هسه اني شحصلت !!! محد ساعد بس تتفلسفون براسنه
يابا دروح اسال يمك جامعات شي؟ كيس ووركر ينصك من المنظمة
كلشي تريدو علحاضر!!! بس تبجون!!!
اي طبعا نكوم نضحك على وضعيتك هذي 
ليش تخلي نفسك بهذا الموقف ياخويا
تحياتي الك وبالتوفيق ان شاء الله بقبولك بالماجستير
تدري ليش ابجي لان ماعندي شغل واذا اكو شغل فهوه بارت تايم وميكفي واني جوه ايدي ماعندي فلوس يعني فقير واغلب الناس اللي هنا عدها فلوس اني ماعندي وفقير من كاعي لمين تصير بمحنتي عود اشوفك لو منتحر لو تبجي
اخويا ان شاء الله تفرج عليك وعلينا ونسمع عنك اخبار طاك طكة للستار
والله العظيم ...الله وكيلك ومحمد كفيلك اني مثل حالتك بس المشتكى الى الله اخي العزيز
والحمد لله والشكر على كل حال
بس بكل الاحوال اخي العزيز انت مادام ادور على دراسة ماجستير فاكيد حضرتك عندك شهادة , ومادام عندك شهادة فتكدر تلكه فرصتك في امريكا , لأن صدكني همه رح يقدمولك التسهيلات اللازمة لبداية حياتك , الشي الي تحتاجه هو البحث والبحث الصحيح في المكان الصحيح.
يحتاجلك تسوي علاقات زينة ويا ناس زينين ومثقفين , لأن الشي المعروف بامريكا انو متكدر تحصل شي او شغل زين بدون العلاقات.
حاول تراجع منظمات مثل الويلفير والمنظمات الملحقة بيها او الشبيه الها مثل المنظمات المسؤولة عن تشغيل اللاجئين والعاطلين عن العمل
واكيد ان شاء الله رح تلكه الشغل الزين ورح تلكه ناس تنصحك بخصوص اكمال الدراسة عن طريق الحصول على منحة
وللعلم اني سامع انو بامريكا اكو منح خاصة باللاجئين او الواصلين حديثا الى امريكا وحتى المواطن الامريكي ميكدر يحصل عليها.
المطلوب منك تسال وادور هوايا وان شاء الله الله ميضيعلك تعب.
ملاحظة: الكلام الي ذكرته موجود على ارض الواقع وليس مجرد كلام لغرض دفعك للتفائل, ولو كنت اعرف اسماء وعناوين هذي المنظمات بالذات لكان زودتك بيها ولكن لكوني لم اصل الى امريكا بعد وفقط سامع عن وجودها عن طريق اخويا الي هو هناك حاليا ذكرتها الك بدون تحديد, وهذي المؤسسات موجودة بكل ولاية.
اتمنالك الموفقية والنجاح في حياتك الجديدة
وتقبل نصيحتي كأخ صغير لك
تحياتي
