المحرر موضوع: الى الاعضاء الطيبون والادارة الكريمة تحديد مصير اريد ارائكم  (زيارة 2277 مرات)

0 الأعضاء و 1 ضيف يشاهدون هذا الموضوع.

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
اخواني اجاني تعيين بمكان وهو  القوة الجوية مهندس برتبة مدنية شتكولون اترك الهجرة واتعين لو لا



 اريد ارائكم
Engineer
Slam Hawk



غير متصل الاخيضر

  • عضو فعال جدا
  • ***
  • مشاركة: 308
    • مشاهدة الملف الشخصي
    • البريد الالكتروني
التعيين معناه تبقى في البلد......... الهجره معناها تغادر البلد..........اختار انت ولا تجعل الاخرين يختاروا لك...من رايي ان تسافر

غير متصل ابو سماني

  • مبدع قسم الهجرة
  • عضو مميز جدا
  • *
  • مشاركة: 2967
  • الجنس: ذكر
  • المـــرء قـلـيلُ بنفســــــه كــثـييرٌ بـأخـــوانه
    • مشاهدة الملف الشخصي
الســـــــلام عــليــكم

أولا الاســــتخـارة فــوق كل كــلام

ثـانيــا المـنطــق والتوفيق من الله

التعيين بالعراق جيد والعيشة لابأس فيـها

ولكــن باب الفــتـن مفتوح على مصراعيه

هـل سيحصل أولادك على الدراسة مثل امريكـا

أم التأمـين الصحي أم الجواز الامريكي الامـان بشكل نسبي

الحــياة التكنلوجـيا الحرية لاسني ولا شيعي لاكردي ولا عربي

والقضية واضحة مثل الشمس....

حــتى الدخل والعمل أن وفقت فلا تقارن بالعراق

تحــياتي
ابـو ســماني

العـطــــاء هـي أفضـل وســـيلة أتصــال
 


غير متصل احمدمالك

  • عضو مميز جدا
  • *****
  • مشاركة: 2813
  • الجنس: ذكر
    • مشاهدة الملف الشخصي
هذا الشي انته الي اتقرره اخي انته صاحب القرار الول الاخير
لا اتخلي احد ياثر على القرار التك علمود ما تندم بالمستقبل القريب او البعيد




تحياتي

غير متصل Polat Elif

  • عضو فعال جدا
  • ***
  • مشاركة: 144
  • الجنس: ذكر
  • لم يعد يمكن ان ابقى هنا
    • مشاهدة الملف الشخصي
    • البريد الالكتروني
اخوية العزيز ,,, اني رأيي انه تستخير اولا ,,, وبعدين قرر بنفسك ,,, وصفي نيتك والله يوفقك

تقبل مروري  :) :) :)

غير متصل Ŗảaḟaṱ Hấmẕā

  • عضو فعال جدا
  • ***
  • مشاركة: 917
  • الجنس: ذكر
    • ياهو مسنجر - X7901@yahoo.com
    • مشاهدة الملف الشخصي
    • البريد الالكتروني
فكر بالمستقبل وانت تعرف الافضل
تتحمل غربه لو لا

RAAFAT HAMZAH

غير متصل ام اديان

  • مبدع قسم الهجرة
  • عضو مميز
  • *
  • مشاركة: 1736
  • اللهم صل على محمد وال محمد
    • مشاهدة الملف الشخصي
اخي الكريم  الاخوه جزاهم الله خير افادوك بارائهم واني هم راح اطرح رايي واولا واخيرا انت صاحب القرار واعرف بوضعك من اي واحد لكن لا ضير في مشاركة الراي
اخي الكريم اذا ملفك بعد ماواصل للمراحل النهائيه استغل الفرصة واتعين واستفاد من الراتب وفيد عائلتك بالفتره الباقيه الك وشوكت مينطوك موعد هم تكدر تعيد النظر بوضعك وتكدر تترك الوظيفة بأي وقت .واني هم من راي الاخوه العراق اصبح بلا مستقبل ولا امان لنا ولاطفالنا . بالتوفيق ان شاء الله في قرارك .


