بعد ثلاث اشهر لي في امريكا

[عذاب]

السلام عليكم اعضاء المنتدى الكرام  ورحمة الله وبركاته ارجو منكم ان تعذروني على هذا الانقطاع الطويل بسبب مشاغل الحياة بصورة عامة و الحياة في امريكا بصورة خاصة و بصورة خاصة اكثر بداية الحياة في امريكا و متاعبها المختلفة و المتعددة الاسباب منها البحث عن عمل في الضروف الاستثنائية والتي تشمل من قلة الخبرة في البحث عن فرصة عمل و محدودية القابلية على الحركة بسبب التقيد في طرق المواصلات التقليدية (قبل الحصول على رخصة القيادة ) و التي يحتاج اصدارها الى وقت طويل و جهد و عمل و خاصة في الولاية التي اسكن فيها  (كونيتكت)  الى عدم امتلاك القرار في السكن بسبب التقيد في الخيارات المتاحة للاجئ من قبل المنضمات و التي يجب ان يتقيد بها اللاجي في بداية حياته في امريكا بسبب عدم الامكانية المادية الكافية و عدم امتلاك سمعة استئجارية و و و و الخ .
احببت ان اتطرق لبعض المواضيع عسى ان تنفع البعض و منها موضوع العراقيين في امريكا
مع شديد الاسف ان بعض العراقيين هنا في امريكا ليس لديهم اي هدف سوى ان يعيشو يومهم بدون ان يفكروا ماذا سيحدث في المستقبل و يعتمدون حياتهم بالدرجة الاساس على المساعدات المقدمة من المنضمات و من البرامج المتاحة من الحكومة الامريكية .
بعد ان تعرفت على الكثير من العراقيين هنا و بدأت ان اتعمق في علاقاتي معهم في هدف تكوين ما يسمى بالصداقة و من منطلق الف صديق ولا عدو واحد قد صُدمت في واقع مولم و هذا الواقع هو الشيء الوحيد الذي غفلت عن التفكير فيه قبل سفري الى امريكا عندما كنت اعتقد بان العراقيين في امريكا هم كما يضهرون في بعض البرامج اللقائات التلفزيونية مع بعض الافراد و العوائل في الجالية العراقية في امريكا هم اناس مثقفون اجتماعيا وان لم يكونوا مثقفين علميا ولكن مع شديد الاسف وجدت العكس مع الاغلبية وليس الكل طبعا ف منهم من لا يمتلك الحياء الحضوري عند الحديث و منهم من لا يمتلك الاسلوب الصحيح للحديث مع الاخرين و ذلك بالحديث باسلوب فظ معهم ناهيك عن النميمة و طعن احدهم للاخر و عدم مساعدة بعضهم البعض في وجود وضيفة و تزييف الاقاويل و ترويج الاشاعات الى اخرة من هذة الصفات مما جعلني اقرر ان احد من لقائاتي مع الكثير منهم و تحديد اشخاص على عدد الاصابع و الذين يستحقون كلمة صديق .
تجربتي على الصعيد العملي .
بعد ان وجدت فرصة عمل و التي حصلت عليها من قبل موضف التشغيل في المنضمة و هي كراج لغسل و تشحيم السيارات .
فبعد ان نسق موصف التشغيل بين عدد من الاشخاص و احدهم يمتلك سيارة مما جعل موضف التشغيل يفكر بانه هذا الشخص سوف يحل به مشكلة المواصلات فبدائنا بالذهاب سوية ولكن صدمت بشي و هو وجدت بان هذا الشخص يدعي بانه يريد ان يجد فرصة عمل ولكنه لا يريدها لكي يعتمد على نفسة في اعالة عائلته و انما يريدها لكي يحضل على نقود اضافية فوق المساعدات المتوفرة من الحكومة و ذلك ب اختلاق اعذار تمكنه من الحفاض على ساعاته قليلة و شيكات الدفع تحمل ارقام ليثبت للحكومة بانه دخلة محدود ولا يستطيع اعالة عائلتة بهذا المبلغ و بدا بالتاثير على الباقين و منهم انا اضافى الى عمل اشكالات مع صاحب العمل بخصوص المبلغ الذي نتقاضاه في الساعة الواحدة و بدا يستغل حاجتنا له بسبب صعوبة الوصول الى مكان العمل بالطرق التقليدية (الباص)  و استخدامه للاسلوب الفض باعتباره لنفسه عنصر مهم ولابد ان نخضع لقوانينه و شروطة بالرغم من انه يتقاضى منا حقه في و هناك الكثير من التفاصيل في هذا الموضوع لكنني لم اتطرق لها بسبب محدودية وقتي
فاسال الله العلي القدير ان يوفقكم الى ما يرضيه و يفرج عنكم همكم في اقرب وقت ممكن
و السلام عليكم و رحمة الله و بركاته

