راح انسى انه انا امقدم لجوء واشتغل على وضعي

[Yassenkov]

السلام للجميع

بالبداية اكيد مو انا الوحيد الي مل من الانتظار وكلشي بحياتي واقف بسبب اللجوء ، فقررت انه انسى اللجوء وليس الغاءه ، من اجل الاهتمام بوضعي ووضع عائلتي لان كافي خلينا نشتغل على تصويب اوضاعنا لان كل يوم الواحد يسمع قصص بعد انتظار 4 او 5 سنوات وجاء رفض او الملف اتغير او اصبح اكسباير او رجعت الامنية غير مكتملة وغيرها من القصص الي ادمر نفسية العراقي ، فلازم الواحد يصحى من الحلم الي عايش بيه ويبدي يشتغل انه هو مطالع ، العمر يمشي بينا وعلى قولة ابو سارة الى متى اظل اكذب على سارة  انه اهنا راح انسافر قريب جدا ، اكيد اكثر المنتسبين الى عينكاوه هم كبار بالعمر واليوم الي يضيغ كاعد بيه انتظر هو محسوب علينا وعلى مستقبل عائلاتنا ،

قدمت IOM ولحد الان قيد الدراسة وقضيتي مشروطة بالموافقة الامنية ، التقديم من سنة 2009
قدمت SIV وكملت المقابلة ولحد الان انتظر موافقة الفيزا ، التقديم من 2009 الى حد الان انتظار الاجراءات الادارية

الحرب النفسيه ومتابعة الموقع مالت السفارة وال اي او او كلها مغثه وحرق اعصاب على شنو ، اذا الله راد اطلع راح اطلع واذا مراد لو شميصير مراح اطلع ، فالقرار انه تغير المخطط بالكامل والبدء بالتغير واكيد انا مو الوحيد الي محصور بهاي الدوامة والكل نفس الشي تيصير بيهم فخلص

الله يوفق الجميع ويفتحه علينا والرزق والتوفيق موجود بكل مكان سواء اهنا او بامريكا والتسهيل من الله عز وجل

اسف على الاطالة وشكرا

اخوكم Yassenkov

[ابومريم البغدادي]

السلام عليكم اخوية الغالي
الحال من بعضة ونفس الشئ كلنا دنمر بي نفس الانتظار ونفس الجدول الي هو واكف ما يتحرك من 2010 ولحد الان واحنا جماعة سوريا ضروفنة اصعب من غيرنة لان ضروف البلد الي دنعيش بي هي تعبانة الاعمال والشغل كله واكف بسبب الوضع الي ديمر البلد بي كنا سابقا نعمل ونشتغل وناسين موضوع السفر ومتابعة الموقع مال عمان التعبان بس هسة شنسوي مكابليه وكاعدين وهو يكلك حال ارحم من حال والله خير ما عملت اخوية وهي بيد رب العالمين اذا يريد يجيك السفر يجيك حتى لو انت بأخر العالم اني اسف للاطالة اخوية وسلامنا للعائلة الكريمة

                                                                                                             اخوكم ابومريم البغدادي
                                                                                                             ســـــــــــــــــــــــــــــوريا 

[sparky]

كان الله بعونكم وعون الجميـــــــــــــــــــــــــــــــــــــــــــــــــــــــع ويارب الفرج القريب
صبرت يالطيب سنيــــــــــــــــــــــــــــــــــــــــــــــــــــــــــــــــن ومابقى باذن الله الا القليل القليل
وربنا ييسر اموركم وامور الجميــــــــــــــــــــــــــــــــــــــــــــع

[دبس و راشي]

هاي شنو ابو حمودي!!!!!

