السلام عليكم
خلي نفرض شخص اسمه ( هُبل ) رجال چادود ياخذه الليل ويجيبه الليل وياخذ بالسنه 60 الف دولار ، بس هذا هُبل واحد صّراف ، هاي الستين كلشي ميخلي منها ، حتى هديه للكرسمس ماعنده ، ف شكلوله ؟ تعال يا هُبل انت هاي الستين شكد دفعت عليها ضرائب يالله حصلتها ؟ كاللهم كل سنه ادفع عليهن عشرين بالميه يعني العم سام كل سنه يطبرني ب 12 الف دولار ، يعني كل سنه بيهن ثنين مدري تلث سايبات اشغلهن على باب الله
فكالوله يا هُبل شنو رأيك لو ناخذ منك بالسنه عشره الاف دولار ، وهاي العشره معفيه من الضرائب ونحطها الك بحساب خاص الك ، بس ها تره الفلوس ما تكدر تتصرف بيها الى ان تطيح سنونك ! شتكول ؟ فتح حلكه هُبل الفهيم وسئل وكال شلون معفيه من الضرائب ؟
هههه هههه ما اجوز من سوالفك .....اسلوبك حلو ويجمع بين "المعلومة وخف الدم" ...
تحياتي وشكري اخي ماونت.
بس ملاحظة وحدة: ميحتاج العنوان يكون ردا على فلان .... موضوعك حلو ومفيد ... انت رد على "الافكار ولا ترد على الاشخاص" خاصة إذا ناس خدموا المنتدى .... خلي يكون موضوعك عبارة عن " فعل" وليس " رد فعل" ....
اكرر مرة ثانية المنتدى واعضاءه فعلا بحاجة الى هذه الموضوعات القيّمة اللي مو اي واحد يكدر يكتب فيها .
عاشت الايادي اخوي "ماونت"
اخوك نور الدين