[alomaree]

طبعا هاي بعدك اول 3 اشهر وان شاء الله ينطيك طول العمر وتشوف وعلى قول المثل المصري عيش اكثر تشوف اكثر . وراح تصادف نماذج ما راح تلكالهة اي شي تشبهة بي واني شخصيا شفت نماذج هنا صارلة 20 سنة وما عندة حتى كرين كارت .

[عراقي نبيل]

السلام عليكم ورحمة الله وبركاته اخي الفاضل
الله يساعدك ويصبرك ...الكل بالبدايه تعاني لكن ان شاء الله سوف تسهل الامور بالتدريج
اخي لا تضوج من هذه التصرفات اليست هي امراض مجتمعنا وتنتقل مع الناس اينما ذهبو ا نتمنى ان يتخلص البعض من هذه الامراض ويتركها ويبدا من جديد حياة حلوه حره كريمه نظيفه..
اخي الكريم انت غير مجبر على اقامة علاقات مع اناس لا ترتاح لسلوكهم وتصرفاتهم ...فصديق واحد صادق ومحترم وقريب منك في سلوكه وتصرفه يعادل العشرات من المزيفين والغير منضبطين
اتمنى لك اخي الكريم التوفيق والنجاح في بناء مستقبلك ...
ان شاء الله سوف تسهل امورك تدريجيا وتصير الحياة حلوه ...واحلى..
نحب نسمع اخبار طيبه عنك..
تواجدك بيننا يسعدنا ..فانت اخ عزيز كريم النفس وطيب الخلق .....بالتوفيق ان شاء الله

                                                                                                اخوك ابو علي

[kdkdkdkdk]

+١

[alzandawi]

أخي   الأصدقاء انت تكدر تختارهم وممجبور باي كان اسمحلي يعني ألف صديق ولا عدو ميخالف بس مو يدخلوني بمشاكل. ودائما  فكر  بمستقبلك وانت هسه بطور البناء يعني مجبور تماشي وتساير كلمن هب ودب.   والله يسهل أمورك  وترتاح بشغلك وتستقر بسكنك

[Awsaws]

اخي الكريم معاناتك هي معانات اغلب المسافرين في بداية المشوار تكون صعبه جدا ثم صعبه ثم اقل صعوبه وهاكذا وحسب امكانياتك وقدراتك سوف تذلل المصاعب باذن الله وكل حسب ما يقدره الله سبحانه وتعالى له اما بالنسبه للاصدقاء فاخي انا ببلدي لم املك من الاصدقاء ما تحمله كلمة صداقه من معاني قيمه اكثر من عدد اصابع اليد الواحده
تمنياتي لك بالتوفيق والاستقرار

[hamada2]

تدريجيا راح تنطوي وتنعزل وتعيش حياتك مرتاح وتبتعد عن القيل والقال ,


صديق واحد او عائلة واحدة تكفي ولا داعي للمزيد ,


حاول ان تجد صداقات وعلاقات مع الجنسيات الاخرى حتى وان كنت لاتعرف لغتهم ولكن تدريجيا سوف ترتاح معهم وتجدهم مخلصين بالفعل .



تحياتي

[احمدمالك]

والله كلامك صحيح
التجربه اثبت برهان
ولاكن مو كل اصابعك سوا  انشاء الله ما اشوف اي نموذج من النماذج التعبانه





تحياتي احمد كوتاهيا

[Yassenkov]