هااي هسه ياله راح تنسى  موضوع التقديم على اللجوء؟؟؟؟!!!!
مو كتلك خليك مثلي ..
اني نسيته اول ما قدمت قبل اكثر  3سنوات.. و جنت اول ما اطلع من المقابلة الاولى او الفحص الطبي او  المقابلة مال المحلف  . انسى اللجوء. وراسا اعيش حياتي .
مع العلم اني تقريبا يوميه اشوف الي ديسافرون ( وبدت الارقام تشير لطالبي لجوء مقدمين وراية. وبدو يطلعون \ قسما بالله العلي العظيم بالعافية عليهم . هم صبروا والله انطاهم ثمرة صبرهم\) .
وصدكني ابو حمودي . اذا نربط كل حياتنه ومشاريعنه بهذا الموضوع . راح ندمر نفسنه وعوائلنه .وراح نعيش ونعيشهم بجحيم الانتظار . وتوقف الحياة.
طولت عليكم بالكلام . بس قاعدة ماشي عليها حبيت تستفادون منها .
اشكرك على موضوعك الجميل .
تحياتي

[ام راما]

قرار حكيم وصائب فلا تخسرو سنيين عمركم انتظار كما خسرناها نحن
منذ 2008 وحياتنا فقط انتظار الله يسهل امرك ويعجل بسفرك
اختك ام راما
سوريا

[firas baghdadi]

يعني شنو تنسون الموضوع !!!!!!!!!!!!
شلون بلة ننسى؟؟؟؟؟
يعني مجيك ايميلك يومية!! لو مرح تفتح موقع المنظمة؟؟ لو من يدك موبايلك مرح تركض عليه؟؟
اخوان كلامكم كله صحيح وعالعين والراس . بس مامكن تطبيقه بالواقع.
اني هم مثلكم نايمة عليه الطابوكة. بس ماكدر انسى. احجيلكم الصدك.
وعلى كولة حبيبنا الغالي دبوسي كمنا انأيس لأن ناس ورانا قدمت وسافروا كبلنة وحياخذون الجنسية واحنا بعدنا هنا.
والله اني داحاول امشي حياتي باقل المصاريف الممكنة. واي موجودات ثابتة جديدة ماشتري.( اقصد تبديل سيارة أو اثاث أو.......)
ومداكدر اترك الموضوع من بالي نهائيآ ألا لاسامح الله يجيني رفض واستأنف وانرفض مرة لخ يلة اكلكم صدق رح انسى الموضوع.
ويمكن اذا كفيلي يخابرني ويقنعني يحطلي محامي بامريكا حتى استأنف مرة ثالثة. هم 99% اوافق واكلة توكل على الله وبلش وشوفلي محامي هجرة مختص وشاطر.  
اما بالنسبة للفقرة اللي طرحها صاحب الموضوع بالاخير مال التوفيق من رب العالمين سواء هنا أو بامريكا. اني ممقدم على امريكا حتى ادور توفيق بحياتي. اني هنا متوفق واموري ماشية والحمد لله. اني مقدم لطلب الامان .

تحياتي

[فارس البغدادي]

السلام عليكم

اخوية العزيز البارحة اني نزلت نفس الموضوع من ورى الضيم والقهر وحبيت اكلك الله يصبرك ويصبرنا على مسعانا هذا واني بالنسبة الي الموضوع انه مو بكيفنا ننسا اني من اليوم راح امسح موقع الهجرة وموقع عمان حتى ما اضطر ان اتذكر موضوع السفر كل ما افتح النت وخلي اجييك كل اسبوعيين مرة بهاي الحالة ممكن نكدر شوية نسيطر على الموضوع واحد الاخوان يكول ( يعني مجييك ايملك يومية ) هذا التجييك اني بالنسبة الي جزء من عملي وهم اصلا راح يتصلون مو يدزون رسائل للي مخلص الاجراءات ..وياربي تنتهي امورك على خير ويتصلون بيك ويحددولك موعد سفر بهذا الشه

[فنان]