ضاقت فلما استحكمت حلقاتها - فرجت وكنت اظنها لا تفرج

غير متصل Emerald

  • عضو فعال جدا
  • ***
  • مشاركة: 784
  • الجنس: أنثى
    • مشاهدة الملف الشخصي
    • http://uploads.ankawa.com/
اخي العزيز جيب ورقة وقلم واكتب ايجابيات وسلبيات البقاء في العراق مع هكذا وظيفة ودخل جيد وو اشياء اخرى انت تعرفها وتعيشها يوميآ
 وايجابيات وسلبيات السفر لامريكا

 وشوف عقلك يرجح اي كفه

صح السفر لامريكا حلم كل انسان يتمنى يعيش بسلام وامان واحترام ومستقبل اله ولاطفاله لكن هم خلي باعتبارك انك راح ترجع من الصفر في امريكا واسأل نفسك سؤال هل فعلا انا محتاج السفر للخارج ؟؟
واجابتك امشي عليها ... تمنياتي لك بالتوفيق


تحياتي اختكم
Emerald سورية

غير متصل Abu_mouth

  • مبدع قسم الهجرة
  • عضو فعال جدا
  • *
  • مشاركة: 260
    • مشاهدة الملف الشخصي
وين تشوف نفسك بعد خمس سنين من الآن؟


هذا السؤال هو اللي يخليك تقرر مصيرك اللي تريده.


إذا سافرت؛ وين تشوف نفسك بعد خمس سنين؟ الجواب: دا تشتغل براتب 3500 دولار بالشهر أقل شي في شركة علمية،
 و دا تكمل دراسة، أو كملت دراسة.. عندك بيت إيجار رح يصير ملكك بعد فترة او اشتريت بيت.
بيوم العطلة تطلع تتونّش وبالك صافي.



إذا ظليت وين تشوف نفسك بعد خمس سنين؟ الجواب:
تعيين، راتب 1500 دولار بالشهر في القوة الجوية،
إذا عندك بيت ملك فأنت ببيتك. إذا ماعندك فأنت كاعد إيجار فد 5 سنين لخ ليكدام
تخلص العطلة تروح تصلّح المولدة كايم بيها بستم.. وراها ترجع ترتاح وما تطلع لأن الزوراء سادّيها صيانة بعد سقوط ديلاب الهوا وجعص ستين مواطن من مدينة الصدر
والسبب هو أن المقاول شاد براغي نقص حتى يربح ومحد يكله ليش لأن رايح للسويد


(الكلام السابق هو بالنسبة لي أنا. أما أنت فأكتب ما تتوقعه بالنسبة لوضعك وقرر، ويا حبذا لو تشاركنا بطريقة إتخاذك للقرار)





غير متصل ام اديان

  • مبدع قسم الهجرة
  • عضو مميز
  • *
  • مشاركة: 1736
  • اللهم صل على محمد وال محمد
    • مشاهدة الملف الشخصي
وين تشوف نفسك بعد خمس سنين من الآن؟


هذا السؤال هو اللي يخليك تقرر مصيرك اللي تريده.


إذا سافرت؛ وين تشوف نفسك بعد خمس سنين؟ الجواب: دا تشتغل براتب 3500 دولار بالشهر أقل شي في شركة علمية،
 و دا تكمل دراسة، أو كملت دراسة.. عندك بيت إيجار رح يصير ملكك بعد فترة او اشتريت بيت.
بيوم العطلة تطلع تتونّش وبالك صافي.










