شلونكم عيني شكوماكو
صارلي هواايه مفايته للمنتدى
اخر مره لزمت الحاسبه يوم الي كتبت موضوع للمنتدى .. وراها دفعت اللابتوب جو الفراش وكمت
واليوم طلعته لكيته متجلخ من فوك .. لابتوبي وردي وهسه طايره منه وصله من صفحه
المهم بعدين اكتشفت انو زوجي دافع لابتوبه قوي هم جوه الفراش وبالنتيجه لابتوبي راح ضحيه
ايـــــــــــه اني ضايجه حاليااا لان البارحه كتشفت واكع صاروخ ابيت اهلي ابغداد بس ممنفجر
يعني لو منفجر جان 6 نفرات راحو سوه
بس المهم مابيهم شي والحمد لله
الله يسترها علينه وعليكم وعلى الجميع يارب
طبعا اني هاي فوتي للبيت.. اليوم من ال5:30 الصبح كاعده ورحت للشغل وخلصت بال6:30 بالليل واني اليوم جنت وحدي البنيه الي ويايه رايحه فيكيشن فدمرت ... وره الشغل رحنه عشاء عمل .. احنه وكم قسم ويانه تقريبا 25 شخص
وهاي هسه صارت بالتسعه .. ميته تعب هسه ...
خطيه لكيت رجلي مكلي كبه موصل ونودلز وماكلين هو وابني ..
ولو هو تقريبا يوميه يطبخ اني احضر الامور واكله شيسوي بالوتس اب رسائل دك
بصراحه احجي وياه بالموبايل ورسائل اكثر من ما اشوفه .. ويايه بالشغل يكلولي المن دتكتبين الوكت كله ههههههه
رايحه جايه بيدي الموبايل
ها صدك بطلت من شغلي الاول بعد ان بلغتهم قبل اسبوعين كتبتلهم ورقه الي هي two weeks notice.. لان مدا اكدر دا اتعب بس يوم واحد اوف
فحتى تصيرلي يومين كعده
اي والحمد لله على كل حال
حصلنه تكتين تجاوز سرعه خلال اسبوع واحد مبلغهم ثنينهم 400 دولار
فيمكن حنحط محامي حتى بلكي يقلل المبلغ بالاضافه الى انو حتى تنشال من الريكورد
لان هسه حتى الانشورنس مال سياره يغله علينه
والتكتين لرجلي ثنينهم .... واني اسوق سريع بس ليس بعد الان ... ماعرف .. 400 دولار تكتات والله حرام
بس مثل ميكولون الواحد من ايده
اي ..ابني بده يفتهم انكليزي وديحفظ زين ... ذاك اليوم كلي كلمه اسباني خخخخ
المس مالته تحجي سباني وياهم مرات فهم بده يلكط
بشهر التاسع ان شاء الله نستلم الاوراق مال اللقاحات والفحص الطبي حتى نقدم على الكرين كارت
هذا هو جديدنه خلال هل فتره
وان شاء الله نتواصل
تحياتي
سوسو اسو
