للتذكير فقط السفر من بغداد للشهر الخامس اقل من الاشهر الماضية

[single man]

السلام عليكم
الاخوة و الاخوات الاعزاء قبل كل شي اعذروني لان مشاركاتي صارت قليلة بالفترة الاخيرة لان بصراحة مالي واهس اكتب شي
عموما خل نرجع للموضوع
اذا تتذكرون بالشهر الرابع كلتلكم العدد المتبقي ببغداد للي مكملين مقابلة المحلف كلش قليل و لا يتعدى ال 900 شخص و اغلبهم جدد و القدماء قليلين كلش و باواخر الشهر الرابع كلتلكم انه اتوقع السفر للشهر الخامس راح يكون قليل قياسا بالاشهر الماضية خصوصا الشهر الثالث و الرابع و السبب قلة العدد المتبقي و لانه هناك ملفات لا تزال غير مكتملة
و اتصور جاي تلاحظون الان الفرق الشاسع باعداد المسافرين من بغداد بين الاشهر الماضية و شهر الخامس و حسب كلام الاخ العزيز دبس و راشي من بداية شهر الخامس و لحد الان الي سافروا من بغداد تقريبا 70 شخص!!! و اغلبهم ملفات قديمة حسب الارقام الي شفناها و قليلين جدد بينما بالاشهر الماضية نلاحظ انه خلال يوم واحد يسافرون 70 بل وصل العدد ليوم واحد الى اكثر من 100 !!!!
سبب طرحي للموضوع هو لتوضيح الامور اولا و ثانيا حتى لا يصير يأس و احباط من قلة العدد و تصير عليه اقاويل و اشاعات انه هناك تراجع بالسفر و تراجع بتسريع الملفات و المسألة مو هشكل و انما العدد المتبقي قليل فطبيعي يقل السفر كون هناك ملفات لا تزال غير مكتملة و التسريع موجود و الامور ماشية بشكل طبيعي
و لو انا لحد الان ما صارلي نصيب من هالتسريع لكن الحمد لله على كل حال و نسأل من الله تعالى الفرج
تحياتي

[عراقي نبيل]

السلام عليكم ورحمة الله وبركاته اخي الكريم
نسأل الله عزوجل ان يسهل امرك وتتحرك قضيتك وتخرج من مشكلة التأخير ...لانك انسان طيب وتستاهل كل خير والكل يسألون عن سبب قلة تواجدك هذه الايام ...اللهم يفرج همك ويسهل امرك بالسفر القريب ان شاء الله
اخي الكريم ...هل صحيح ان المنظمة اتبعت نظاما جديدا في عملها خلال هذه السنه وذلك بعدم اعادة الفحص الطبي الا لمن اكتمل التجييك الامني لديهم ...بعكس النظام القديم الذي كان يجري فيه الفحص الطبي بشكل دوري روتيني ...لان العدد الاكبر من الذين حصلو على مواعيد سفر او سافرو هم ممن اعادو الفحص بالفتره الاخيره ...وهناك قسم من الاخوة الاعضاء مستحقين اعادة الفحص الطبي وعند مراسلتهم تجيب المنظمة سوف نتصل بكم عند اكتمال التجييك الامني ...
شكرا جزيلا ونحب ان نسمع رأي حضرتك بالموضوع باعتبارك من المتابعين الجيدين والمحللين لعمل المنظمه ...وقد طرحت نفس الاستفسار بموضوع منفصل في المنتدى وموجود حاليا للمناقشه بامكان حضرتك تتطلع عليه وتكون لديك صوره واضحة حول الموضوع ...واعتذر عن الاطاله ..
شكرا لك اخي الكريم وبارك الله بك وبكل جهد طيب يخدم الجميع ..

