قصتي مع ال IOM ,,, قصتي قصة حزينة

[Saqar]

السلام عليكم

تحية طيبة لاعضاء المنتدى

اخواني مادري منين ابدي يقصتي ومااعرف شحجي وشكول , بس راح اسرده مثل مايكولون واشوف رايكم بالموضوع
اني اولا من الاعضاء القدامى هنا ومااتصور اعرف احد الاخوة الاعضاء او احد يعرفني من  الاعضاء المتواجدين حاليا المهم انقطعت لفترة طويلة عن المنتدى لضروف خاصة
اني مقدم  على ال IOM من بغداد سنة 2008 من جماعة الطابوكة الذهبية  جنة نسمي نفسنة الاي زي مالتي 114 المهم مكمل كل شي مقابلات ومستلم نتيجة وفاحص ومسوي الدورة التثقيفية هذا كلة قبل نهاية ال 2011 يعتي اتصور قابلت المحلفين بشهر 6 او 7 بال 2011 المهم شاءت الاقدار انه انفصل عن زوجتي بسبب بعض المشاكل وهذا مما جعلني اعزف عن الدخول للموقع بسبب الاوضاع الي مريت بيها واني عندي طفل اليوم عمرة 8 سنوات المهم ورى هذا كلة العام بشهر ال 3 دخلت المستشفى لاجراء عملة وحصل معي شيء غير متوقع والحمد لله بقيت في المستشفى لمدة 3 اشهر وتقريبا مدة شهرين ونصف منها انا في غيبوبة ووصلت الى حد الموت اكثر من 3 مرات ولكن رحمة الله ووقفت الاطباء معي هية التي جعلتني اتخطى المرحلة واجريت خلال هذه الفترة اربعة عمليات , خرجت من المستشفى وبقيت راقد في الفراش ولااستطيع رؤية احد ولااجابة حتى على الهاتف لمدة 3 اشهر اخرى بسبب وضعي الصحي السيء , بعد مضي ال6 اشهر بداءت اتحسن ولكن ببطء شديد ولكن كنت احاول ان اتجاوز الازمات التي مررت بها لاجل ابني , الحمد لله على كل حال
الي حصل معي هو التالي انه اتصلت بي المنظمة يوم خروجي من المستشفى ليبلغوني بانه علية اعادة الفحص الطبي ولكني ابلغتهم باني قد خرجت اليوم من المستشفى ولااستطيع السفر الى بغداد وثانيا اني قد انفصلت وارغب بالغاء زوجتي من الملف اعلموني بانه يجب ان ارسل ايميل بالتفاصيل مع قرار المحكمة واني سوف اعيد جميع الاجراءات من جديد فقلت لهم وما السبب انا لم اضيف شخص الى الملف وانما الغي شخص من الملف فاجابوني هذا هو السستم  فقلت لهم اني لااستطيع حتى كتابة ايميل بالوقت الحالي واني لم ارسل لهم بسبب اني قد حصلت على الاوراق الرسمية للانفصال من المحكمة بعد دخولي الى المستشفى اذ احضرها لي صديقي وهو يزورني بالمستشفى لاني اجري العملية في محافظة ثانية
وثانيا اني الصراحة اصبت بالاحباط من مسالت اعادة الاجراءات ولم اصدق مااسمع
المهم قمت بعد فترة بارسال تفاصيل الذي حصل معي والاوراق الثبوتة لما حصل معي في مسالة الانفصال ومسالت دخولي المستشفى بايميل الى المنظمة
اتصلو بي المنظمة بعد فترة تحديدا بشهر 8 وانا كنت مسافر للعلاج خارج العراق وابلغتهم بذلك ولااعلم سبب الاتصال اذ لم يعطوني تفاصيل
بعد هذا كله بعد ان بدأت حالتي تستقر الحمد لله الله عوضني خير اذ رزقني ببنت الحلال التي عوضني بيها كل خير وكانت فعلا ام ونعم الام لطفلي

