اخواني اليوم كنت بالهجرة الدوليه

[lمحمد الخفاجي]

السلام عليكم اخواني الصابرين في سوريا اليوم كنت بالهجرة لذهبت مع بنت خالتي لكي نسلم الصور واحب ان ابشركم والله العظيم اللي يسلم صور واللي يستلمون فيزا اعداد موطبيعية مجموعة طالعه ومجموعة داخلة وانا صرت احسب كم نفر داخل وخارج فقط للي يلبسون الباج الاحمر احصيت حوالي 30 نفر وخرجت وهذا الكلام كان السعة 11صباحا قبلي كم كان العدد وبعدي كم الله اعلم عموما الخير قادم ان شاء الله للجميع واحب ان انقل لكم انه اعطوا موعد سفر اولي لبنت خالتي يوم 3/6/2013 وان شاء الله السفر للجميع هذه الايام 00اخوكم محمد الخفاجي00جرمانا00اوهايو

[um shaheen]

بارك الله بيك اخونه العزيز ويارب تبشرنه بموعد سفرك بالقريب العاجل ويارب لكل الصامدين
تحياتي
اختك ام شاهين

[*Ray]

 ان شاء الله خير ويوم سفرك بالقريب ان شاء الله  وسفر كل المنتظرين بسوريا

                                                            اختك راي / تركيا

                                                                 

[kdkdkdkdk]

up

[baghdad antigen]

مبروك سفر قريبتك و ان شاء الله تبشرنه بموعد سفرك عن قريب
تحياتي

[ankawa_2010]

السلام عليكم اخواني الصابرين في سوريا اليوم كنت بالهجرة لذهبت مع بنت خالتي لكي نسلم الصور واحب ان ابشركم والله العظيم اللي يسلم صور واللي يستلمون فيزا اعداد موطبيعية مجموعة طالعه ومجموعة داخلة وانا صرت احسب كم نفر داخل وخارج فقط للي يلبسون الباج الاحمر احصيت حوالي 30 نفر وخرجت وهذا الكلام كان السعة 11صباحا قبلي كم كان العدد وبعدي كم الله اعلم عموما الخير قادم ان شاء الله للجميع واحب ان انقل لكم انه اعطوا موعد سفر اولي لبنت خالتي يوم 3/6/2013 وان شاء الله السفر للجميع هذه الايام 00اخوكم محمد الخفاجي00جرمانا00اوهايو

الف مبروك لقريبتك وانشا الله تبشرنة بموعد سفرك
عاشت ايدك على نقل الخبر

[ابومريم البغدادي]

بارك الله بيك اخوية الغالي على رفع معنويات اخوانك الغالين وندعيلك ان شاء الله برسم الفرحة على وجوه اخوانك المتواجدين في سوريا
السفر العاجل ان شاء الله الى جميع اخونا العراقيين سلامي للجميع


                                                             اخوكم ابومريم البغدادي
                                                              ســــــــــــــــــــــــوريا

[sparky]

بارك الله بيك اخوية الغالي على رفع معنويات اخوانك الغالين وندعيلك ان شاء الله برسم الفرحة على وجوه اخوانك المتواجدين في سوريا
السفر العاجل ان شاء الله الى جميع اخونا العراقيين سلامي للجميع


                                                             اخوكم ابومريم البغدادي
                                                              ســــــــــــــــــــــــوريا

+1 
الله ييسر امور الجميع وخصوصا اخوتنا بسوريا - الله يكون بعونهم جميعا - اللهم عجل بسفرهم  لانهم في محنه حقيقيه -

[ام راما]

الف ميررررررررررروك البنت خالتك وان شاء الله يوم سفرك
ان شاء الله دائما نسمع اخبار حلوه
اختك ام راما

[ضوء النهار]

