IOM or NHCR..SIV...... ؟ (بغداد –سوريا – عمان – مصر – امارات)
iom بغداد
مستوى اللغه / جيد
الصحه / الحمد لله
العمر/35
التحصيل الدراسي / بكالوريوس علوم كيمياء
مده الخبره العامه /5 سنوات
تاريخ وصولك لامريكا ؟ 8/2011
المدينه والولايه ؟ (اللي انته بيهه ودتوصفها بالاسئله اللاحقه)فرجينيا /فيرفاكس
برأيك ما الذي يميز هذا المدينه في هذه الولايه ؟ اضافه الى الجو /الشغل /المعيشه بيها عرب ومسلمين هوايه الشغل متوفر بس الايجارت ناااااااااااااااار .........الجو بيها كلللللش حللو وطبيعتها ماكو منها اني شفت تقريبا 10 ولايات هاي احلاهم بصراحه
ما نسبه تعاون المنظمه معك عند وصولك لأنجاز امورك في الايام الاولى ؟جيد
هل اجريت فحوصات طبيه اوليه ...وكيف كانت برأيك ؟لقاحات .......وفحص فيزياوي
هل لاحظت ان الموظفين هناك ... دائما عملهم متباطيء ؟ واي فئه مثلا اداريين ؟ او غيرهم ؟هنا يشتغلون مثل الساعه ومواعيدهم مضبوطه
هل كان من الصعب عليك ايجاد بعض الحاجيات للبيت مثلا ؟ وكيف تصرفت ؟لالالالا عادي متوفره الغالي والرخيص
ما الذي كل ما استلمته من المنظمات هناك ( فوودستامب/كاش اسستانت/ ميديكيد ...الخ ) عالعموم ؟موجوده لحد الان
ما هي الخطوات اللي عملتها اول ما وصلت لغايه ما اعتبرت نفسك استقررت ؟ حدد بنقاط اول شهر كلشي مكدرنه نسوي لان جنه ننتظر السوشيل
اترك طريق رحلتك ان كنت قد كتبتها ( كــ لنك ) .. وماهي الصعوبه الحقيقيه التي واجهتها فيـــه ؟ بغداد_عمان _شيكاغو _تكساس
هل كانت لديك قصه تهديد ؟ .. ام اكتفيت بـالــقول : هو الخوف من التهديد فقط ..الخ ؟طبعا اكيد
الى الان ... هل حصلت على ( كرين كارد , جنسيه , جواز) ؟كرين كارت
ماهي طرق بحثك عن العمل ؟ عن طريق التوكل على الله والنت تقديم اون لاين
مده الفتره الاولى اللي قضيتها بدون عمل ...؟ وهل كان مجزي ؟شهرين فقط
ماهي نصيحتك الذهبية ... لتسهيل أيجاد عمل مناسب ؟اللغه ضروريه لدرجة التفاهم والسيارة اكيد تسهل امر وان تبحث بنفسك وتسال اكثر من شخص
ماهي افضل المهن المعقوله بمدينتك عالعموم و برأيك الشخصي ؟السكيورتي شغله حللوة ومرتبه بس لحد الان زوجي محصلها بس اخذ لايسنز بيه وديقدم والله كريم ...........وبالنسبه الي اشتغلت 3مرات بس احسنهم والاسهل بmacys
ما هي اول 5 امنيات تعتبرها هدفك ....وتسعى لتحقيقها هناك ؟الجنسية .....مستقبل الاطفال ........العمل بالاختصاص
ماهي انجازاتك ولو المتواضعه الى الان ؟التعود على طبيعه العمل هنا لانها متعبه مو مثل العراق .......وعلى صعيد الدراسه لايوجد لانه اني وزوجي نشتغل علمود نسد العيشه بصراحه
ما هو نوع السياره التي تفضلها وموديلها وسعرها ...,ولماذا ؟النيسان .........لان اول مره بحياتي اشوف سيارة بيها عطلات وتمشي