اتصلت بي المنظمة لطلب بصمات اصابع وتفاجات بانهم يقولون لي انك يجب ان تعيد اعطاء البصمة فقلت لهم اوكي ولكن فقط انا اجابوني بنعم وهنا بداءت المعانات مع ال IOM
قلت لهم وابني قالولي لا هو خرج من الملف قلت لهم لماذا فانا طلبت الغاء زوجتي وليس ابني وهو يعيش معي  اجابوني يجب ان تضيفه من جديد وترسل لنا قرار من المحكمة بحضانتك للطفل , هنا قلت لهم اوكي اريد ان اضيف زوجتي الجديدة ايضا الى الملف
قمت باجراءات المحكمة وتعرفون المحاكم عدنة ودي وجيب ووقت واذا تريد تمشي امرك بسرعة لازم المحاميين يمصون دمك المهم الحمد لله اكملت اوراق الحضانة واكملت اوراق زوجتي وقمت بارسالها للمنظمة
وهنا ابدي استلم خربطة لابو موزة
يابا هاي اوراق ابني وزوجتي ضيفوه
يدزولي ضفنة زوجتك وبنتك
ادزلهم يابا ابني مو بني
الضاهر العينتين قاري اسم الولد وهو اسم شائع ويستخدم للجنسين عبالة بنية
وراها بعثولي موعد مقابلة الي اتفاجئت بيه هو انه الموعد بس الي والزوجتي
دزيتلهم يابا وابني شنو متريدوه على اساس هو صغير ومتحتاجوه لو لكونة مقابل ومكمل كلشي وياية قبل لو سلتووه لو لازم اجيبة وياية لو شنو
ايجاوبوني اذا كان عندك طفل حديث الولادة لازم تجيبة وياك ولازم تدزلنة كافة اوراقة الثبوتية بايميل حتى نضيفة
طبعا هذا شنو ركع ايملات ولاحياة لمن تنادي اني احجي بوادي وهمة الجماعة بغير وادي
احاول اخابر عمان وميفيد وبالاخير جاوبوني على التلفون اسفين احنة منكدر نجاوبك باي شي عن بغداد هنا شغلنة بس عن عمان
المهم قبل المقابلة بيوم وكالعادة خبرو يبلغوني انه الموعد اتاجل يومين فانتهزت الفرصة وحجيت وية الموظف وحجيتلة كل الي كتلكم اياه
جاوبني لا انتو 3 اشخاص بالملف المرسل الك والي كدامي بس هذا خلل الكتروني كتلة لا حبيبي الي يمي 2 كال لا كتلة اوكي اني راح اجيبة بكل الاحوال بس كنت خايف من البوابة انه راح يكلولي احنة يمنة 2 بالملف وانتو 3 عموما رحنة
وطبعا اني طبعت كل هاي الايملات واشرته بالهاي لايتر المخاطبات الي بيناتنة ودخلت للموظفة بالمقابلة الجان تكلي انت بالنسبة الك كلشي كامل انت وابنك بس هاي المقابلة على مود انضيف معلومات زوجتك
كتلة يابا انتو الي كلتولي ابنك خرج من الملف كالت لا كتله حتى من كتلهم اريد ترجعوه جاوبوني دزلنة اوراقة من جديد كتلهم يابا يمكم كلولي لا مو خرجناه من الملف ولازم تدزه من جديد كلتلي موجود  كتله عموما يلة انتي كملي شخلج ومن تخلصين اريد عندي شغلات اريد اسولف وياج بيه
خلصت اضافة معلومات زوجي وبديت اسردله القصة مثل مكتبتلكم اياها المساجلات بيني وبين المنظمة ونطيته نسخة الايملات المؤشرة
وكتله يعني الى متى هاي الخربطة وشنو تاليه يعني والله مدنعرف راسنة من رجلينة المهم وكالعادة كل واحد تحجي وياه يكلك والله مو بيدي والخطأ مو يمي حتى المحلف من تحجي وياه يكلك ( مو صوجي بروحة المي ) من هاي السوالف كتله يعني هسة ابني ؟ كلتلي كلشي بالنسبة اله كامل وهو مقابل كل المقابلات وياك واوراقة كله موجودة يمي ومنحتاج اي منه كتله خير انشاء الله
المهم بعد ماطلعنة من يمه وكعدنة بالانتظار اجتني بعد شوية الجان تكلي بدون زحمة عندك مستمسكات ابنك ممكن نسخة منه
كتله ها يابا مو هو موجود طبعا بعد متعرف شتجاوب ومستحية وكلش نحرجت المهم انطيته نسخة من كلشي وراحت
احنة انطيناهم بصمات وطلعنة هذا الحجي كان بشهر الي فات يعني شهر 4 / 2013