السلام عليكم
اخي محمد الخفاجي الف مبروك لبنت خالتك ويوما الك
اخويه ممكن استفسار  ؟؟؟ اليوم تكول كان العدد الذي احصيته بحدود 30 شخص  فهل هؤلاء 30 يمثلون 30 ملف  ام 30 شخص يعني كل فرد بالملف يجي يستلم الفيزا بنفسه ؟؟؟؟ وسبق وان ذكرت انه يوم الخميس الماضي اعتقد عندما ذهبتو لاعطائهم نسخ الجوازات كالوكم يريدون نسخ ملونه او الجواز وكانت اكو وجبه ايضا يسلمون صور وجوازات .هايه اولا
اما ثانيا  \ سبق وان عملنا جرد تقربي للموجودين بسوريا  وكان بحدود 119 ملف
يااخي متكلي هايه الملفات منين  اشو جماعتنا بالمنتدى وكلهم موجودين  والكل تصيح الامنيه والملف موفعال
وبس انت ذكرت بنت خالتك  واعتقد الاخ سنايبر \عمر  ذكر انه يعرف اربعه   يعني صارو 5
طبعا انا لااشكك بكلامك اخي العزيز  ولكن نريد نعرف شنو القصه ؟ ؟ هل ناس تاخذ فيز  او تسلم صور وتسافر ومحد يحجي ؟؟؟؟ او ان 119 ملف باقي رقم خطا وان الاعداد اكثر بعده اضعاف  بحيث منعرفهم  لو شنو القصه لانها اصبحت لغز محير
تحياتي الك اخي محمد وتسلم على نقل الاخبار

[تعبان وماعرف]

السلام عليكم
اخي محمد الخفاجي الف مبروك لبنت خالتك ويوما الك
اخويه ممكن استفسار  ؟؟؟ اليوم تكول كان العدد الذي احصيته بحدود 30 شخص  فهل هؤلاء 30 يمثلون 30 ملف  ام 30 شخص يعني كل فرد بالملف يجي يستلم الفيزا بنفسه ؟؟؟؟ وسبق وان ذكرت انه يوم الخميس الماضي اعتقد عندما ذهبتو لاعطائهم نسخ الجوازات كالوكم يريدون نسخ ملونه او الجواز وكانت اكو وجبه ايضا يسلمون صور وجوازات .هايه اولا
اما ثانيا  \ سبق وان عملنا جرد تقربي للموجودين بسوريا  وكان بحدود 119 ملف
يااخي متكلي هايه الملفات منين  اشو جماعتنا بالمنتدى وكلهم موجودين  والكل تصيح الامنيه والملف موفعال
وبس انت ذكرت بنت خالتك  واعتقد الاخ سنايبر \عمر  ذكر انه يعرف اربعه   يعني صارو 5
طبعا انا لااشكك بكلامك اخي العزيز  ولكن نريد نعرف شنو القصه ؟ ؟ هل ناس تاخذ فيز  او تسلم صور وتسافر ومحد يحجي ؟؟؟؟ او ان 119 ملف باقي رقم خطا وان الاعداد اكثر بعده اضعاف  بحيث منعرفهم  لو شنو القصه لانها اصبحت لغز محير
تحياتي الك اخي محمد وتسلم على نقل الاخبار

سوال منطقي وربي يسر امر الكل امين

[سبيس]

خبر حلو الله يوفقك السفر للجميع ان شاء الله




اخوكم ابو الوليد

[sniper.93]

السلام عليكم اخواني
اليوم صاحبي خابرو على تسليم صور و هوه على استراليه بعد ما كان على امريكا و اليوم جان موعده بال12 و من راح حسب شكم واحد الابسين الباج الاحمر و جانو عدهم 20بالضبط و حسب شكم عائله الامريكا و شكم عائله الاستراليا

3عوائل الامريكا و كل عائله 4 نفرات بس عائله وحده من ال3 جانو بس ثلاثت نفرات

و باقي العوائل كلهة ستراليا و 5 نفرات ابملف واحد و عائلتين كل عائله بيهة الام و الاب بس جاين يعني ما جايبين باقي العائله


ملفه بالموقع جان بالانتظار انتيجه و الباقي كله مكتمل

تحياتي اخوكم عمر سوريا

[صبراً جميلاً]

بارك الله بيك اخونه العزيز ويارب تبشرنه بموعد سفرك بالقريب العاجل ويارب لكل الصابرين ان شاء الله عزّ و جلّ.

[lمحمد الخفاجي]