السلام عليكم

اخي العزيز صاحب الموضوع اعتقد  هذه الشي المفروض تفكر فيه منذ  ان قدمت الى اللجوء لا تجعل هذه الموضوع يشغل تفكيرك حاول ان تتعايش مع حياتك اليوميه بصوره طبيعيه  وانسى شي اسمه سفر  وفي نفس الوقت لا تتركه لكن تابعه  عن بعد حتى لا يسبب لك حاله نفسيه تمنياتي لك بالموفقيه والسفر العاجل  وجميع الاعضاء انشاء الله 
ملاحظه انته بالنسبه الي تعتبر مقدم جديد اخوك منذ 2006 مقدم ولحد الان صامدين 

تحياااااااااااااتي لك اخوك فناااااان

[برنسو]

قرار صائب .... الواحد يعيش حياته ويشوف مستقبله كأنه مراح يسافر (اذا كان ممكن هذا الشي)... صحيح مراح نكدر ننسه اللجوء والتفكير بيه لانه هذا مستحيل لكن الفرق انه ما نأجل كل اعمالنه بحجة راح نسافر وبالتالي نضيع سنين من عمرنه بلا اي انجاز وايضا الانتظار يزيد القلق والقهر وربما المرض وراح تكون ايام الانتظار قاسية ومؤلمة, فالاحسن انه نعيش حياتنه طبيعي قدر الامكان ونفكر بموضوع اللجوء بصفته مشروع قابل للنجاح والتحقق او لا سامح الله الفشل.

اتمنالك وللجميع الموفقية .



تحياتي .... برنسو

[عمدة فرجينيا]

والله يا خوية هذا الموضوع هواية انفكر بيه وانكول خلي ننسى سالفة السفر ونلتفت لروحنا بس ما ترهم تدري ليش لان اكو قرارات مصيرية ما تكدر تاخذهة بسهولة وهاي باقية حياتنا معلقة لحين اكتمال الامنية والنا رب العالمين هو وحدة اعلم بحال كل شخص بينا وانكول الي بيه الخير الله ايقدمه

[عازفة الصمت]

اتمني اني اكدر هيجي اسوي شو كلما احاول انسة ارجع افكر واكل ما بقة شي هي شهرين تلاثة واني ع هاي الحجاية من تلث سنين يعني صار تلث سنين اكول بقة شهرين وشوف شكد مر الزمن وتغيرت اشياء لا تعد ولا تحصى بحياتنة والله ان شاء الله يعوضنة ونسافر وتصير كل هاي سوالف

[Yassenkov]

السلام عليكم اخوية الغالي
الحال من بعضة ونفس الشئ كلنا دنمر بي نفس الانتظار ونفس الجدول الي هو واكف ما يتحرك من 2010 ولحد الان واحنا جماعة سوريا ضروفنة اصعب من غيرنة لان ضروف البلد الي دنعيش بي هي تعبانة الاعمال والشغل كله واكف بسبب الوضع الي ديمر البلد بي كنا سابقا نعمل ونشتغل وناسين موضوع السفر ومتابعة الموقع مال عمان التعبان بس هسة شنسوي مكابليه وكاعدين وهو يكلك حال ارحم من حال والله خير ما عملت اخوية وهي بيد رب العالمين اذا يريد يجيك السفر يجيك حتى لو انت بأخر العالم اني اسف للاطالة اخوية وسلامنا للعائلة الكريمة

                                                                                                             اخوكم ابومريم البغدادي
                                                                                                             ســـــــــــــــــــــــــــــوريا 

اول شي احب اقول لابو مريم الورد الله يستر عليكم ويحميكم ويعجل فرجه عليكم وتسافرون باسرع وقت ان شاء الله لان الاوضاع بسوريا جدا صعبة
ثانيا : اكيد من الصعب عليك تلكي خطه بديلة بسبب الاوضاع في سوريا والعراق ليس بخيار للرجوع اليه لان الوضع اهناك من سيء الى اسوء

كل الاتمناه انه اسمع اخبار اهلنا الطيبين بسوريا  وان شاء الله اتسافرون باقرب وقت وتخلصون من كل المشاكل

أخوك Yassenkov

[Yassenkov]