هسة قبل كم يوم دزولي ايميل يكول كالتالي سمعو المصيبة الي مداافتهم راس من رجلين
اني الي اعرفة من تجي الورقة مال المقابلة اما مكتوب عليه موعد مقابلة اولى مع المنظمة الدولية للهجرة
او اشعار لموعد مقابلة مع هيئة المحلفين ( والي هية الثانية )
اني الي اجاني ( موعد مقابلة لاضافة الزوجة ) والله اني اذا ممقابل مقابلة اولى وضايفه اكول اوكي ومابيه شي بس هسة مداافتهم
وطبعا هم نفس الشي الي بالورقة بس اني وزوجتي وابني هم ماكو
طبعا دزيتلهم ايميل ااكد بيه مسالت حضوري واستفسر منهم
يابا شنو هاي مال مقابلة اضافة للزوجة ترة اني مقابل اولى وضايف الزوجة
وثانيا ابني هم ممخليه ويانا شنو الفلم هم خلل الكتروني لو شنو ( ترة ذبحتوني )
طبعا ماكو اي رد لي هسة
البارحة خبرني واحد من عمان ايكلي يابا احنة اضطرينة بسبب خلل بالسستم انه نغير الموعد بعد ماكمل حجية كتلة دقيقة ترة والله صمطتو ابوية بهاي سالفت الخلل وحركتو اجدادي اوكف دشو انتو من تغير الموعد بكيفكم واحنة اذا بس تنفسنة راسا لبستو الملف والله شدعو التاخير بسببكم لان انتو تاجلون لا دشو لاتغير لان التغيير الي دتكول عليه الموعد ابني عندة امتحانات وكل مرة انتو تدزولي عبالك موقتيه على امتحانات ابني واني تعال كل مرة اجلة وتنلاص علينة وعلييه للولد
وثانيا اكلك هية هاي المقابلة مال شنو الجان يكلي لاضافة معلومات الزوجة كتله يعني شنو اولى ؟ لو ثانية ؟ ايجاوبني اضافة الزوجة .
كتلة حبيبي اني قابلت الشهر الي فات اولى وكالولي هاي مقابلة الاضافة معلومات الزوجة . اشو هذا صفن كا ها اكيد ؟ يعني انت قابلت وهية كانت وياك ؟ كتلة اي لعد شنو داتبلى عليكم . احجيلي هاي شنو . والله اثاري العينتين كلشي ميعرف ظل صافن . كتلة اكلك وثانيا اني البارحة دزيتلكم ايميل بينتلكم بيه كل هذا الحجي ,كال ها انت داز ايميل ؟
الضاهر الجماعة يعني مو معانا ابد . الجماعة مع الاسف الضاهر .
كلي اوكي اسف استاذ خليني اجييك وارجع احكي معاك ( ولا الراح اجاني ولا رد الخبر ليه ) شرايكم
طبعا المشكلة ماعرف هسة عندي مقابلة لو لا ؟ المقابلة شني هية ؟ الموعد قائم نفسة لة تغير ؟ ابني اخذة لو لا ؟ مااعرف كلش
هاي امورنة صارت  ( يعني حسبي الله ونعمة الوكيل ) والله اني موظف كنت بالمنظمات واشتغلت بهذا المجال والله كنا نلم بالموضوع بكل جبيرة وصغيرة ونخاف ونحرص على امور العالم اكثر منهم لان كنت ايضا اتعامل وية المهجرين والنازحين .
اسف طولت هواية عليكم بس والله طكت روحي وبس اريد احد احجيلة وافضفضلة
ومادري شسوي
بالمناسبة خلال هاي فترة السنتين او السنة ونص الي غبته استجد فد شي دااقرى في بعض المواضيع عن فورمة للتظلم او الشكوى 7001 او غيرها اكو هيجي شي وين واحد ايدزه شنو الفلم

اسف مرة ثانية على الاطالة عليكم بس ماعندي غيركم احجيلة
واريد رايكم ومشورتكم بالموضوع

اخوكم
 الصقر

[MMA]

Wow .really hard story .god help u

[Awsaws]

اهم شي الحمد للهً على سلامتك والباقي مله يهون وان شاء الله مثل ما شفاك يفرجها عليك
تحياتي

[بغداد بقلبي]