هل حاولت ان تفحص سيارتك من اي عيب قبل الشراء ؟.. وكيف ؟اي عادي
اعطال سيارتك اين تذهب لتصليحها مثلا وكم يكلف عالعموم برأيك ؟ عطلات السيارة لادين لها ..........كل عطل ب10 اوراق
ماهي نصيحتك بخصوص شراء سياره هناك ؟..ولماذا ؟اخذ مستعمل نظيف بالبدايه ومن تبني كردت اشتري سيارة جديده
ما هي شركه الموبايل والانترنت التي تستخدمها وكم تكلفك شهريا ؟ ما هو لنك الشركه ؟سمبل موبل 40 دولار
ما هي معاناتك الشخصيه حاليا ؟الغربه راح تموتني
بأعتقادك ما هي الصدمه (الحلوة او الــ مو حلوة) التي لاقيتها هناك ... وتفاجئت بها ؟العنصريه ضد الحجاب عند البعض .......والصدمه الحلوة مدارس الاطفال والمستشفيات
ماهو القانون الذي احسست انك لم تستسيغه ... او لم يعجبك هناك ...ولماذا ؟عدم الاعتراف باي شهاده والله متعب نفسيتنه ومدا نعرف شنسوي
اذا فكرت يوما (لا سامح الله) بالرجوع للعراق ...فلماذا برأيك ؟صارلي سنتين يوميه اكول ارجع بس دا اشوف وضع البلد ميشجع على الرجعه فاكعد واصبر نفسي
اذا همست بأذنك لطلب النصيحه .... فما هي نصيحتك الشخصيه ؟لالالالالالالالالالالالا تسمع للعراقيين بكل ما اوتيت من قوة .......وزع ابتسامات مثل هذا من ينصحوك ;Dوبكلبك كول
ما الذي يجمع عليه كل المغتربين في امريكا ( اللي انته تعرفهم هناك ) ؟ حدد بنقاط اما اعرف كلمن وظروفه
اذا كان لديك تحذير شخصي كأخ /اخت تحب تقوله ... للكل ... فمن شنو عالعموم ؟اذا محبيت الولايه الي انت بيها روح وحدك سوي كشف لا تاخذ العائله وتتورطون ......سوي دراسه زينه على الولايه الي انت ناويلها ولا تعتمد بس على حجي التلفون ......لان الله شاهد خسرت هوايه
اتمنى ان يكون الله معك دوما ....ولكن هل احسست داخليا بخوف من شي ما هناك ؟اي اكيد لان اني عندي3 بنات وبصراحه مناويه اكمل هنا
هل استوقفك موقف هناك ... دمعت عينك لأجله ؟ ممكن توضحه ؟اي من تشوف اسباني لو مصري ما عنده هاي سكول ويتامر عليك لان هو الليدر بالعمل طبعا اكيد تنقهر بس شتريد تحجي وتكول ...........حسبي الله ونعم الوكيل بللي خلانه بهيجي موقف
ما هي العادات والتصرفات والاشياء في المجتمع (الامريكي) التي ثارت انتباهك هناك ؟ناس عاديين حايرين بنفسهم ما الهم علاقه بغيرهم .....حتى لو محبك ميكدر يبين هذا الشي لان قانونا ممنوع
هل حصل لك اي عارض او حادث (لا سامح الله) في اي مكان هناك .. وتحب ان تنقل لنا تجربتك ؟لا الحمد لله
ما هي برأيك ..... المعضله اللي ما اله حل هناك .؟ كيف و بأي الظروف ؟والله اني مشلكتي الوحيده هسه الدراسه .........ما اعرف شلون راح ندبرها لان ولايتنه غاليه وتحتاج اثنينه نشتغل .........بس الله كريم يجوز تصير تساهيل على المستقبل
ماهي نصيحتك بخصوص