إذا ظليت وين تشوف نفسك بعد خمس سنين؟ الجواب:
تعيين، راتب 1500 دولار بالشهر في القوة الجوية،
إذا عندك بيت ملك فأنت ببيتك. إذا ماعندك فأنت كاعد إيجار فد 5 سنين لخ ليكدام
تخلص العطلة تروح تصلّح المولدة كايم بيها بستم.. وراها ترجع ترتاح وما تطلع لأن الزوراء سادّيها صيانة بعد سقوط ديلاب الهوا وجعص ستين مواطن من مدينة الصدر



والسبب هو أن المقاول شاد براغي نقص حتى يربح ومحد يكله ليش لأن رايح للسويد


(الكلام السابق هو بالنسبة لي أنا. أما أنت فأكتب ما تتوقعه بالنسبة لوضعك وقرر، ويا حبذا لو تشاركنا بطريقة إتخاذك للقرار)



 :D  :D :D :D :D :D :D

شنو هذا  :D ;D مختصر مفيد وواقعي افادني انا شخصيا واعتقد يفيد الاخ صاحب الموضوع ويشجعه على اتخاذ القرار المناسب.















ضاقت فلما استحكمت حلقاتها - فرجت وكنت اظنها لا تفرج

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
شكرا لكم اخواني وخواتي ارك الله بيكم الله يوفقكم ويحفظكم ويحفظ اهلكم
Engineer
Slam Hawk

غير متصل عراقي نبيل

  • مبدع قسم الهجرة
  • عضو فعال جدا
  • *
  • مشاركة: 947
  • الله يحفظ كل العرافيين
    • مشاهدة الملف الشخصي
    • البريد الالكتروني
اخي الكريم  الاخوه جزاهم الله خير افادوك بارائهم واني هم راح اطرح رايي واولا واخيرا انت صاحب القرار واعرف بوضعك من اي واحد لكن لا ضير في مشاركة الراي
اخي الكريم اذا ملفك بعد ماواصل للمراحل النهائيه استغل الفرصة واتعين واستفاد من الراتب وفيد عائلتك بالفتره الباقيه الك وشوكت مينطوك موعد هم تكدر تعيد النظر بوضعك وتكدر تترك الوظيفة بأي وقت .واني هم من راي الاخوه العراق اصبح بلا مستقبل ولا امان لنا ولاطفالنا . بالتوفيق ان شاء الله في قرارك .

كلام جدا صحيح ..
ايضا سوف تتكون عندك فكره كاملةعن عملك الجديد ...هل تستطيع الاستمرار به ام لا ... وبذلك سوف لا تخسر اي من الفرصتين ...وما اسهل الاستقالة اليوم....والاستخاره مهمة ايضا كما ذكر الاخوةجزاهم الله خيرا....

                                                                                                   اخوك ابو علي

غير متصل أحمد واشنطن

  • عضو فعال جدا
  • ***
  • مشاركة: 97
    • مشاهدة الملف الشخصي
    • البريد الالكتروني
رأيي الشخصي، اتعين، ومن يجي موعد السفر... أشلع بدون تردد.

حضا سعيدا وتمنياتي بالتوفيق

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
شكلرا اخي احمد واشنطن واخي عراقي نبيل
Engineer
Slam Hawk

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2843
  • الجنس: أنثى
    • مشاهدة الملف الشخصي
اخويه العزيز
نصيحه من اخت لاخوها ويارب يهديك
من يجيك موعد سفر لا تفكر نهائيا بشي الا بالسفر أما بالوقت الحالي فأنت براحتك واذا تعيينك مابي مضره اتعين على الاقل تستفاد
بس برأي الشخص السفر ثم السفر ثم السفر
واكيد الامر بالاول والاخير يعود لك
تقبل مروري واعتذر منك
اختك ام شاهين

غير متصل Abu_mouth

  • مبدع قسم الهجرة
  • عضو فعال جدا
  • *
  • مشاركة: 260
    • مشاهدة الملف الشخصي
:D  :D :D :D :D :D :D

شنو هذا  :D ;D مختصر مفيد وواقعي افادني انا شخصيا واعتقد يفيد الاخ صاحب الموضوع ويشجعه على اتخاذ القرار المناسب.

