ارجو المساعده من خبراء siv في بغدادوunhcr في تركيا

[علي الكحلي]

السلام عليكم ارجو مساعدتي بنصيحتكم حول قضيتي قدمه على برنامج siv في عام 2010 وحصلت على الرفض في 2011 شهر السابع  وكاتبيلي بل ورقه سبب الرفض امني وعندما سئلت السفاره ليش رفضتوني كالو انت تعرف وكلتلهم اني ما اعرف وسىلتهم هل استطيع التقديم مره اخرى كالولي لدوخ روحك ابد مراح تدخل الامريكه واني ماعندي اي شي سيئ اب حياتي وكنت كلش زين وي الامريكان  والحد هس اني متعجب على سبب الرفض وبعده رحت الى تركيا في شهر التاسع 2011 وقدمه على برنامج unhcr ,وعندما دخلت الى الامم المتحده كلتلهم اني كنت امقدم على برنامج siv ونطوني رفض وهاي هي ورقه الرفض في ذالك اليوم كل الناس انطوهم قبول كلاجئن بس اني منطوني كالولي روح واحنه نتصل بيك ورها  تسعه اشهر انطوني قبول كلاجئ بحيث الناس الي اجوي ويايه سافرو الى امريكه وغيرها من الدول وره شهر طلعتلي دوله استيطان امريكه  اني كلت الحمد لله الله مضيع تعبي ورها قابله  المقابله الاولى ورها ابكم شهر قابله الوفد وكانت ابنيه امريكيه وكانت كلش زينه ويايه كلتله ليش السفار رفضتني  كالت اني ما اعرف هاذا برنامج وهذاك برنامج وشوفه ورقه الرفض الي مكتوب بيه سبب الرفض امني طبعن من شافه الورقه خترعت او ورها كلتله ارجوج اقبليني كا لتلي مو بيدي القرار بس راح اسويلك ري كمن ديشن  والحد هس ممنطيني الجواب وكل الي قابلو ويايه والقابلو ورايه هس هم اب امريكه ورها كمت اراجعهم ايكولولي شغلتك اب امريكه مو اب تركيه ومنعرف اشكد اطول ايجوز اسبوع ويجوز بعد خمس سنوات  اريد اعرف هل اني كنت غشيم من كنت اراويهم ورقه الرفض ام هناك سبب اخر وبل مناسبه اني عندي اخويه كان يشتغل سائق كرين وي الامريكان وفي احد الايام دخل مشروب للموقع الامريكي ولزمو وضربو بلاك هل هاذا السبب في عدم دخولي للولايات المتحده هس اني اطلب نصيحتكم ماذا افعل انتظر القرار وحتمال هم رفض او اروح للامم المتحده اغير الدوله مثل اطلب الذهاب الى كنده او استراليا او غيرها من الدول  مع شكري وتقديري لكم

[*Ray]

   up

[علي الكحلي]

شكرا اخ حسين الجبوري والاخRay على المشاركه شنو ماكو  احد مثل قضيتي بل مناسبه السفاره الامريكيه كانت دائما ادزلي ايميلات اتكلي شارك بل برنامج مره الاخ بس اني مكنت اقدم مره الخ على البرنامج لانه كنت اذكر الموظف الي بل سفاره كالي ابد مراح تدخل امريكه بس قبل شهر ونص قدمه على البرنامج siv مره الخ  وكتبتلهم تر اني كنت امقدم سابقا ورفضتوني  فدزولي رساله كالولي انتظر الجواب مال القنصل بعد شهرين اوثلاثه اشهر هاي شنو معناته والله خبلوني

[A.J 47]

عزيزي الموضف الي بالسفاره كان ديمسلت بكيفه ماكو شي بد ما تدخل امريكا
اكو طلب استئناف
راسل السفاره وبلغهم بوضعك واطلب اعادة عمل برنامجك الاس اي في في تركيا عادي جدا
وبالنسبه للورقه لا مغلطان اذا ما شاوفها بيدك راح يشوفوها بالسستم بالعكس انته كنت صادق معاهم
وبالنسبه لاخوك مطبب مشروب وبلاك لست هم عادي يا مكثر البلاك لست الي موجودين بامريكا هسه اولهم علي سي جي خو ذاك كان يبيع حبوب للجنود ههههه
نصيحتي حاول ترجع على الاس اي في وابقه مجلب ويه اليو ان يعني لا تضيع المشيتين

[علي الكحلي]