                                                                                                  اخوك ابو علي

[نور الخزرجي]

شكرا ع معلوماتك
بس اعتقد شهر خامس وسادس دتصير بيه مقابلة محلفين ودراسة القضايا اكثر من السفر
لان هوايه ملفات قديمة بعده ممقابلة محلف وهسه ديفضوها بهل الاشهر ع تحليلي الشخصي   

[شنايزر]

بارك الله بيك عالمعلومات

[single man]

السلام عليكم ورحمة الله وبركاته اخي الكريم
نسأل الله عزوجل ان يسهل امرك وتتحرك قضيتك وتخرج من مشكلة التأخير ...لانك انسان طيب وتستاهل كل خير والكل يسألون عن سبب قلة تواجدك هذه الايام ...اللهم يفرج همك ويسهل امرك بالسفر القريب ان شاء الله
اخي الكريم ...هل صحيح ان المنظمة اتبعت نظاما جديدا في عملها خلال هذه السنه وذلك بعدم اعادة الفحص الطبي الا لمن اكتمل التجييك الامني لديهم ...بعكس النظام القديم الذي كان يجري فيه الفحص الطبي بشكل دوري روتيني ...لان العدد الاكبر من الذين حصلو على مواعيد سفر او سافرو هم ممن اعادو الفحص بالفتره الاخيره ...وهناك قسم من الاخوة الاعضاء مستحقين اعادة الفحص الطبي وعند مراسلتهم تجيب المنظمة سوف نتصل بكم عند اكتمال التجييك الامني ...
شكرا جزيلا ونحب ان نسمع رأي حضرتك بالموضوع باعتبارك من المتابعين الجيدين والمحللين لعمل المنظمه ...وقد طرحت نفس الاستفسار بموضوع منفصل في المنتدى وموجود حاليا للمناقشه بامكان حضرتك تتطلع عليه وتكون لديك صوره واضحة حول الموضوع ...واعتذر عن الاطاله ..
شكرا لك اخي الكريم وبارك الله بك وبكل جهد طيب يخدم الجميع ..

                                                                                                  اخوك ابو علي

و عليكم السلام اخي العزيز
اخي العزيز بالنسبة لاعادة الفحص الطبي منذ بداية 2012 و لحد الان اصبحت مرهونة باكتمال الامنية الاولى و هذا اثبتناه بالادلة القاطعة و من خلال تجارب الاعضاء و من خلال كلام المنظمة
و الي الامنية الاولى عنده ما كاملة او اكسباير ميعيد الفحص الا تكمل
هاي بالنسبة للملفات بشكل عام
بالنسبة لجماعة قيد الدراسة اعادة الفحص عندهم مرهونة باكتمال الامنية الاولى+الخروج من قيد الدراسة لانه حتى لو كملت الامنية الاولى مراح يعيد الفحص الى يخرج الملف من قيد الدراسة
ان شاء الله اشوف موضوعك و اجاوب عليه بالقدر الممكن
تحياتي

[single man]

شكرا ع معلوماتك
بس اعتقد شهر خامس وسادس دتصير بيه مقابلة محلفين ودراسة القضايا اكثر من السفر
لان هوايه ملفات قديمة بعده ممقابلة محلف وهسه ديفضوها بهل الاشهر ع تحليلي الشخصي   

نعم شهر الخامس و السادس هواية مقابلات بس مالها علاقة بالسفر
سبب قلة اعداد المسافرين هو قلة الملفات المكتملة الي باقية و اغلبها بعدها ما محسومة
تحياتي

[single man]

بارك الله بيك عالمعلومات

بالخدمة اخي العزيز

[Haider ALtaie]

موفقين ان شاء الله

[احمد المياحي]

اخواني الاعزاء  , اني مكمل الفحص الطبيو مقابلة المحلف من زمان وقبل كم شهر قمت باعادة الفحص الطبي , السؤال هنا هم احتاج اعيد مقابلة المحلف ؟    وشكرا مقدما للجميع 

[kdkdkdkdk]

up

[فنان]

بارك الله بيك اخويه  على الجهود المبذوله
تحياتي اخوك ابو ميار

[stila]

الاخ الكريم single  man يارب يسهل أمورك ويعجل سفرك  تستاهل كل خير ياطيب

[A_FOX]

اخواني الاعزاء  , اني مكمل الفحص الطبيو مقابلة المحلف من زمان وقبل كم شهر قمت باعادة الفحص الطبي , السؤال هنا هم احتاج اعيد مقابلة المحلف ؟    وشكرا مقدما للجميع 

لا متعيد مقابلة المحلف

[EagleHead]

الأخ سنكل مان المحترم.
السلام عليكم. حبيت اعرف رأيك بالآتي:
ضليت ألح ع المنظمة بالآي ميلات و قبل فترة دزولنه الكليشة التالية. شنو رأيك الكريم. الأيميل أجه قبله واحد بنص ساعة لكن ما بي هاي الكليشة الجوه!!! شنو يعني!!
 علما انو أني ضايف طفل بالتاسع العام و الأمنية كانت خلصانه العام، و ملفنا انتظار النتيجة و قبل فتره الفحص الطبي صار فعال مباشرتا دون اكسباير.
Please be assured that your case is in good status but you must wait untill your security is completed ont it is complete you will be informed of travel details.