البنوك ؟احنه حسابنه ويه وليس فارغو
الكردت (بأنواعه) ؟؟ما انصح باكثر من كردت للشخص الي يشتغل بس حتى يكدر يسدد
ماهي المعلومه المفيده ... التي قد تعتبر نفسك اكتشفتها هناك ؟ من خلال موقف اوعمل اوصديق او....الخ؟؟؟ المعلومات هوايه .....ما ممكن تتحدد
ما هي برأيك الشخصي .... افضل ثلاثه مدن و ولايات للسكن /عائلي – سنكل ولماذا ؟تكساس رخيصه .....ومنيسوتا هم زينه ........وشيكاغو حسب ما سمعت
هل انتقلت الى مدن او ولايات اخرى وما السبب ؟ وكم كلفك ؟اووووووووو 3 ولايات لغرض الاستقرار ...........والبحث عن طريقه حتى واحد يدرس والثاني يشتغل بس مرهمت ..........وكلفتنه حوالي دفتر ابو ال100
ما هو وضع العراقيين في ولايتك عالعموم برأيك ؟اغلبهم هاوسنك وسكشن ايت ويصيح امريكا تخبلل وتجنن ........ومكضيها سفرات والنسوان يطبخن واحدهم كرشه واصل يم خشمه لا شغل ولا عمل
والي كاتلني بالموضوع ما عدهم اي طموح لا دراسه ولا يشتري بيت اهم شي يشتغل بارت تايم ......ويطلع سفرات وحفلات بواشنطن دي سي
والي جاي علمود يطور نفسه الظروف خانكته والايجار والشغل ..........الحمد لله على كل حال
ما هي اهم 5 اشياء عالعموم تنصحنا كأخ ناخذ بالنا منها و حسب الاسبقيه برأيك ؟
اشكد ما احجي مراح توصل الفكرة انتوا ان شاء الله من توصلون كلمن وظروفه
ما رأيك بعمل المرأه العراقيه ؟ وحسب علمك ... هل لها هموم معينه في المجتمع ؟الشغل موجود للمراه بس عادي اذا عدها اطفال بعمر حضانه صعب لان الدي كير غالي
كيف ترى برأيك مدارس الاطفال هناك ؟ممتازة
كيف ترى الدراسه في الكوليج او الهاي سكول ؟ وماهي متطلباتها او صعوبتها ؟
ما عند يعلم
نصيحه اخرى مهمه منك للسنكل فقط ؟اسكن مشترك واشتغل شغلتين تكدر ترتب امورك
نصيحه اخرى مهمه منك للعوائل فقط ؟الاطفال امانه عدكم ........لتخلون مشاغل الحياة والعمل تبعدكم عنهم ودائما احجوا وياهم شوفوا وضعهم علموهم انه احنه عدنه عادات وتقاليد تختلف حتى لو باشياء بسيطه
هل انته مرخص لحمل السلاح ...؟لالالالالالا
وهل له بــديـــل كــ صوت فقط (للتخويف).؟ ...ما اله داعي لان مقاطعتنه من اهدئ ما يكون والحمد لله
وهل يوجد منه ما ينفع المرأه مثلا ؟متحتاج
تقريبا :
ما هو حدود ايجارك الحالي ؟1500
اجور الماء ؟كلها تجيني بل واحد 220
اجور الكهرباء ؟=
اجور الانترنت ؟50
اجور الموبايل ؟80
الارضي ؟لا يوجد
الغاز؟=
الازبال ؟=
كم تدفع شهريا لقرض السفر ؟175 .........كان القرض الاصلي 6200 سددنه حوالي نصه لحد الان
اجور اخرى ؟بنزين 150 +انشورنس 90 +حاجات منزليه مثل اغراض الحمام والشامبو 50
واكيد الملابس حسب الحاجه ...............وملاحظة للمحجبه جيبي وياج ربطاااااااااات هوااااااااااايه
تحياتي للجميع ان شاء الله تكون المعلومات مفيده
