خلص صبري و المره ماكله كلبي من الألحاح أشوكت الله يسهلها؟؟؟

[أبو سيوفي]

سلام عليكم أخواني.....
يمعودين أشوكت الله يفرج علينه و نطلع لأن الصبر خلص و زوجتي ماكله كلبي صار أربع سنوات أكوللها هانت ما بقه شي !!!!  أي شي تريده أثاث للبيت ما اكدر أشتريه بحجة أحنا طالعين قريباً و ما أدري أشوكت هاي القريباً أصير سوالف؟؟؟
مع العلم أني الكيس مالتي يبدي ب 118 ومقابل محلف العام بشهر التاسع و أجتني دفيرال لتر و هسه عالشحن... ها نسيت أكولكم أجانه مولود جديد ابشهر 11 و دزيت الجنسيه و البيان مالته للمنظمه فيا جماعة الخير الي يمر بمثل ظروفي لو الكيس مالته معلكه بعدهي مثلي خلي يواسيني و نكعد نبجي سويه عسى و لعل الله يسهل أمرنا ونطلع !!!!
مع تحيات اخوكم المشلوع كلبه أبو سيوفي
 

[جورجيا]

كلنه بلهوه سوا
وكللها للمره هي هاي دروب الهجره صبر لا ينتهي
جورجيا من ربع 109 وافتخر جماعتي حياخذون الجنسيه مضللهم شيء

[saif salih]

اخي الغالي
كان الله في العون ويارب يجازيك انتة واهلك خيرك الجزاء على صبركم هذا
اخي العزيز انصحك بان تاخذ المرة والجهال سفرة يوم جمعة للزوراء للترفيه عن النهس شوية


تحياتي

سيف صالح

[ام اتنا]

والله يا ابو سيوفي انت حجيت الي بكلبي احنة كلنة هيج والله العظيم لنكدر نشتري شي ونتحسف نشتري ولنكدر نجيب طفل اخاف نتاخر بعد اكثر والله كلهة هيج صدك احنة siv مقدمين من 2011 وان شاء الله فات الكثير مابقة الا القليل يارب التسهيل للجميع يارب لان فعلا متاذين من الانتظار عبالك مسجون ومنتظر الافراج وساعات السجن طوووووووويلة
اختكم ام اتنا وسلامي لحرمكم المصون

[Wingo]

و عليكم السلام و رحمة الله
و الله أخوية الكريم ما عندك غير الصبر، و الكلام اللي تفضلت بيه يوصف حياتنا فعليا و كلنا هذا وضعنا، بالإضافة إلى أنه إحنا خارج العراق و تاركين بيوتنا و أهلنا.
أني بالأردن مع زوجتي و أطفالي صارلنا سنوات، قابلنا محلفين بشهر 4 - 2009 و رقمي يبدي 10 و بقيت معلق من دون قرار بعد المقابلة و لمدة 3 سنوات، و بال 2012 أضفت طفل و قابلت محلفين مرة ثانية بشهر 8 ، الأمنية كملت هالسنة قبل شهر و نص و رجعت إنتظار و هسة كملت مرة ثانية الحمد لله و لكن إستحقينا إعادة فحص طبي بنفس اليوم و دننتظر حتى نشوف تاليها.
المشكلة أنه إحنا ما مستقرين نهائيا، يعني حتى من نفكر نغير الشقة المستاجرة اللي ممرتاحين بيها نتراجع لأن نتوقع السفر قريب، و هذا الكلام صارله 4 سنوات كل فترة يصير شي و نتوقع الأمور خلصانة و نرجع مرة ثانية ننتظر! و مرات نفقد الأمل و نقول خلص لازم نشوف مكان و نستقر بيه لأن موضوع أمريكا إنتظار إلى ما لانهاية و زوجتي تعبت حيل من هذا الوضع لا مرتاحين بالبيت و لا نعرف مصيرنا و لا تقدر تشوف أهلها اللي صارلها سنوات بعيدة عنهم ، و الحمد لله على كل حال.
الحمد لله هسة الأمنية كملت و بعدها باقية و إن شاء الله تصيب هالمرة و نسافر لأن كلش تعبنا من الإنتظار و عدم الإستقرار.

الله يفرج همك و همومنا جميعا و إن شاء الله يكون الفرج قريب بعد هذه الشدة.
و الحمد لله رب العالمين

[فنان]

ما راح اكول شي بس اكلك اني من 2006 مقدم  ولحد الان على الشحن



تحياتي اخوك ابو ميار

[*Ray]

ابو سيوفي الكل نفس الحال احنا من 2008 ولا يزال الحبل ع الجرار  

                                                         اختك راي / تركيا

[alzandawi]

أبو سيوفي احنه  من 2010مقدمين وليهسه حتى ممنطينه رقم خالين عينه بعين الله والله كريم

[Abu_mouth]

رح أكتب لك عن فلسفة مهمة في الحياة:


ياهو أحسن، تنتظر بلا غراض فد سنتين ، أم تشتري غراض وتعوفها وتسافر باجر؟  

إذا إشتريت غراض وإنشتلت سنتين لخ مثلاً فأنت ما خسران لأنك سهلت على نفسك وعائلتك عناء الإنتظار.