تحياتي

[thaeer]

العزيز  single man شكرا على المعلومات والحمد لله على السلامه لان بصراحه افتقدناك الايام الماضيه ومومن عاداتك تغيب ...الف شكر

[EagleHead]

Up

[EagleHead]

Up

[EagleHead]

Up

[single man]

الأخ سنكل مان المحترم.
السلام عليكم. حبيت اعرف رأيك بالآتي:
ضليت ألح ع المنظمة بالآي ميلات و قبل فترة دزولنه الكليشة التالية. شنو رأيك الكريم. الأيميل أجه قبله واحد بنص ساعة لكن ما بي هاي الكليشة الجوه!!! شنو يعني!!
 علما انو أني ضايف طفل بالتاسع العام و الأمنية كانت خلصانه العام، و ملفنا انتظار النتيجة و قبل فتره الفحص الطبي صار فعال مباشرتا دون اكسباير.
Please be assured that your case is in good status but you must wait untill your security is completed ont it is complete you will be informed of travel details.

تحياتي

اخي العزيز ملفك محسوم و ان شاء الله سفرك يكون عن قريب
تحياتي

[برنسو]

اهلا بيك اخوية العزيز .... نورّت المنتدى
وبالفعل دنشوف الاعداد قلّت بشكل ملحوظ جدا ...
نتمى لكل الاعضاء والمنتظرين ان يشملهم السفر خلال هاي الشهرين.


تحياتي ..... برنسو

[سبيس]

UP

[المتوكل على الله]

السلام عليكم
شلونك اخ سنكل مان .بس حبيت اضيف انو اعداد السفر خير من الله

يعني اول بارحة83سافرووالبارحة 53.شوف اعداد السفر بمضوع الاخ

دبس وراشي.واشاء الله يسهل علينة احنة القدماء وعلاجميع المنتضرين

السفر.واعتقدصح كلامك البقو قليل.وشكـــــــــــــــــــــــــــــــــــــــــــــرا.

                          اخوكم

المتوكـــــــــــــــــــــــــل علــــــــــــى الله

[Hasan&Yaseen]

بارك الله بيك اخ سنكل مان , عندي سوؤال بدون زحمة من اي شهر تبدي السنة المالية 2013 هل هو شهر الواحد من نفس السنة  لو شهر العاشر 2012 ؟

[single man]

بارك الله بيك اخ سنكل مان , عندي سوؤال بدون زحمة من اي شهر تبدي السنة المالية 2013 هل هو شهر الواحد من نفس السنة  لو شهر العاشر 2012 ؟

اهلا و سهلا بيك اخي العزيز
من شهر العاشر تبدي
تحياتي

[single man]

السلام عليكم
شلونك اخ سنكل مان .بس حبيت اضيف انو اعداد السفر خير من الله

يعني اول بارحة83سافرووالبارحة 53.شوف اعداد السفر بمضوع الاخ

دبس وراشي.واشاء الله يسهل علينة احنة القدماء وعلاجميع المنتضرين

السفر.واعتقدصح كلامك البقو قليل.وشكـــــــــــــــــــــــــــــــــــــــــــــرا.

                          اخوكم

المتوكـــــــــــــــــــــــــل علــــــــــــى الله

و عليكم السلام اخي الكريم
السفر بهذا الشهر اقل من الاشهر السابقة و كما وضحت السبب قلة العدد المتبقي و عدم اكتمال بعض الملفات
و مثل ما شفنا هسه احنا بنص الشهر و لو نقارن النصف الاول من شهر الاربع وي النصف الاول من الشهر الخامس راح نشوف الفرق
تحياتي