السلامعليكم اخ صقر
قصتك فعلا مؤلمه وصار اهواي تنتظر ،المهم برد اعصابك واتعامل معهم على كيفك ،،حسب ما انته ذاكر في قصتك انك امخلص مقابلات ومستلم نتيجه وفاحص وداخل دوره هم، يعني انته شغلتك فقط منتظره الموافقه الامنيه ،تجي من اميريكا يتحدد لك موعد سفر ، اما الاشكالات الي صارت بملفك كل شيء نصيب ، يعني متلا لو امسافر هناك وزوجتك القديمه تطلب ان تنفصل عنك هناك او اتصير مشاكل ما تعرف ليش سبب التاخير الي صار معك المهم، اخر مقابله انته اضفت فيها زوجتك وطبعا ابنك ايضا وبلغتهم واعطيتهم نسخه من قرار الحضانه حسب ما انته ذاكر ، اي مقابله اخرى ايدزون عليك مممكن اضافت معلومات اخرى وايضا تاكيد المعلومات وهذا الشيء جيد ومن جانبك ، لو متل ما انته ذاكر انها اتصادف مع امتحانات ابنك ولكن مو مشكله ،انته اتحملت اهواي وصارعت ظروف قويه علمود ابنك استحمل ما بقه شيء ورب العالمين يفرجها عليك ،اوصيك بالهدوء عند التعامل معهم ، الموظفين مو كلهم يعرفون المعلومات الخاصه بملفك اكو اشياء اصلا محد يعرفها فقط المحلف الي بلغته بيها،لالتتصور انه اي موظف يعرف كل شيء عن ملفك ،الي يتصلون بالناس شغلهم بس تبليغ ، واكو منهم اخذ معلومات محدده يكون ضابط الهجره الاميريكي طالب منهم يتصلون بيك للاستفسار عنها ، الموظفين العرب مال الهم الي دخل بالملفات مجرد كتبه ومبلغين فقط ،لا اتخاف ولاتقلق ماكو شيء وتخلص واتصير اسوالف ولا اتظل كل ما يتصلون بيك لو ايقابلوك تفتح الموضوع مشيها علمود تمشي امورك واتسافر لا اتعقد على نفسك
تحياتي لك وامنياتي لك بالموفقيه.
تقبل مروري اخي الكريم

[Saqar]

شكرا لللاخوان Awsaws  و على مروركم
وجزاكم الله خيرا

[Saqar]

شكر للاخ بغداد بقلبي

اشكرك على مشاركتك وعلى نصيحتك وكلامتك الطيبة جزاك الله الف خير وانشاء الله راح اخذ بنصيحتك اخي العزيز

تحياتي

[alzandawi]

الله كريم اخويه لابد وان يجي الفرج الله ارحم الراحمين

[Saqar]

ونعمة بالله اشكرك اخي الكريم alzandawi وبارك الله بيك

[Wingo]

الله تعالى يكون بعونك و الله تعالى يفرج همك
قدر الله و ما شاء فعل
لعله المنظمة بالحقيقة محددين الموعد لإجراء مقابلة محلفين لإضافة زوجتك و لكن الموظفين دايخين
إن شاء الله يتصلون بيك و يريحوك من هذا القلق
تفرج إن شاء الله

[ابو سماني]

الســــــــــــلام عــليـــــــكم

أخــي أخــذ أبــنك للمــقابلة وأشرحـلهم

في أسوء الاحــوال

تــمنــياتي أخــي بالتــوفــيق

ابــو ســمـاني

[um shaheen]

اخويه العزيز
الف الحمد لله على سلامتك
والف مبروووك على زواجك والحمد لله اطمنت على ابنك بأيدي امينه ويارب يسعدكم دائما
اخويه العزيز رح احجيلك الي صار ويايه ويارب اكدر افيدك
اني من جماعة 2008 بسوريا وبسنه 2013 وصلت لارض الاستقار والحمد لله
اني من اوائل الناس وحسب اعتقادي الي بعثت رساله الى دائره المظالم وهم بعثولي الفورمه 7001
هذه الدائره هي عباره عن مجموعه من المحامين والمحللين ودائره المظالم طبعا تابعه للامن الوطني الامريكي وطبعا اتساعد الاشخاص المتاخرين بدون ذنب والي مخلصين مقابلة محلفين هذا الي اني اعرف
احب انوهلك انه بعثتلهم الرساله تقريبا نهايه شهر التاسع 2012 وسفري كان 23 شباط 2013 يارب يوم الك وتبشرنه بكل خير
ويوجد عضو بالمنتدى يارب يحمي ويوفقه يارب اسمه (زيطه) وهو اخ والنعم منه تكدر تتصل وياه على الخاص ويساعدك
واذا محصلته تكدر تبعثلي على الخاص وان شاء الله منقصر وياك ويارب تفرج عليك
تحياتي
اختك ام شاهين