كان الله بعونكم وعون الجميـــــــــــــــــــــــــــــــــــــــــــــــــــــــع ويارب الفرج القريب
صبرت يالطيب سنيــــــــــــــــــــــــــــــــــــــــــــــــــــــــــــــــن ومابقى باذن الله الا القليل القليل
وربنا ييسر اموركم وامور الجميــــــــــــــــــــــــــــــــــــــــــــع

الاخ العزيز Sparky

شكر لمرورك الكريم واشكر دعائك الي هذا من اصلك الطيب ، وان شاء الله تفرج عليك وعلى كل شخص الدنيا ضاقة بيه

شكرا مره ثانية والتوفيق للجميع

أخوك Yassenkov

[Yassenkov]

هاي شنو ابو حمودي!!!!!

هااي هسه ياله راح تنسى  موضوع التقديم على اللجوء؟؟؟؟!!!!
مو كتلك خليك مثلي ..
اني نسيته اول ما قدمت قبل اكثر  3سنوات.. و جنت اول ما اطلع من المقابلة الاولى او الفحص الطبي او  المقابلة مال المحلف  . انسى اللجوء. وراسا اعيش حياتي .
مع العلم اني تقريبا يوميه اشوف الي ديسافرون ( وبدت الارقام تشير لطالبي لجوء مقدمين وراية. وبدو يطلعون \ قسما بالله العلي العظيم بالعافية عليهم . هم صبروا والله انطاهم ثمرة صبرهم\) .
وصدكني ابو حمودي . اذا نربط كل حياتنه ومشاريعنه بهذا الموضوع . راح ندمر نفسنه وعوائلنه .وراح نعيش ونعيشهم بجحيم الانتظار . وتوقف الحياة.
طولت عليكم بالكلام . بس قاعدة ماشي عليها حبيت تستفادون منها .
اشكرك على موضوعك الجميل .
تحياتي

دبس وراشي

تره الشغلة مو سهلة بس الواحد لازم يحط خطة بديلة والتاخير محسوب علينا وعلى مستقبلنا ، وقرار بنسيان السفر وليس الغاءها هو افضل حل الي بالوضع الحالي لان كلشي بحياتي امسويله تجميد ،

انا جدا شاكر لكلماتك الحلوه وان شاء الله التوفيق للجميع والسفر القريب للكل

أخوكم Yassenkov

[Yassenkov]

قرار حكيم وصائب فلا تخسرو سنيين عمركم انتظار كما خسرناها نحن
منذ 2008 وحياتنا فقط انتظار الله يسهل امرك ويعجل بسفرك
اختك ام راما
سوريا

ام راما

شكرا جزيلا وان شاء الله اتسافرين قريبا جدا ونسمع اخبارك الحلوة من امريكا - أميين

اخوك Yassenkov

[Yassenkov]

يعني شنو تنسون الموضوع !!!!!!!!!!!!
شلون بلة ننسى؟؟؟؟؟
يعني مجيك ايميلك يومية!! لو مرح تفتح موقع المنظمة؟؟ لو من يدك موبايلك مرح تركض عليه؟؟
اخوان كلامكم كله صحيح وعالعين والراس . بس مامكن تطبيقه بالواقع.
اني هم مثلكم نايمة عليه الطابوكة. بس ماكدر انسى. احجيلكم الصدك.
وعلى كولة حبيبنا الغالي دبوسي كمنا انأيس لأن ناس ورانا قدمت وسافروا كبلنة وحياخذون الجنسية واحنا بعدنا هنا.
والله اني داحاول امشي حياتي باقل المصاريف الممكنة. واي موجودات ثابتة جديدة ماشتري.( اقصد تبديل سيارة أو اثاث أو.......)
ومداكدر اترك الموضوع من بالي نهائيآ ألا لاسامح الله يجيني رفض واستأنف وانرفض مرة لخ يلة اكلكم صدق رح انسى الموضوع.
ويمكن اذا كفيلي يخابرني ويقنعني يحطلي محامي بامريكا حتى استأنف مرة ثالثة. هم 99% اوافق واكلة توكل على الله وبلش وشوفلي محامي هجرة مختص وشاطر.  
اما بالنسبة للفقرة اللي طرحها صاحب الموضوع بالاخير مال التوفيق من رب العالمين سواء هنا أو بامريكا. اني ممقدم على امريكا حتى ادور توفيق بحياتي. اني هنا متوفق واموري ماشية والحمد لله. اني مقدم لطلب الامان .