السلام عليكم اخواني الكرام وشكرا جزيلا لجميع من دخل ودعى لي والى اخواني في سوريا ولااريد اسمي باسماء الجميع مشكورين لكل كلمة كتبتوها والله يسهل امركم ويعجل بسفركم00وانا اريد ان اجيب الاخ ضوء النهار  اولا ياخي الكريم اوصيك ثم اوصيك بالصبر واقسم بالله انا متفائل جدا بسفري وسفر الجميع وانا انتظر منذو ثلاث سنوات وشهرين اظن انا اوغيري لايحب ان يكذب كذبه حتى يصدقها هو اوغيره من الناس انا احكي من واقع وتجربة ولااريد ان اطيل عليك هذا بالنسبة لي غيري لااعرف ممكن انت تعرف من الناس عشرة بس انا اعرف ومنذو 30/7/2012 بين جيران واقرباء واصدقاء سافروا الى امريكا بالضبط 27 عائلة سافرت هؤلاء انا اعرفهم فقلي هل يوجد سفر ام لا وعندما عملت احصائية ومن ساعدني من الاخوان مشكورين استندنا الى تقرير الخارجية الامريكية ودائرة الهجرة الامريكية ومنظمة اسكان اللاجئين في امريكا اان العدد المتبقي ينتظر فيزا ولغاية 1/12/2012 هو 573 ملف سافر منهم في الشهر الاول والثاني من هذه السنة 221 وانتم تعرف ان الشهر الثالث كان مميز جدا والربع ايضا ولو بنسبة اقل شوية لنفرض ايضا سافر 221 ملف فكم الباقي الباقي تقريبا 130ملف وهذا الررقم قريب من الاحصائية التيعملتها انا والاخ حسين الجبوري يبقى انت تقول كل الناس اللي تعرفهم ماسافروا فهذا نصيبهم ونصيبنا وعسى ان يكون خيرا وانا ارضى ان ابقى اخير واحد يسافر من سوريا وليسافر الجميع قبلي يارب يارب00 الخميس كان 13 عائلة سلمت صور واليوم الموجودين بحدود 30 نفر وليس ملف لان اكو ناس تكمل شغلها وتطلع ومامعقولة اكون انا فضولي لهذه الدرجة واسئل واحد واحد صحيح ولكن هي مسالة تقدير نسبي ليس الا واود ان اخبركم شي اخر وراح اقسم بالله العظيم عليه حتى تصدق انت او غيرك ياخي  انا عندما خرجت من دائرة الهجرة بالصدفة وصلت سيارة البريد ولونها اصفر اقسم بالله الموظف نزل بندين من الفيز انت تعرف شنو بندين يعني كل بند مغلف يحتوي على 50الى 100 فيزة واحب ان اقول اليوم اكثر الناس كانت استراليا 00واود ان اقول شي انت تتفقون به معي انا اكثرنا لايبلغ اصدقائه عندما تصل فيزته وعذره الحسد وانت تعرفون ذلك جيدا وشنو رائيكم ان يوجد صديق سلم صور وكل يوم يشوفني ويسئلني ها شنو الاخبار بشر اكو شي جديد وهو ابو الاخبار ومسلم صور بالله انتم احكموا على الشخص هل ان اغصبه حتى يقول لالاطبعا لو كل الناس تفكر مثلي ومثل غيري من الطيببن الذين يريدون ان يفرحوا الناس ويرفعون من معنوياتهم وتحسين نفسيتهم الى الاحسن لكان عرفنا كم واحد يسافر كل اسبوع ولكن ليس لي امر على الناس  واود ان اقول ايضا توجد امراة كبيره بالسن شوية وهي ارملة وعندها طفل بعمر عشرة سنين طبعا يتيم وانت تعرفون كيف نعاملها نحن العراقين لكون عندها طفل يتم وااله انا وزوجتي واقربائي خدمنها بادق التفاصيل بالصغيره وبالكبير تعرف صار اكثر من عشرين يوم ندق بالموبايل عليها مغلق واخيرا عرفنا انها سافرت الى امريكا حتى بدون ماتقول مع السلامة وهذا خير مثال والسلام عليكم واعذروني اني اطلت عليكم واني بعد مانشر شي  حتى لا اضطر ان ابرر لكم  والله يسهل امرك اخي الكريم ضوء النهار وان شاء الله تسافر هذه الايام وللجميع ان شاء الله 00 مع السلامة وهذا حدي معكم 000اخوكم محمد الخفاجي00جرمانا

[syf]