كلما يرتّب الشخص أفكاره (الكثيرين يستخدمون جدول فيه مميزات البقاء والسفر والسلبيات ويقارنون) كلما يرتب الشخص أفكاره رح يتخذ بأقل عدد من الأخطاء قراره.

العاطفية هي اللي تخربط الواحد، لهذا إذا كتبها بورقة وقلم وإستخدم المنطق البحت رح يتخذ القرار الصائب وما رح يندم.


بالتوفيق عزيزتي

غير متصل ابوعلاوي دوت كوم

  • عضو
  • *
  • مشاركة: 21
    • مشاهدة الملف الشخصي
    • البريد الالكتروني
اتعين ومن اصير السفر اخذ اجازة بدون راتب سافر وبعدين اخذ القرار المناسب لمن اشوف بعينك ايهما اصلح الك .. تحياتي

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
شكرا ام شاهين واصدقائي
Engineer
Slam Hawk

غير متصل saeeed

  • عضو فعال جدا
  • ***
  • مشاركة: 119
    • مشاهدة الملف الشخصي
صديقي اكيد انت صاحب القرار الاول و الاخير بس احب احجيلك عن تجربتي ... اني جنت من اشد المعارضين لفكرة السفر لاعتبارات الغربة و كرهي للتغيير و استقراري بالعمل بس للحضة رجعت الى الصفر بسبب الفساد الاداري الي منتشر بشكل فضيع و خاصة في الشركات الاهلية و عدم وجود قانون يحمي الموظف او يساعدة او يضمن حقوقة ... قبل سنة قدمت و لو ادري يكولولي روح مشي اروح على الي شفتة بالرغم من علمي بصعوبات الوضع هناك لان اهلي اصلا هناك ز للعلم حاليا بدلت شغلي بشغل مرتب و راتب جيد و الحمد لله

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
Engineer
Slam Hawk

غير متصل tukwila

  • عضو فعال جدا
  • ***
  • مشاركة: 128
  • الجنس: ذكر
    • مشاهدة الملف الشخصي
شكرا اخوية سعيد


أشو بس سعيد
وخوية أبو ديلاب ألهوة ميستاهل شيء .... ;D ;D ;D ;D ;D ;D

تحياتي وتمنياتي بألتوفيق للجميع

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
اخي لا تضيع فرصة السفر لان تجئ مرة وحدة مو كل مرة ادرس المسالة زين وأتوكل على رب الجليل
اختك الريممم 2000

غير متصل الهاشمي_3

  • عضو فعال جدا
  • ***
  • مشاركة: 208
    • مشاهدة الملف الشخصي
    • البريد الالكتروني
السلام عليكم اخي العزيز ربي ييسر امرك وينور بصيرتك ويحفظك من كل سوء والله يااخي انا اشوف من وجهة نظري انه  تتعين حاليا وتمشي امورك مؤقتا لحين اكتمال اجراءات السفر وتستفاد من هذه الفتره بان تجمعلك كم فلس ينفعوك بامريكا ومن ياتيك موعد السفر باذنه تعالى تاخذ اجازه لمدة سنه بدون راتب وتسافر واذا لم تتوفق في امريكا خلال السنه الاولى تستطيع العوده لوظيفتك وانت مقتنع وبنفس الوقت جربت السفر وقطعت الشك باليقين واسأل الله العزيز العفو والعافيه وتيسير امور الجميع بالسفر العاجل
اخوكم ابو افنان الهاشمي **** سوريا

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
شكرا على دعائكم ووجهات نظركم القيمة
Engineer
Slam Hawk