تحياتي


الاخ العزيز Firas

والله انا مثلك تماما انا ادور على الامان وكل انواع الامان لان لمن الامان يكون متواجد راح تكدر تستقر وتبدي تبني أسس حياتك بشكل سليم وصحيح ، يعني انا كاعد اشتغل والحمدالله الامور ماشية بس الامان بالاستقرار مموجود لان اذا انا طلعت من شغلي مو سهل الكي شغل والايجارات غالية بعمان والعيشة صعبه ، وخيار انه ارجع للعراق صعب جدا لان انا شبعت تهديد ، فمثل ما اتفضلت الامان هو اهم هدف عندي

انا جدا اشكرك وان شاء الله امورك تتسهل وتطلع الى امريكا - أميين

أخوك Yassenkov

[Yassenkov]

السلام عليكم

اخي العزيز صاحب الموضوع اعتقد  هذه الشي المفروض تفكر فيه منذ  ان قدمت الى اللجوء لا تجعل هذه الموضوع يشغل تفكيرك حاول ان تتعايش مع حياتك اليوميه بصوره طبيعيه  وانسى شي اسمه سفر  وفي نفس الوقت لا تتكره لكن تابعه  عن بعد حتى لا يسبب لك حاله نفسيه تمنياتي لك بالموفقيه والسفر العاجل  وجميع الاعضاء انشاء الله 
ملاحظه انته بالنسبه الي تعتبر مقدم جديد اخوك منذ 2006 مقدم ولحد الان صامدين 

تحياااااااااااااتي لك اخوك فناااااان

الاخ العزيز فنان

والله كلامك صحيح 100/100 بس تعرف دائما الانسان يتعلم من الحياة وكون الانسان مرات اتكون خبرته قليله بالحياة فيتخذ قرارات غير صائبة يمكن اتضره بعدين لكن رب العالمين اعرف بالنيات ولله يفرجها عليك ان شاء الله واسمع اخبار سفرك السريع الى امريكا _أميين

شكرا مره ثانية

أخوك Yassenkov

[Yassenkov]

والله اهنيك على شجاعتك وهذا قرار سليم

شكرا جزيلا اخ حسين الجبوري وان شاء الله تتهسل امور سفرك وتفرج عليك ان شاء الله - أميين

اخوك Yassenkov

[Yassenkov]

قرار صائب .... الواحد يعيش حياته ويشوف مستقبله كأنه مراح يسافر (اذا كان ممكن هذا الشي)... صحيح مراح نكدر ننسه اللجوء والتفكير بيه لانه هذا مستحيل لكن الفرق انه ما نأجل كل اعمالنه بحجة راح نسافر وبالتالي نضيع سنين من عمرنه بلا اي انجاز وايضا الانتظار يزيد القلق والقهر وربما المرض وراح تكون ايام الانتظار قاسية ومؤلمة, فالاحسن انه نعيش حياتنه طبيعي قدر الامكان ونفكر بموضوع اللجوء بصفته مشروع قابل للنجاح والتحقق او لا سامح الله الفشل.

اتمنالك وللجميع الموفقية .



