوا لي ان اهديكم هذه المربعات الشعبية العراقية
دمقراطي اويفوز اومَحله هالتيار- ياشـَمـْس العـراقْ التـشــِـعْ بالأنـْوار
شَـمس تيار هذا والشعب فرحانْ
دمُـقـراطي الأسم وامبيّن العنوان
عَـنبر دوم انت ماتصيــرْ ادنـان
شـَـتـْلـَه امجـَذره هالـِتـزهي بالأهوارْ- ياشـَمـْس العـراقْ التـشــِـعْ بالأنـْوار
------------------------
يامنهج حقيقه .. والنضال انت
يافـِكرْ الشعب وابمنهج اكـتـَبـْتـَه
هذا الفـوز حقـك وابشرف نِـلتـَـه
خلْ يفرحْ شعبنه ! والفلك هالـدارْ- ياشـَمـْس العـراقْ التـشــِـعْ بالأنـْوار
------------------------
ديمقراطي النـَهجْ والنـَهج يـعني الحلْ
والحـَـلْ الـْـنـِـريده للشعبْ .. هالـْهـَـل
نِـزيحْ .. اوبالحيـايـَه والأبـُوْ والصـِلْ
والـعِربيد بـَرّه اونـْطـَرّدَه امنْ الدارْ- ياشـَمـْس العـراقْ التـشــِـعْ بالأنـْوار
------------------------
فـِزْتـوْ بالـثِـقـَه اوخلـّو الشـَعبْ يـنهـَـضْ
خَطوَه اومن الفْ .. واالخـِطـْوَه ماتـمرض
مـا يُـفـْرَض رأي عَ الشـَعـَب .. ما يـُفـْرَض
وذا تفرض القوه عَ الشعب ينثار- ياشـَمـْس العـراقْ التـشــِـعْ بالأنـْوار
------------------------
ماكو اهـموم ْعـِدنـَه اولايضـِلْ حايــِرْ
خل يـُفـْرحْ شـَعـَبنه اليوم ... بالصايـر
فِـــزتـــو بالثـِـقـَه ... والفـوزْ هالدايـِـر
هالتيـّار فايــز فوزة الثوار- ياشـَمـْس العـراقْ التـشــِـعْ بالأنـْوار
------------------------
مَـنـْريـدْ التخلـّف بـَـسْ نـِدگْ اطبولْ
نريد الشعب ينهض بالعـِلمْ وايـنـول
رِگصـَنْ يالجــِـبـالْ اوهـَلهـِلـَن يـَسْهول
تـَيارْ الحـَقـيقـَه هالثـِبـَتْ ماطارْ- ياشـَمـْس العـراقْ التـشــِـعْ بالأنـْوار
------------------------
هـَـليــِـنـْهـَضْ شعـَبنه نهضَـة الأحرارْ
يحـْـرگْ بالزبـالـَه اويـبـْني بالأعـْمار
عراقييـّن احنه الجـّار يفدي الجار
اذا آخ اويـِـصيحْ ايسمعـَه سابـِـعْ دارْ- ياشـَمـْس العـراقْ التـشــِـعْ بالأنـْوار
------------------------
25 / 4 / 2013
ستوكهولم