إذا إشتريت غراض وطلع إسمك باجر فـ××× أبو الغراض عوفها وأطلع، وطلعتك تسوى الدنيا


في الحالتين أنت ربحان.


روح جيب غراض وريّح أهلك.
إذا كنتوا مرتاحين رح يكون الإنتظار سهل..

مثل الي ايده بالشسمه واللي إيده بالنار.

أنت الآن مخلي إيدك وإيادي أهلك بالنار وتعالوا انتظروا.. والإنتظار بهالحالة ما ينجرع
 بينما تكدر تخلي ايديهم بالشسمه وتصرف كم فلس.. وأنتوا فرحانين ما تحسون بالوقت.. يجي السفر تفرحون أكثر




فائدة الفلوس هي الرفاهية، فعيش الرفاهية بكل وقت ولا تجبر نفسك على إنتظار البدء بالحياة من هناك.. إبدأ من الآن.

[Sound of Soul]

المراءة العراقية ضربت مثل لنساء العالم اجمع بصبرها وقوة تحملها لاقسى الظروف بالحياة
فصبرا جميلا اختنا ام سيوفي
امنياتي الحلوة لكم
ساوند .

[سبيس]

خويه لا تشتري اي شيء

بس تشتري حاجه وحده صير الف حاجه ويخرب واهسك من السفر

أسئل مجرب ولا تسئل حكيم

اخوكم ابو الوليد

[Awsaws]

رح أكتب لك عن فلسفة مهمة في الحياة:


ياهو أحسن، تنتظر بلا غراض فد سنتين ، أم تشتري غراض وتعوفها وتسافر باجر؟  

إذا إشتريت غراض وإنشتلت سنتين لخ مثلاً فأنت ما خسران لأنك سهلت على نفسك وعائلتك عناء الإنتظار.




إذا إشتريت غراض وطلع إسمك باجر فـ××× أبو الغراض عوفها وأطلع، وطلعتك تسوى الدنيا


في الحالتين أنت ربحان.


روح جيب غراض وريّح أهلك.
إذا كنتوا مرتاحين رح يكون الإنتظار سهل..

مثل الي ايده بالشسمه واللي إيده بالنار.

أنت الآن مخلي إيدك وإيادي أهلك بالنار وتعالوا انتظروا.. والإنتظار بهالحالة ما ينجرع
 بينما تكدر تخلي ايديهم بالشسمه وتصرف كم فلس.. وأنتوا فرحانين ما تحسون بالوقت.. يجي السفر تفرحون أكثر




فائدة الفلوس هي الرفاهية، فعيش الرفاهية بكل وقت ولا تجبر نفسك على إنتظار البدء بالحياة من هناك.. إبدأ من الآن.

والله اخي هي وجهة نضر جميله  وممكن العمل بيها للذين تزداد لديهم الشعور بلاحباط لكي يعيش حياته بشكل طبيعي وهوفعلا عندما يحين موعد السفر فان الباقي كله يهون ولاكن لو نضرنا الى ما بعد السفر فبعتقادي انه سوف يتم الاستفاده من المبلغ الذي ادخرته بشكل افضل  للاستقرار المعيشي ولتسهيل الكثير من الضروريات وتوفير مجهود لا باس به طبعا هذا لا ينطبق على الذين فضل الله عليهم من ميسوري الحال فهو يستطيع ان يوفق بين هنا وهناك واما بالنسبه لي فانني قد تخليت عن كثير من الامور الثانويه والتي تكون مهمه ايضا في بعض الاوقات محاولا ان ابقي على ما يعينني في بداية المشوار الجديد وطبعا بالاتفاق مع كل افراد اسرتي والحمد لله رب العالمين
تمنياتي بالتوفيق للجميع

[s350thebest]

كلنه بلهوه سوا
وكللها للمره هي هاي دروب الهجره صبر لا ينتهي
جورجيا من ربع 109 وافتخر جماعتي حياخذون الجنسيه مضللهم شيء

Me too 109 

Ya Allah

[عازفة الصمت]

اختك من 2009 محلفين ب 2010 والكيس نمبر 112
ان شاء الله تهون اخوية وربي يعوضنة الايام اللي صبرناه والله يصبرلك ام سيوفي ويراويهة احلة حياة هناك وينسيهة شكو يوم مو حلو يااااا رب وهسة رجب ان شاء الله ادعيتنة مستجابة.     ........ هانت.  هانت