تحياتي .... برنسو

الاخ العزيز برنسو

والله كلامك صح اهنا انقول راح ننساه بس العقل الباطني للعراق ميتقبل هذه الفكرة لان كل الامال مبنية على الطلعة الى امريكا ، لكن نحن نحاول ان منعطيه اهتمام بحيث نحرق اعصابنا ، فنتوكل على الله عز وجل وهو الذي يلطف بحال كل شخص محتاج السفر ودائما انقول كل تأخيره وبيها خيره

شكرا مره ثانية وان شاء الله اسمع اخبارك الحلوة دائما وتفرج عليك الدنيا من اوسع ابوباها - أميين

أخوك Yassenkov

[Yassenkov]

والله يا خوية هذا الموضوع هواية انفكر بيه وانكول خلي ننسى سالفة السفر ونلتفت لروحنا بس ما ترهم تدري ليش لان اكو قرارات مصيرية ما تكدر تاخذهة بسهولة وهاي باقية حياتنا معلقة لحين اكتمال الامنية والنا رب العالمين هو وحدة اعلم بحال كل شخص بينا وانكول الي بيه الخير الله ايقدمه

الملاك الحائر

شنو خيارات العراقي كلها محدودة يعني البقاء والانتظار لحد صدور النتيجه والسفر وتجميد كل الامور الاخرى او لازم نشتغل على وضعنا الحالي كون الغيب بيد الله عز وجل وهو الي يختار الي بيه افضل النا خاصة لمن الانسان يتوكل حق توكل على الله سبحانه وتعاله ، والله انا هسه كاعد اسعى بامور كثيره راح اتوفر حياة افضل الي ولعائلتي وان شاء الله متاثر عليه في حال طلعت الفيزا وسافرت

شكرا جزيلا وان شاء الله نسمع اخبارك الحلوه والسفر القريب - أميي

أخوكي Yassenkov

[Yassenkov]

اتمني اني اكدر هيجي اسوي شو كلما احاول انسة ارجع افكر واكل ما بقة شي هي شهرين تلاثة واني ع هاي الحجاية من تلث سنين يعني صار تلث سنين اكول بقة شهرين وشوف شكد مر الزمن وتغيرت اشياء لا تعد ولا تحصى بحياتنة والله ان شاء الله يعوضنة ونسافر وتصير كل هاي سوالف

عازفة الصمت

والله كلنا مثلك كل مره انكول مابقه شي ومرات احلم انه طلعت الفيزا واكوم ركض على الجهاز واجيك الموقع ، والله العظيم الاعصاب تعبت كلما اقرر اعوف اللجوء تطلع شغلة وتخليني ارجع عن القرار ، فقررت انه احاول انساها واشتغل على تحسن وضعي والله يساعدنا على هذا الحال

ان شاء الله يفرجها عليك وتسافرين باسرع وقت ممكن - أميين

أخوكي Yassenkov

[دقه قلب]

يعني شنو تنسون الموضوع !!!!!!!!!!!!
شلون بلة ننسى؟؟؟؟؟
يعني مجيك ايميلك يومية!! لو مرح تفتح موقع المنظمة؟؟ لو من يدك موبايلك مرح تركض عليه؟؟
اخوان كلامكم كله صحيح وعالعين والراس . بس مامكن تطبيقه بالواقع.
اني هم مثلكم نايمة عليه الطابوكة. بس ماكدر انسى. احجيلكم الصدك.
وعلى كولة حبيبنا الغالي دبوسي كمنا انأيس لأن ناس ورانا قدمت وسافروا كبلنة وحياخذون الجنسية واحنا بعدنا هنا.
والله اني داحاول امشي حياتي باقل المصاريف الممكنة. واي موجودات ثابتة جديدة ماشتري.( اقصد تبديل سيارة أو اثاث أو.......)
ومداكدر اترك الموضوع من بالي نهائيآ ألا لاسامح الله يجيني رفض واستأنف وانرفض مرة لخ يلة اكلكم صدق رح انسى الموضوع.
ويمكن اذا كفيلي يخابرني ويقنعني يحطلي محامي بامريكا حتى استأنف مرة ثالثة. هم 99% اوافق واكلة توكل على الله وبلش وشوفلي محامي هجرة مختص وشاطر.  
اما بالنسبة للفقرة اللي طرحها صاحب الموضوع بالاخير مال التوفيق من رب العالمين سواء هنا أو بامريكا. اني ممقدم على امريكا حتى ادور توفيق بحياتي. اني هنا متوفق واموري ماشية والحمد لله. اني مقدم لطلب الامان .