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
السلام عليكم
بداية احب اعرفك بنفسي اخوية انت صاحب الموضوع
اني عضو قديم من سنة 2008 وصارلي فترة ماداخل بالمنتدى لاسباب عديدة اهمها الدراسة
اني صارلي هاي السنة الثالثة اللي بامريكا
اني مهندس وعندي شهادة هندسة من الجامعة التكنولوجية وعشت بالعراق من يوم اللي انولدت بهاي الدنيا الى ان صار عمري 35 سنة ... متزوج وعندي ثلاث اطفال والحمد لله
35 سنة بالعراق ماكدرت امتلك بيت او حتى غرفة باسمي
35 سنة بالعراق ماكدرت اشتري سيارة موديل حديث
35 سنة بالعراق كلما اطلع من البيت لازم هويتي بجيبي ولازم ما انساهة
35 سنة بالعراق كنت احلم واحلم واحلم وتبقى الاحلام احلام فقط
الخلل مو بية اني بس الخلل ببيئة ومحيط عايش بي
اشتغلت هواي شغلات واغلبها لو اتصير حرامي حشاك لو لازم اتبطل
الحجي طووووووووويل ومعاناة اطول
اجيت الى امريكا وبجيبي 4000 دولار فقط
وهاي السنة الثالة اللي بامريكا
عندي بمكان السيارة ثلاث سيارات وموديلات حديثة
اشتريت بيت حديث ودا ادفع اقساطه بشكل سلس ومرتاح جدا
اطفالي يدرسون دراسة والله والله العظيم واقولها للاسف الشديد الى قيام الساعة ماراح ايصير بالعراق نظام دراسي مشابه لها
اعمل عمل متوسط الدخل والحمد لله ولكنه يغطي كل مصاريفي
وقبل ستة اشهر بلشت بشغلة الدراسة بواحدة من افضل جامعات امريكا وببلاش
كل اسبوع اطلع وية عائلتي ونقضي يوم نتحسر بي على كل يوم مضى من عمري بالعراق
راح احجيلك على اطفالي الاثنين الكبار لانه اصغر واحد وصلنة امريكا وعمره سنة واحدة فمايتذكر شي من العراق
اسالهم شتكولون اذا رجعنة كلنة للعراق
ايجاوبوني ويكولون : الاعمى اذا فتح وصار يشوف هل يقبل يرجع اعمى مرة ثانية؟؟
اذا اكعد احجيلك راح يرادلي ساعات وساعات
قالها لك الاخوان قبلي واقولها لك   الفرصة تاتيك مرة واحدة فقط لحد قدميك  فان ضيعتها فلن تعود مرة ثانية
صحيح الموت والحياة والقضاء والقدر بيد رب العالمين لكن احب اسالك سؤال واحد :
هل انتة مامن على نفسك في العراق؟؟
هل مامن من رصاصة من كاتم ؟؟
هل مامن من عبوة لاصقة ؟؟
هل مامن من ميليشيا تخطف وتصول وتجول براحتها؟؟
هل مامن من حكومة الهة 10000000000 وجه تتعامل بي؟؟؟
ووووووووو
صحيح امريكا مو بلد اللعب والنومة للضحى لكن اقسم برب الكعبة وبعزة المعبود اللي يتعب ويجتهد بامريكا يوصل ويجني مار تعبه ولو طال الزمن والاخوة اللي بالمنتدى اللي صارلهم فترة طويلة بامريكا يعرفون شدا احجي اني
لحظة سعادة اراها في عيون اطفالي وهم يضعون رؤوسهم وينامون مطمانين في كل ليلة تساوي عندي مليارات العراق التي يتناحر عليها ساسته ويقتتلون والابرياء تروح من وراهم بالرجلين كما يقول المثل العراقي
اسف لانه طولت بالرد اخي الفاضل العزيز ولكني استيقظت لصلاة الفجر وفتحت موقع عينكاوة وشفت موضوعك وشعرت انه من واجبي اتجاهك كعراقي ابن بلدي ان اضعك في الصورة ..
تقبل ختاما اخي العزيز تحياتي
سلامي للجميع