[أبو أياد]

اخويه العزيز
الف الحمد لله على سلامتك
والف مبروووك على زواجك والحمد لله اطمنت على ابنك بأيدي امينه ويارب يسعدكم دائما
اخويه العزيز رح احجيلك الي صار ويايه ويارب اكدر افيدك
اني من جماعة 2008 بسوريا وبسنه 2013 وصلت لارض الاستقار والحمد لله
اني من اوائل الناس وحسب اعتقادي الي بعثت رساله الى دائره المظالم وهم بعثولي الفورمه 7001
هذه الدائره هي عباره عن مجموعه من المحامين والمحللين ودائره المظالم طبعا تابعه للامن الوطني الامريكي وطبعا اتساعد الاشخاص المتاخرين بدون ذنب والي مخلصين مقابلة محلفين هذا الي اني اعرف
احب انوهلك انه بعثتلهم الرساله تقريبا نهايه شهر التاسع 2012 وسفري كان 23 شباط 2013 يارب يوم الك وتبشرنه بكل خير
ويوجد عضو بالمنتدى يارب يحمي ويوفقه يارب اسمه (زيطه) وهو اخ والنعم منه تكدر تتصل وياه على الخاص ويساعدك
واذا محصلته تكدر تبعثلي على الخاص وان شاء الله منقصر وياك ويارب تفرج عليك
تحياتي
اختك ام شاهين

الحمد لله على سلامتك ويارب يوفقك ويسهل امرك وشغلتك محلولة انشاء الله


وشكري الجزيل الى علم النتدى وركن المعروف فيه الاخت ام شاهين التي لم تدخر وسعا في سبيل مساعدة الاعضاء في المنتدى ربي يسهل امرها ويوفقها وشكرا لكلماتها الطيبة وجزاها الله خير الجزاء.

مشكلتك ان المنظمة مفاهمة شغلتك لحد الان فعندك سبيلين كتابة قصتك بالاحداث التي مرت بك دون الاسهاب في التفاصيل لبيان اللبس الذي حصل بقضيتك ومراسلة المنظمة . وانصحك بالصبر فبغيره لا تحل الاشكالات.

ثانياً :تقديم استمارة التظلم 7001 تشرح فيها قضيتك ومرفقة بالتقارير الطبية لحضرتك (مهم جداً) لان مكتب المظالم خلال الشهرين الاخيرين اخذ بنظر الاعتبار الوضع الصحي للمتقدم فقط دون التهديد والوضع الامني لان كل المتقدمين على كثرتهم شارحين بان وضعهم الامني مهدد فتم الاخذ  بنظر الاعتبار الوضع الصحي فقط.


انظر الى الموضوع تطورات تقديم الاستمارة 7001 الصفحة الاولى شارح بيها كيفية املاء الاستمارة


واي شي تحتاج راسلني عالخاص

تحياتي وتمنياتي لك بالتوفيق

[Saqar]

الله تعالى يكون بعونك و الله تعالى يفرج همك
قدر الله و ما شاء فعل
لعله المنظمة بالحقيقة محددين الموعد لإجراء مقابلة محلفين لإضافة زوجتك و لكن الموظفين دايخين
إن شاء الله يتصلون بيك و يريحوك من هذا القلق
تفرج إن شاء الله

ويكون بعون الجميع انشاء الله
ونعمة بالله
والله يااخي مادي لي هسة اني بحيرة من امري ولحد هسة محد متصل بيه وماعرف اني راح اروح بس خايف لا انصدم بانه الموعد انلغى او تغير لان لي هسة ممجاوبيني
اشكر مرورك اخير الكريم

[Saqar]

الســــــــــــلام عــليـــــــكم

أخــي أخــذ أبــنك للمــقابلة وأشرحـلهم

في أسوء الاحــوال

تــمنــياتي أخــي بالتــوفــيق

ابــو ســمـاني

اشكر مرورك اخي الكريم واكيد راح اخذ ابني وياية
تحياتي

[Saqar]