اخي محمد ليش ماتنشر الاخبار بالعكس انشرها وخلي الناس تتفائل حتى مو 30 نفر لو 7 نفرات هم الحمدلله والشكر المهم اكو طريق وامان والناس دتسافر وكل انسان براحته يحب يقنتع بالي حضرتك تكتبه او ينشرله الاخ حسين او اي شخص ضمن هدا المنتدى فهدا الشي راجع لنفسه وانشالله كل الناس تسافر حتى لو بيه تاخير شهر او شهرين المهم راح نسافر ونطلع واكو طريق نسافر وهدا اهم شي وبالنسبة لموضوع الناس الي متريد تكول موضوع سفرها يجوز اكو اسباب ولو الي الله كاتبله السفر لاحسد ولاغيره يمنع هالشي ولتنصدم من هاي السالفة اني صديقتي عرفت انه دزيت معاملة لاستراليا بلكت يصير شي واتوطن او تنقبل معاملتي سوت استراليا بالنسبة الي الصومال احسن منها وعبالك راح اوصل واطلعها او اخد مساعداتها وهي صار سنين هناك وحتى كل العشيرة مالتها هناك وبالعافية بس شوف الناس لوين صارت نفسيتها ومكامت تحب الخير مع احترامي للطبيبن ونشكرك ونشكر كل الاعضاء الي تبشرنة ولو بكلمة تفائل

[sniper.93]

اخي محمد الخفاجي ليش ما تنشر الخبر الي نشرته صحيح ميه بالميه و اني أكد على الخبر و كتبت قبل شويه بنفس الموضوع ليفوك اذا شفتوهة اليوم و الصادف الاحد صاحبي و اخويه اليوم سلم صور و كلي العدد 20 نفر حسب ما شاف و عدهم و جان موعده من الساعه12ال 1 يعني ساعه واحده طول بالهجره و كال اكو عالم جانت قبلي و يعني جاين قبله الي جاي بلتسعه و بالعشره و بالدعش يعني الحمد الله اكو جانت اعداد كبيره كاعد اتسلم صور

وانشاء الله السفر للجميع يا رب يارب امين امين





تحياتي اخوكم عمر سوريا جرمانه





sniper.93

[ضوء النهار]

الاخ العزيز محمد الخفاجي
السلام عليكم
اخي الكريم صدقني انا لااشكك بكلامك  وانا على يقين انك نقلت الي شفته بالهجره وانك صادق في كلامك . بس والله الحيره قتلتنا لانعلم ماذا نفعل   ؟؟؟؟ اخي انا كنت مشارك وياكم بالاحصائيه بس الي محيرني  انه احنا الموجودين بالمنتدى هههههههههه كلنا  محد  الله سهل امره وطلع وليس( انا اعرف اشخاص ماطلعو بل كل الاشخاص الذين اعرفهم طلعو ) لان انا وحضرتك والاخ حسين  وسنايبر والاخ ابو مريم البغدادي  وكافه الاخوان اشو  كلهم باقين يمعودين اخاف كل واحد يدخل على  المنتدى ميطلعوه هههههه طبعا اتشاقه وياكم .
طبعا انا اتوقع اخي الكريم مثل ماذكرت قد يكون يطلع احد  بس ميحجي والاعذار كثيره منها الحسد ومنها الخوف الامني ....الخ
والله ياخي انا اتكلم عن نفسي والله لو يعطوني رفض  ماانقهر لان بس اريد اخلص من هايه الدوامه وحتى الواحد يعرف طريقه
طبعا انا اكملت ثلاث سنوات منذ استلام موافقه المحلف ودخلت بالسنه الرابعه
الله يسهل امر الجميع
تحياتي الك والى كافه الاخوان بالمنتدى

[lمحمد الخفاجي]

انا لااريد ان اقول شبي سوى كلمة الصبر الصبر مفتاح الفرج والله سبحانه وتعالى يقول في محكم كتابه بسم الله الرحمن الرحيم(فأن مع العسر يسر أن مع العسر يسر)الله سبحانه يبشرنا كل عسر وراة ليس يسر واحد بل اثنين فتفائلوا بالخير ياخواني لان بعض الناس   تخاف من الحسد ولاتخاف من الله خالق كل شي هذا ضعف ايمان بارادة الله اذا اراد الله شيئا فيقول له كن فيكون(قل لن يصيبنا الا ماكتب الله لنا هو مولانا وعلى الله فيتوكل المؤمنين) (مايفتح الله للناس من رحمة فلا ممسك له من بعده وهو العزيز الحكيم)(أني توكلت على الله ربي وربكم مامن دابة ألا هواخذ بناصيتها أن ربي على صراط مستفيم) صدق الله العلي العظيم هذه بعض الايات المنجيات بأذن الله وهن سبع ايات والمسمات الايات السبع النجيات فتوكلوا على  الله ربي وربكم اجمعين والحمد لله ربي العالمين اللهم يسر امرنا وسهل مخرجنا وعجل بسفرنا انت قدر على كل شي قدير وبالاجابة جدير وصلى الله على محمد وال محمد000اخوكم محمد الفخاجي