ابو سارة

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
السلام عليكم
بداية احب اعرفك بنفسي اخوية انت صاحب الموضوع
اني عضو قديم من سنة 2008 وصارلي فترة ماداخل بالمنتدى لاسباب عديدة اهمها الدراسة
اني صارلي هاي السنة الثالثة اللي بامريكا
اني مهندس وعندي شهادة هندسة من الجامعة التكنولوجية وعشت بالعراق من يوم اللي انولدت بهاي الدنيا الى ان صار عمري 35 سنة ... متزوج وعندي ثلاث اطفال والحمد لله
35 سنة بالعراق ماكدرت امتلك بيت او حتى غرفة باسمي
35 سنة بالعراق ماكدرت اشتري سيارة موديل حديث
35 سنة بالعراق كلما اطلع من البيت لازم هويتي بجيبي ولازم ما انساهة
35 سنة بالعراق كنت احلم واحلم واحلم وتبقى الاحلام احلام فقط
الخلل مو بية اني بس الخلل ببيئة ومحيط عايش بي
اشتغلت هواي شغلات واغلبها لو اتصير حرامي حشاك لو لازم اتبطل
الحجي طووووووووويل ومعاناة اطول
اجيت الى امريكا وبجيبي 4000 دولار فقط
وهاي السنة الثالة اللي بامريكا
عندي بمكان السيارة ثلاث سيارات وموديلات حديثة
اشتريت بيت حديث ودا ادفع اقساطه بشكل سلس ومرتاح جدا
اطفالي يدرسون دراسة والله والله العظيم واقولها للاسف الشديد الى قيام الساعة ماراح ايصير بالعراق نظام دراسي مشابه لها
اعمل عمل متوسط الدخل والحمد لله ولكنه يغطي كل مصاريفي
وقبل ستة اشهر بلشت بشغلة الدراسة بواحدة من افضل جامعات امريكا وببلاش
كل اسبوع اطلع وية عائلتي ونقضي يوم نتحسر بي على كل يوم مضى من عمري بالعراق
راح احجيلك على اطفالي الاثنين الكبار لانه اصغر واحد وصلنة امريكا وعمره سنة واحدة فمايتذكر شي من العراق
اسالهم شتكولون اذا رجعنة كلنة للعراق
ايجاوبوني ويكولون : الاعمى اذا فتح وصار يشوف هل يقبل يرجع اعمى مرة ثانية؟؟
اذا اكعد احجيلك راح يرادلي ساعات وساعات
قالها لك الاخوان قبلي واقولها لك   الفرصة تاتيك مرة واحدة فقط لحد قدميك  فان ضيعتها فلن تعود مرة ثانية
صحيح الموت والحياة والقضاء والقدر بيد رب العالمين لكن احب اسالك سؤال واحد :
هل انتة مامن على نفسك في العراق؟؟
هل مامن من رصاصة من كاتم ؟؟
هل مامن من عبوة لاصقة ؟؟
هل مامن من ميليشيا تخطف وتصول وتجول براحتها؟؟
هل مامن من حكومة الهة 10000000000 وجه تتعامل بي؟؟؟
ووووووووو
صحيح امريكا مو بلد اللعب والنومة للضحى لكن اقسم برب الكعبة وبعزة المعبود اللي يتعب ويجتهد بامريكا يوصل ويجني مار تعبه ولو طال الزمن والاخوة اللي بالمنتدى اللي صارلهم فترة طويلة بامريكا يعرفون شدا احجي اني
لحظة سعادة اراها في عيون اطفالي وهم يضعون رؤوسهم وينامون مطمانين في كل ليلة تساوي عندي مليارات العراق التي يتناحر عليها ساسته ويقتتلون والابرياء تروح من وراهم بالرجلين كما يقول المثل العراقي
اسف لانه طولت بالرد اخي الفاضل العزيز ولكني استيقظت لصلاة الفجر وفتحت موقع عينكاوة وشفت موضوعك وشعرت انه من واجبي اتجاهك كعراقي ابن بلدي ان اضعك في الصورة ..
تقبل ختاما اخي العزيز تحياتي
سلامي للجميع



ابو سارة

حبيبي ابو سارة الف رحمة على والديك الله يزيدك
Engineer
Slam Hawk