اخويه العزيز
الف الحمد لله على سلامتك
والف مبروووك على زواجك والحمد لله اطمنت على ابنك بأيدي امينه ويارب يسعدكم دائما
اخويه العزيز رح احجيلك الي صار ويايه ويارب اكدر افيدك
اني من جماعة 2008 بسوريا وبسنه 2013 وصلت لارض الاستقار والحمد لله
اني من اوائل الناس وحسب اعتقادي الي بعثت رساله الى دائره المظالم وهم بعثولي الفورمه 7001
هذه الدائره هي عباره عن مجموعه من المحامين والمحللين ودائره المظالم طبعا تابعه للامن الوطني الامريكي وطبعا اتساعد الاشخاص المتاخرين بدون ذنب والي مخلصين مقابلة محلفين هذا الي اني اعرف
احب انوهلك انه بعثتلهم الرساله تقريبا نهايه شهر التاسع 2012 وسفري كان 23 شباط 2013 يارب يوم الك وتبشرنه بكل خير
ويوجد عضو بالمنتدى يارب يحمي ويوفقه يارب اسمه (زيطه) وهو اخ والنعم منه تكدر تتصل وياه على الخاص ويساعدك
واذا محصلته تكدر تبعثلي على الخاص وان شاء الله منقصر وياك ويارب تفرج عليك
تحياتي
اختك ام شاهين

السلام عليكم
اشكرج واشكر كلماتج الطيبة اختي العزيزة
اكيد مجرد مشاركتج وتعليقج على الموضوع هو فائدة بحد ذاتها
ياريت لو اثقل عليج اختي العزيزة كيف احصل على الفورمة وكيفية طريقة ارسالها والى اي عنوان ياريت لو اكو تفاصيل اكثر , اكون ممنون من حضرتج , اكيد راح اتصل بجنابك او بالاخ زيطة اذا احتاجيت اي تفاصيل
اشكر مشاركتج ونصيحتج واجابتج مرة ثانية اختي العزيزة
تحياتي
اخوكي الصقر

[Saqar]

اخويه العزيز
الف الحمد لله على سلامتك
والف مبروووك على زواجك والحمد لله اطمنت على ابنك بأيدي امينه ويارب يسعدكم دائما
اخويه العزيز رح احجيلك الي صار ويايه ويارب اكدر افيدك
اني من جماعة 2008 بسوريا وبسنه 2013 وصلت لارض الاستقار والحمد لله
اني من اوائل الناس وحسب اعتقادي الي بعثت رساله الى دائره المظالم وهم بعثولي الفورمه 7001
هذه الدائره هي عباره عن مجموعه من المحامين والمحللين ودائره المظالم طبعا تابعه للامن الوطني الامريكي وطبعا اتساعد الاشخاص المتاخرين بدون ذنب والي مخلصين مقابلة محلفين هذا الي اني اعرف
احب انوهلك انه بعثتلهم الرساله تقريبا نهايه شهر التاسع 2012 وسفري كان 23 شباط 2013 يارب يوم الك وتبشرنه بكل خير
ويوجد عضو بالمنتدى يارب يحمي ويوفقه يارب اسمه (زيطه) وهو اخ والنعم منه تكدر تتصل وياه على الخاص ويساعدك
واذا محصلته تكدر تبعثلي على الخاص وان شاء الله منقصر وياك ويارب تفرج عليك
تحياتي
اختك ام شاهين

الحمد لله على سلامتك ويارب يوفقك ويسهل امرك وشغلتك محلولة انشاء الله


وشكري الجزيل الى علم النتدى وركن المعروف فيه الاخت ام شاهين التي لم تدخر وسعا في سبيل مساعدة الاعضاء في المنتدى ربي يسهل امرها ويوفقها وشكرا لكلماتها الطيبة وجزاها الله خير الجزاء.

مشكلتك ان المنظمة مفاهمة شغلتك لحد الان فعندك سبيلين كتابة قصتك بالاحداث التي مرت بك دون الاسهاب في التفاصيل لبيان اللبس الذي حصل بقضيتك ومراسلة المنظمة . وانصحك بالصبر فبغيره لا تحل الاشكالات.

ثانياً :تقديم استمارة التظلم 7001 تشرح فيها قضيتك ومرفقة بالتقارير الطبية لحضرتك (مهم جداً) لان مكتب المظالم خلال الشهرين الاخيرين اخذ بنظر الاعتبار الوضع الصحي للمتقدم فقط دون التهديد والوضع الامني لان كل المتقدمين على كثرتهم شارحين بان وضعهم الامني مهدد فتم الاخذ  بنظر الاعتبار الوضع الصحي فقط.