السلام عليكم

طبعا انا اتفق مع صاحب الموضوع ، وعلى ما اعتقد انا كتبت قبل فترة موضوع بخصوص طبيعة العراقين الي كاعدين يسافرون الى امريكا وخصوصا من الاردن لمن اروح الى UN وال IOM لوتشوف الناس مع الاسف المنظمات اطلع اغلبية الناس الي هم يفتقدون لكل مؤهلات النجاح الى امريكا ولتشوف الاشكال والله العظيم بعد اشوي ابجي لان اكو ناس ما الها حل اهنا او بامريكا لو حتى بالمريخ بس علمود اتروح اتعيش عالة على اكتاف المنظمات بامريكا ويسيئون لسمعة الاخرين ، والانسان المتعلم والمثقف والطموح والي حاب يروح يحقق ابسط طموحاته وهي الامان النفسي والمادي كاعد ينتظر ، يعني مع الاسف تلكي رجال عمره 40 سنة لابس دشداشة الي جوه الركبة بشوية  ولحيته اطول من وجه وكلشي ميعرف يحجي هذا شلون ينجح بامريكا ، لو المطيرجي الي كعدت عنده ويريد يروح الى امريكا علمود يشتري طيور ويتاجر بيها للعراق ويعرف بالانكليزي بس YES و NO  والله الوضع يقهر ، اكو عراقية اتريد اتسافر وعندها 5 شباب وكلهم ميريدون يسافرون بحجة امريكا ضوجه وماكو قهوة وماكو اراكيل وماكو اصدقائهم وميقبلون يبقون بيها ، وفد واحد قمة بالتخلف بنته الصغيره تبجي بال IOM والله والله والله العظيم يمكن عمر بنته 4 او 3 سنوات كام كسرها ضرب ورزل مرته كدام الناس هذا مثلا يريد يروح الى امريكا ، لو راح ينجح بامريكا الي هي اهم شغلة عندهم حقوق المرأة والطفل ،

والجانب الاخر تلكي  دكتور جامعي عراقي طلع من العراق بسبب القتل الي كاعد يصير بالعراق للناس المثقفة كاعد ينتظر مثلي وبعده ينتظر والناس الي ما الها اي امل بالنجاح الى امريكا كاعده اتسافر ، والله ويايه عائلة مسيحية خطية اجاها رفض زين هذولة وين يروحون خطيه والله العظيم اذا رجعو للعراق اكيد ينقتلون .

والله الي كاعد يصير جريمة بحق الناس الي عندهم فرصة للنجاح بامريكا ولكن هذا الواقع التعبان

اسف على الاطالة

اخوكم Yassenkov

[المتوكل على الله]

السلام عليكم

منور اخ عذاب صار هواي مفتقديك بلمنتدى؟؟؟اصبر واتحمل شلون ماكان.

ترة وين متروح تلكة الزين والشين بكل مكان من العالم؟ وانشاء الله تحقيق

الاماني السعيدةوراحة البال.وخلي نسمع اخبارك............وشكرا.




                                          اخـــــــــــــــــــــــــــــــــــــــــــــوك

           المتـــــــــــــــــــــــــــــــــــــــــــــــــوكــــــــــــــل عـــــــــــــلــــــــــــــــى الله

[عراقي نبيل]

 up   للاطلاع

[سبيس]

اخي العزيز

البشر ليس سواسيه

فيوجد المريض وعلاج لبعض المرضى

ولاكن لايوجد علاج للغيره اذا رفعة من شخص ( المستحه )

وهذا لا يمثل الا نفسه

مع فائق تقديري الى صاحب الموضوع



اخوك ابو الوليد

[The Duke]

اهلا بيك الاخ الغالي عذاب:
اخي العزيز هذة هي حال الدنيا والشاطر اللي ياخذ تجارب البقية ويعتبر منها.
لهذا السبب دا نقرة هنا بلمنتدى اغلب قصص الاخوة اللي وصلوا امريكا لان مهما ادرك الانسان الحياة يبقى ينقصة الكثير
واسال اللة التوفيق لك في حياتك اخي العزيز.

[Haider ALtaie]

حبيبي مدام صارت اﻹعتبار عند الناس انو الغش شطاره ونسو عقوبة الخالق ... اطلب الله ... وخليهه مع الله هوه الكفيل .. وان شاء الله ربي يسعدك


اخوك
حيدر الطائي

[Haider ALtaie]

حبيبي مدام صارت اﻹعتبار عند الناس انو الغش شطاره ونسو عقوبة الخالق ... اطلب الله ... وخليهه مع الله هوه الكفيل .. وان شاء الله ربي يسعدك


اخوك
حيدر الطائي

[abo mays]

اغلب وليس كل الموجودين , اخذوا فرصه لا يستحقونها , ورايت ذلك بعيني اثناء زيارتي لامريكا , وسوف اتواصل بنشر موضوع يحمل نفس روحية موضوعك اخي العزيز لاحقا ...