تحياتي
السلام عليكم
كلام firas baghdadi صحيح  كيف ننسى واحنا ننتظر مكالمات الهجره الظروريه وانشوف الموقع دائما  طبعا خاصه  اذا كنت وصلت مرحله متقدمه , انا  اعمل  بشركه   ,وانا بشغلي اذا اجاني اتصال من الهجره راسا افرح واحجي معهم بمكان هادئ بعيدعن الناس  واعتبر الشغل ولاشئ اذا طلع لي خط رحله وسافرت لان امريكا هي الاستقرار يعني يظل همي المتابعه  مع اني اعمل وابنائي يدرسون ووضعي حمدلله طيب

[اجونة]

خيررر مافعلت  .... اتركها هي ..تجيك .... 

[Yassenkov]

شكرا اجونة

[allami2004]

شلونك حبي

وداعتك حجي هذا اني هم مثلك جنت ولحد الان مثلك مع العلم اني مقدم SIV من 2009 ولليوم انتظار
وجان عندي فلوس وصرفته كله في سبيل الانتظار وصار سنة و شهرين بالظبط من بديت اشتغل من جديد واحاول انسى انه اني  مقدم بس ماكدر تعرف الشعور الداخلي من شغلة تبقى ببالك بس تريد تعرف شنو التطورات
والله العظيم ماكو واحد بكدي تاذه نفسيا من وره هالشغلة لان حالنا صار معلق مو مال ارجع اهدم امالي واستقر بالعراق العراق كلشي ما انطاني ياخذ مني ومينطي والاغلبيه هم هيج

[Yassenkov]

شلونك حبي

وداعتك حجي هذا اني هم مثلك جنت ولحد الان مثلك مع العلم اني مقدم SIV من 2009 ولليوم انتظار
وجان عندي فلوس وصرفته كله في سبيل الانتظار وصار سنة و شهرين بالظبط من بديت اشتغل من جديد واحاول انسى انه اني  مقدم بس ماكدر تعرف الشعور الداخلي من شغلة تبقى ببالك بس تريد تعرف شنو التطورات
والله العظيم ماكو واحد بكدي تاذه نفسيا من وره هالشغلة لان حالنا صار معلق مو مال ارجع اهدم امالي واستقر بالعراق العراق كلشي ما انطاني ياخذ مني ومينطي والاغلبيه هم هيج

أخي Allami2004

والله كلامك صحيح بس شنو الواحد بيده يسوي يعني والله اهنا في عمان اموت قهر لمن اشوف عوائل واشخاص اتسافر الى امريكا وهي ممحتاجه وترجع بعد مده متتجاورز 3 اشهر بحجة امريكا كأبه ، يعني انا اشتغل من ال8 الصبح الى حد السبعه المغرب ويادوب اشوف عائلتي ساعتين باليوم والحمدالله وضعي زين نوعا ما بس مشكلتنا هي السفر ، مرات الواحد يدعي ربه يكول يارب عجل فرجك عني بالقبول او الرفض لان الحالة النفسية مثل ما اتفضلت متتقبل تنسى شي وهو بعده موجود ، قبل كم يوم دزيت للسفارة اسألهم اذا اكو تطور وردو علي انه ماكو اي تطور ، والله حرب اعصاب نفسية الواحد يمر بيها حتى نوم موكادر انام اذا هو موضوع السفر 24 ساعة ببالي حتى بالحلم يجي

الواحد يحاول ينسى وهذا شي صعب يعني شنو الحل لعد ، والمشكلة في عمان صعب تلكي شغل اذا تركت ، اهنا اندور على الامان بكل انواعه وهذا الشي على ما اعتقد موجود بس بامريكا .

الواحد يكول الله كريم ان شاء الله تفرج علي وعليك وعلى كل واحد محتاج اللجوء فقط - أميين

اخوك Yassenkov