انظر الى الموضوع تطورات تقديم الاستمارة 7001 الصفحة الاولى شارح بيها كيفية املاء الاستمارة


واي شي تحتاج راسلني عالخاص

تحياتي وتمنياتي لك بالتوفيق

تحياتي لك اخي العزيز
اشكر مشاركتك واستجابتك هاي السريعة ماشاء الله
صدقا لمن واحد يلتقي باشخاص مثل جنابك والاخت ام شاهين صدقا يحس انه الدنيا بعده بخير
اشكركم على مشاركتم لي بالراي والمشورة واشكر كل الاعضاء الي بالمنتدى الي خير وبركة ويمدون يد المساعدة والعون للاخرين
الصراحة اني راح انتظر واشوف شنو الي راح يصير من المقابلة وشنو نتيجته وعلى هذا الاساس اتصرف وانشاء الله خير
ياريت لو اذا امكن تفاصيل عن الفورمة كيفية الحصول عليها وطريقة املائها وكيفية ارسالها والعنوان , اكون شاكر فضلك مقدما
تحياتي لك اخي العزيز ومنون من حضرتك

[alzandawi]

إخوان هايه الفورمه بس للي مخلصين المقابلات والإجراءات زين الي كلشي ممسويلهم ولا منطيهم رقم ولا أي إجراء صاير بلملف يصير يملون هل فورم أرجو النصيحه أخواتي واخواني

[um shaheen]

الاخ العزيز صقر
بالنسبه للفورمه ان شاء الله باجر احاول انزلها بموضوعك أعذرني الان لان هسه يمي الساعه 3فجرا وينراد ادورها بالاميل لان صار فتره طويله على اطلاعي عليها باجر عطله ويارب اكدر اخدمك



اخي العزيز alzandawi
الي اعرفه بصراحه واعتذر منك هذه الفورمه تخص الي مقابلين محلفين ولكن لو ملفك بعده على ال يو ان ولم يتحول الى التوطين بعد فعندي مواقع دوائر خاصه بهذه الامور وبصراحه قبل فتره نصحت بيها اخونه ابو سلسبيل من جماعتنه بسوريا وبعد سفري بفتره بسيطه ابلغني بانه رسائله جابت نتيجه وملفه تحول للتوطين

غدا لي عوده لموضوع الاخ صقر فأذا تحب اكتبلي ملفك بيا مرحله ويارب اكدر افيدك
عذروني
تحياتي

اختكم ام شاهين

[أبو أياد]

اخويه العزيز
الف الحمد لله على سلامتك
والف مبروووك على زواجك والحمد لله اطمنت على ابنك بأيدي امينه ويارب يسعدكم دائما
اخويه العزيز رح احجيلك الي صار ويايه ويارب اكدر افيدك
اني من جماعة 2008 بسوريا وبسنه 2013 وصلت لارض الاستقار والحمد لله
اني من اوائل الناس وحسب اعتقادي الي بعثت رساله الى دائره المظالم وهم بعثولي الفورمه 7001
هذه الدائره هي عباره عن مجموعه من المحامين والمحللين ودائره المظالم طبعا تابعه للامن الوطني الامريكي وطبعا اتساعد الاشخاص المتاخرين بدون ذنب والي مخلصين مقابلة محلفين هذا الي اني اعرف
احب انوهلك انه بعثتلهم الرساله تقريبا نهايه شهر التاسع 2012 وسفري كان 23 شباط 2013 يارب يوم الك وتبشرنه بكل خير
ويوجد عضو بالمنتدى يارب يحمي ويوفقه يارب اسمه (زيطه) وهو اخ والنعم منه تكدر تتصل وياه على الخاص ويساعدك
واذا محصلته تكدر تبعثلي على الخاص وان شاء الله منقصر وياك ويارب تفرج عليك
تحياتي
اختك ام شاهين

الحمد لله على سلامتك ويارب يوفقك ويسهل امرك وشغلتك محلولة انشاء الله


وشكري الجزيل الى علم النتدى وركن المعروف فيه الاخت ام شاهين التي لم تدخر وسعا في سبيل مساعدة الاعضاء في المنتدى ربي يسهل امرها ويوفقها وشكرا لكلماتها الطيبة وجزاها الله خير الجزاء.

مشكلتك ان المنظمة مفاهمة شغلتك لحد الان فعندك سبيلين كتابة قصتك بالاحداث التي مرت بك دون الاسهاب في التفاصيل لبيان اللبس الذي حصل بقضيتك ومراسلة المنظمة . وانصحك بالصبر فبغيره لا تحل الاشكالات.

