لم تكتمل الامنيه ولا مره!!!!الى متى

[غــريـبــه!!!]

مرحبا

صارلي من سنه 2011  شهر 3 مقابله محلفين والى اليوم لم تكتمل الامنيه طيب الى متى 

[مشتول]

والله اخويه واني مثلك محلفين شهر التاسع 2011 ولحد هسه لا اكتملت الامنيه ولانازله المدينه والمطار ولا متصلين بالكفيل و انت نازله المدينه والمطار لو لا

[أبو أياد]

الله كريم الله يعوض صبرج كل خير وانشاء الله تكتمل الامنية قريبا

[ام زوزو الواسطي]

واحنه نفس الحاله ولا مره صارت مكتمل

[sparky]

الله كريم الله يعوض صبرج كل خير وانشاء الله تكتمل الامنية قريبا

+1

[غــريـبــه!!!]

شكرا اخوان لردودكم

اخي مشتول نعم نازله المدينه والمطار من بدايه منزلو الخانتين بالموقع اني انظافن عندي والاتصال بالكفيل اذا تقصد بعد مقابله المحلف بشكم شهر نعم متصلين وحته اسمي موجود عند المنظمه اللي بامريكا ويكولون كل شي مخلصين

[كلــــــــــــوري المحبة]

انشاء الله الامنية تكتمل يمكم
والله الامنية بزعتنا من روحنا

[مشتول]

اختي معناها امورك ماشيه مظبوط لاتقلقين...ان شالله تكتمل و تصير سوالف وتبشرينا...بس اني شغلتي والله عجيبه شتكولون

[غــريـبــه!!!]

يارب السفر للجميع بالقريبا العاجل يارب

والله يا اخي ليش متراسل المنظمه وتسالهم التاخير من عدهم اعتقد هنا

[firas baghdadi]

أصلا آني هذا الموضوع ماصدك بي
مال الامنية تصير مكتملة . هذا حلم
 
وداعتج الموقع جنة صورة. صحيح يتغير بس كل جم سنة مرة مثل الكسوف


تحياتي

[غــريـبــه!!!]

اخي فراس بصراحه اني جنت متابعه 4 كيسات بالموقع 2 سافرو والحمد لله والموقع جان لا باس بي
بس اني مدا احجي بس على الموقع وانما قبل شكم يوم اتصلت بيه الموظفه من المنظمه وكالتلي الامنيه بعدها مجايه من امريكا 

[firas baghdadi]

هو اني قصدي مال الامنية تخلص . ماصدك
هاي الظاهر الامنية كل جم شهر تخلص مال كيس واحد
 

احنا ماعدنا غير الموقع نعتمد عليه

تحياتي

[kdkdkdkdk]

up

[عمدة فرجينيا]

عيوني اني هم من شهر السادس 2011 ولحد الان الامنية بالانتظار ومدا اعرف ليش هيجي
 

[علي الجبوري]

السلام عليكم ان شالله تكتمل الامنية على الكل و يسافرون بس هسة تحتاج صبر
بس عندي سؤأل للي يعرف على شنو يعتمدون بالامنية يعني شنو الامور التي يشتغلون عليهة اتمنى اللي عندة علم يخبرني و الله يسهل على الكل

[العراقي72]

أهلا أختي عطر المسك شلونج .. تره آني مثل أخونا مشتول ومكمل محلفين من شهر الرابع 2011 ولحد الآن منازلة المدينة والمطار ومع العلم متصلين بكفيلي قبل سنتين .. والأمنية كلشي ماكو الله وكيلج ودأشطب أيام والله كريم .. والمشكلة كل ماأخابر جماعة عمان وأكللهم على المدينة والمطار ميعرفون شيجاويون مره يكلي أكو خطأ بالسيرفر ومره يكلي غير الباسورد وفوت ومره يكلي ممتصلين بكفيلك بالخارج ههههههههههههههههههههههه وخالين شكم واحد قشمر لايحل ولايربط ومكروه من صوته وكلشي ميفتهم .. شكرا ويارب نسافر كلنا

[ابومريومة]

مرحبا اختي عطر

الامنية مدة اكسبايرها سنة وبس تصدر من امريكا خلال اسبوع يتحدد موعد السفر وان شاء الله عن قريب تسمعينا الاخبار الحلوة عن ملفكم واذا تحتاجين اي شي هنا اني حاظر


تحياتي
ابومريومة

[غــريـبــه!!!]

مشكوررين على الردود الله يساعدكم ويساعدني على تحمل هالسنين والله تعبنه ماعدنه غير الانتظار
تسلم ابو مريومه بلكي يارب تجي الامنيه وارتاح

[dreng]

والله ياجماعه نفس الشي اني من 2010 ايلول
لحد الان ولامرة اكتملت الامنية
وكل ما اخابر يكولون لي الامنية الاولى لسه ماكملت
الله يصبرنا ويعيننا
تحياتي

[slam hawk]

الله ارحم الراحمين

[جورجيا]

نفس الحال 

[s350thebest]

مرحبا

صارلي من سنه 2011  شهر 3 مقابله محلفين والى اليوم لم تكتمل الامنيه طيب الى متى 

اني التقديم في 1\2009 بغداد رقم 109 

مقابلة محلف 9\2010 والى اليوم الامنية غير مكتملة ولا مرة 

الحمد لله على كل حال
يا الله الفرج للجميع  .

[غــريـبــه!!!]

يارب نشوف تغيير بالقريب العاجل

المشكله اخوان حته الفورم 7001 مجابت نتيجه