[Haider ALtaie]

استفاااااااااد ... اثاري كلنه نفس الروتين واني عبالي بس اني ؟؟؟؟؟


اخوكم
حيدر الطائي

[ORCA]

الله يسهلك

[دقه قلب]

اولا الله يعينك ابو سيوفي قلوبنا معكم والله يسهلها لكم
وعندي سؤال
انا اقرا مشاركات  اعضاء اللي يقوللون تقديم  من 2006 و2008 وهلم جرا طيب  لاتقدم ملفهم وماسافرو لحد الان  انا اصدقائي الخاصين  4 جانو مقدمين بال2010 اقصى احد كلهم ماتجازوو سنتين او سنتين ونصف وهسه هم بامريكا وهم تقديم المفوضيه بعمان  وليش  هيجي  يظلووون عجيب والله

[um shaheen]

يارب الفرج بالقريب العاجل لكل المنتظرين ان شاء الله
تقبلوا مروري
اختكم ام شاهين

[الفرج2]

المراءة العراقية ضربت مثل لنساء العالم اجمع بصبرها وقوة تحملها لاقسى الظروف بالحياة
فصبرا جميلا اختنا ام سيوفي
امنياتي الحلوة لكم
ساوند .

فعلا , كلام اؤيده لانه صحيح . الله كريم .

[cristiano ronaldo]

اخي العزيز اني 119 وهم مقابل محلفين بشهر التاسع الله كريم حبي هانت

[ابو سماني]

آآآآآآآآآآآآآآآآآآآه جــيت عــلى الجـــــرح أني مـــا أدري

أصـــبر على الهجـــرة أم أصــبر على حجي البيت

أخـــــــوك من 2008 ولله المشـــــــــتـكى

تقبل تحياتي
ابـو ســماني

[حزيران]

والله يا اخي كلنه نفس الحال...كل 3 اشهر نكول اي اكو تسريع بلكي يتغير شي بملفنه ..وتروح 3 اشهر وتجي 3 اشهر وكلشي ماكو.

حياتنا كلهه متوقفه على هال هجرة ..اني اكلك هو شي يسوة اكيدددد يسوةة...بس اني مرات من زوجي يكلي ماعدنه غير الصبر اكله ليش هو الصبر سهل خصوصا اذا انت مطلوب منك تصبر على شي لو يصير لو ميصير..

هسة لو بس يكولونه موافقين عليكم نكعد حالنه حال العالم ننتظر ويه خلق الله بس هيجي حالنه معلك واحنه عائلة اي واحد يريد شي نكول لا منسوي اخاف انسافر.

شنكول غير حسبي الله ونعم الوكيل .

[اجونة]

اضم صوتي الكم .... من 2007 والحمدلله ... ننتظرررر بكل فخررر .... بس الي عتب ع زوجات  بعض اعضاءنا المحترمين ... واكول لهم ..لو  الامرر بيد ازواجنا
 جان من باجررر سفرووونا .... هم شبيديهم؟؟ ....غير اللانتظارررر ....؟؟؟ الله كريم ...تكضي وتصيرر سوالف ..... قل مايصيبنا الا ماكتب الله لنا ... ونعم بالله .... وان شالله ..... هاي السنه خيرررررر ....

[عمدة فرجينيا]

الله ايعينكم وايعينا اخوية على هذا الموضوع الي ينرادله صبر ومحد يعرف وين حده ناس سنين تنتظر وناس باشهر طلعت كلمن والمقسوم اله اني هم جماعة 118 وقابلنا بالسادس 2011 ولحد الان كلشي ماكو وحياتنا كلهة انتظار في انتظار من جميع النواحي وبده يخلص صبرنا ويتسرب الياس الى تفكيرنا وانكول انعوف السفر بس مدا نكدر لان هذا طريق رسمنا لمستقبل اولادنا ارجو ان تصبروا نفسكم بهاي النقطة مستقبل الاولاد
وان شاء الله تفرج علينا باسعر وقت ممكن ونخلص من هالعذاب

[ام راما]

الله يكون بعون كل الصابرين اني من 2008 والى الان انتظر في سوريا
شراء اي قطعه اثاث او جهاز كهربائي لايهون علي ولا ينسني الانتظار المرير
لو اردت ان اشتري اتمنى ان اشتري الامان لاولادي
لو اردت ان املك اتمنى ان املك الاستقرار
وقد دفعنا سنيين عمرنا في الانتظار للحصول على وطن جديد لنا
هذا ماسينسينا مرارة الانتظار   الامان الاستقرار   الوطن
اختكم ام رامي
سوريا