ثانياً :تقديم استمارة التظلم 7001 تشرح فيها قضيتك ومرفقة بالتقارير الطبية لحضرتك (مهم جداً) لان مكتب المظالم خلال الشهرين الاخيرين اخذ بنظر الاعتبار الوضع الصحي للمتقدم فقط دون التهديد والوضع الامني لان كل المتقدمين على كثرتهم شارحين بان وضعهم الامني مهدد فتم الاخذ  بنظر الاعتبار الوضع الصحي فقط.


انظر الى الموضوع تطورات تقديم الاستمارة 7001 الصفحة الاولى شارح بيها كيفية املاء الاستمارة


واي شي تحتاج راسلني عالخاص

تحياتي وتمنياتي لك بالتوفيق

تحياتي لك اخي العزيز
اشكر مشاركتك واستجابتك هاي السريعة ماشاء الله
صدقا لمن واحد يلتقي باشخاص مثل جنابك والاخت ام شاهين صدقا يحس انه الدنيا بعده بخير
اشكركم على مشاركتم لي بالراي والمشورة واشكر كل الاعضاء الي بالمنتدى الي خير وبركة ويمدون يد المساعدة والعون للاخرين
الصراحة اني راح انتظر واشوف شنو الي راح يصير من المقابلة وشنو نتيجته وعلى هذا الاساس اتصرف وانشاء الله خير
ياريت لو اذا امكن تفاصيل عن الفورمة كيفية الحصول عليها وطريقة املائها وكيفية ارسالها والعنوان , اكون شاكر فضلك مقدما
تحياتي لك اخي العزيز ومنون من حضرتك

أهلا وسهلا اخي العزيز تدلل

الاستمارة موجودة في الرابط التالي يمكن تحميلها مباشرة

http://www.dhs.gov/xlibrary/assets/cisomb_dhsform7001.pdf


الاستمارة من ثلاث صفحات الاولى والثانية تملاء فقط الثالثة تترك فراغ


كيفية املاء الاستمارة في الرابط ادناه في الردود 85 و86

http://www.ankawa.com/forum/index.php/topic,637452.0.html

الرابط فيه تفصيلات كثيرة تحتاجها لاغنى عن قرائته

تحياتي لك وبالتوفيق

[um shaheen]

عاشت ايدك اخونه العزيز زيطه ويارب الفرج بالقريب العاجل لكل المنتظرين
تحياتي
اختكم ام شاهين

[Saqar]

السلام عليكم

شكرا مرة ثانية للاخت ام شاهين وللاخ زيطة على التفاصيل جزاك الله عنا الف خير
احب انه اكللكم اني قابلت المحلف واخذت ابني وزوجتي وياية والحمد لله مشت الامور وكانت المقابلة الحمد لله زينة وانشاء الله تاليه خير
وحجيت وية جماعة المنظمة وهمة يكولون مو من يمنة هاي الخربطة من عمان ومدنعرف شيصير وشنو تاليه والحمد لله
عموما راح اكتب انشاء الله تفاصيل مقابلتي بموضوع مستقل انشاء الله تحياتي الكم وممنون جدا على جهودكم الطيبة

تحياتي
اخوكم
الصقر

[أبو أياد]

السلام عليكم

شكرا مرة ثانية للاخت ام شاهين وللاخ زيطة على التفاصيل جزاك الله عنا الف خير
احب انه اكللكم اني قابلت المحلف واخذت ابني وزوجتي وياية والحمد لله مشت الامور وكانت المقابلة الحمد لله زينة وانشاء الله تاليه خير
وحجيت وية جماعة المنظمة وهمة يكولون مو من يمنة هاي الخربطة من عمان ومدنعرف شيصير وشنو تاليه والحمد لله
عموما راح اكتب انشاء الله تفاصيل مقابلتي بموضوع مستقل انشاء الله تحياتي الكم وممنون جدا على جهودكم الطيبة

تحياتي
اخوكم
الصقر

الحمد لله على نعمته بتمام مقابلة المحلف وازالة سوء الفهم في قضيتك

نسأل الله ان يتم نعمته عليك بالسفر القريب

تحياتي

[um shaheen]

الف الحمد لله والشكر ويارب الفرج بالقريب العاجل ان شاء الله ودائما تبشرنه بكل خير يارب
لاشكر على واجب اخ عزيز ويارب يبارك بيك ومحميين بأذن الله
تحياتي
اختك ام شاهين