ابو ميس

[um shaheen]

يارب تكون بخير اخونه العزيز عذاب ويارب يفرجها عليك ومتحتاج لاحد والف الحمد لله والشكر انك وصلت الف مبروووك والف سلامه ويارب يوفقك ويسعدك دائما ميخالف اخويه كلشي بالبدايه صعب ويارب يسهلها عليك وييسر طريقك
تحياتي
اختك ام شاهين

[samarzaid]

طبعا هاي المشكلة كل يوم اسمع بيها للاسف مو بس الناس المتخلفة والي مو مقفة اني هسه دا اشوف مهندسين لو اطباء عدهم الويك ايند مخصص للنيميمة والكص بالعالم والعياذ بالله يعني والله واحد يخاف ويامن يحجي والمن يصادق وويامن يسوي تكاتف اجتماعي حتى الاطفال هم يريدون اصدقاء وياهم ... لذلك اني قررت احجي وية الكل بس بدون محد يعرف خصوصياتي و وين اشتغل وشنو لان من هنا تبدي المشاكل والحجي الزايد

[firas baghdadi]

السلام عليكم

طبعا انا اتفق مع صاحب الموضوع ، وعلى ما اعتقد انا كتبت قبل فترة موضوع بخصوص طبيعة العراقين الي كاعدين يسافرون الى امريكا وخصوصا من الاردن لمن اروح الى UN وال IOM لوتشوف الناس مع الاسف المنظمات اطلع اغلبية الناس الي هم يفتقدون لكل مؤهلات النجاح الى امريكا ولتشوف الاشكال والله العظيم بعد اشوي ابجي لان اكو ناس ما الها حل اهنا او بامريكا لو حتى بالمريخ بس علمود اتروح اتعيش عالة على اكتاف المنظمات بامريكا ويسيئون لسمعة الاخرين ، والانسان المتعلم والمثقف والطموح والي حاب يروح يحقق ابسط طموحاته وهي الامان النفسي والمادي كاعد ينتظر ، يعني مع الاسف تلكي رجال عمره 40 سنة لابس دشداشة الي جوه الركبة بشوية  ولحيته اطول من وجه وكلشي ميعرف يحجي هذا شلون ينجح بامريكا ، لو المطيرجي الي كعدت عنده ويريد يروح الى امريكا علمود يشتري طيور ويتاجر بيها للعراق ويعرف بالانكليزي بس YES و NO  والله الوضع يقهر ، اكو عراقية اتريد اتسافر وعندها 5 شباب وكلهم ميريدون يسافرون بحجة امريكا ضوجه وماكو قهوة وماكو اراكيل وماكو اصدقائهم وميقبلون يبقون بيها ، وفد واحد قمة بالتخلف بنته الصغيره تبجي بال IOM والله والله والله العظيم يمكن عمر بنته 4 او 3 سنوات كام كسرها ضرب ورزل مرته كدام الناس هذا مثلا يريد يروح الى امريكا ، لو راح ينجح بامريكا الي هي اهم شغلة عندهم حقوق المرأة والطفل ،

والجانب الاخر تلكي  دكتور جامعي عراقي طلع من العراق بسبب القتل الي كاعد يصير بالعراق للناس المثقفة كاعد ينتظر مثلي وبعده ينتظر والناس الي ما الها اي امل بالنجاح الى امريكا كاعده اتسافر ، والله ويايه عائلة مسيحية خطية اجاها رفض زين هذولة وين يروحون خطيه والله العظيم اذا رجعو للعراق اكيد ينقتلون .

والله الي كاعد يصير جريمة بحق الناس الي عندهم فرصة للنجاح بامريكا ولكن هذا الواقع التعبان

اسف على الاطالة

اخوكم Yassenkov

كلام محزن فعلا
انا اشاء وانت تشاء والله يفعل مايشاء
السفر قسمة

[أسراء الوردة]

السلام عليكم ورحمة الله وبركاته

الأخ المحترم

شكراً لمشاركتنا أفكاركم والمصاعب التي تواجهكم

وأرجوا الله العظيم ... أن يكفيكم ما همكم ... وأن يوفقكم لكل خير بعافية

وتجنب العراقيين أين ماكانوا ....

والله ولي التوفيق

أختكم

[البرومي]

الى الاخوى الاعزاء والاخ صاحب الموضوع السلام عليكم ورحمه الله وبركاته
اخي العزيز كل شيء اولى صعب وبعدين تتسهل الامور
وبلنسبه للعراقيين موكل اصابعك سويه
وعدنه مثل ايكول عينك ميزانك الزين امبين والموزين هم امبين فخلينه لانختلط بلناس التعبانه
وين ماتروح اكو الزين واكو المو زين اسال الله ان يوفقكم جميعا الى مايحب ويرضى
تقبلوا مروري اخوكم البرومي