اشكرك اخ A.J47 على المشاركه وبارك الله بيك  طبعن قبل ساعه فتحت اميلي ولكيت رسالت الجيف اوف مشن من السفاره الامريكيه وكاتبلي بيه رفض وكاتبلي بيه انه قرارهم واحد بس بل اخير كاتبلي اني اكدر ادخل الى امريكه عن طرق UNHCR والله يضحكون يعني المجرمين ايدخلون عن طريق الامم المتحده  يعني هس والله ما اعرف هذوله اشلون ايفكرون زين ليش صارلهم اكثر من سنه يدزولي رسائل ايكولولي قدم على برنامج SIV مره الخ يعني اني لو مدازيلي رساله جان ما اقدم اشو قدمه ونرفضه  ليش هيجي دي سون ويايه مدا اعرف هس اني ما ادري اروح للامم المتحده وغير دوله الاستيطان امريكه لو لاوالله دخت

[A.J 47]

بالنسبه للأستئانف اكو فتره محدده على ما اعتقد بهاي السالفه يكدر يخدمك الاخ الغالي زيطه هو يعرف بالاستئناف
وبالنسبه للـ UNHCR اعتذر حبي معرفتي صطحيه
وتقبل تحياتي وتمنياتي لك بالموفقيه
اخوك ابو علي

[مايكل اندريه85]

up

[علي الكحلي]

شكرا على المشاركه اخ A.J47 وبارك الله بيك والله يسهل امرك اني دزولي استئناف  قبل سنه ونص وستئنافه بس المشكله مو بنفس الوقت المحدد يعني بوره الموعد بسبوعين او وره سنه دزولي رفض لعدم الاستئناف في الوقت المحدد ويمكن اني اول واحد استئنافه لانه ابوقه  مكان اكو احد بل منتدى يعرف شغله الاستئناف على اي حال اني هس صاير مثل بلاع الموس وبس الله اليعرف اشلون راح تنحل

[firas baghdadi]

اخي العزيز
انت بعنوان موضوعك طالب المساعدة من الخبراء في اس اي في
واني لاخبير ولاشي. رح اجاوبك على الي سامع بي وتحليلي الشخصي

اولا تبليغك للمنظمة بموضوع الرفض هو الاجراء الصحيح
وحضرتك بالعكس موغشيم. فعلت عين العقل
ثانيآ فعلا يمكن البرنامجين مختلفين ومالهم علاقة واحد بالثاني ولتكلي الامنية وحدة. اني شخصيآ سامع بكيس رفضوا مثلك امنيآ على الاس اي في وقبلوا أي او ام
ولتكلي معقولة همة يقبلون مجرمين على غير برامج مثل ماحضرتك كتبت في احدى تعليقاتك السابقة. الموضوع اخي مالة علاقة بالاجرام. المجرم مرفوض على كل البرامج.
الموضوع بالمختصر المفيد. يمكن الامنية مال الاس اي في بيها شوية تعقيد اكثر وملاحظات اكثر من الاي او ام بسبب ان الحاصل على اس اي في سوف يمتلك كرين كارت مباشرة ولامجال لمتابعته ومراقبته كما يحدث مع باقي برامج اللجوء. اخي اس اي في (نظام هجرة خاص)
لذلك احتمال احيانا بعض الملاحظات الصغيرة والمؤشرات قد تؤثر على امنية الشخص في الاس اي في. في حين انها قد تعتبر طبيعية في البرامج الاخرى

نصيحة الك من اخوك
انسى الاس اي في انت نرفضت على هذا البرنامح. إلا اذا همة تحركوا عليك مرة اخرى
وكمل مشوارك على الاي او ام أو على اليو ان

تحياتي

[علي الكحلي]

شكرا جزيلا اخ firas baghdadi على المشاركه وبارك الله بيك يعني هس اني انتظر القرار  لو شسوي اخاف القرار يطول واني مو بل عراق حت ما اهتم  لانه اني يم اهلي او دا اشتغل بحيث اذا اج القرار او ما اجه نفس الشي اني هس اب تركيه وما عندي شغل يعني اني صارلي سنه وثمانيه اشهر كومه فلوس صرفه لو منطيني غير دوله جان اني هس امسافر من زمان بس هم اخروني اهوايه بحيث من انطوني لجوء ونطوني امريكه اني كله هذوله كلشي رتبولي وراح اسافر الى امريكه اشو عبالك جانو شامريه للملف وبعدين طلعوه ونطوني قبول عمياوي بدون ان يحققون بل قضيه زين انت شنو رايك لو اروح للامم المتحده وارفض امريكه واكللهم انطوني غير دوله

[firas baghdadi]

اخي العزيز

والله ياأخي ماعرف شكلك. الله يساعدك
وهاي سالفة اخوك مال المشروب مالها علاقة بيك اطلاقآ إلا اذا اخوك مقدم وياك والربط قوي بكيساتكم ؟؟؟
هل اخوك مقدم  ايضآ والربط بيناتكم قوي ؟؟

[علي الكحلي]

شكرا اخ firas baghdadiعلى التواصل  طبعا هو مو ويايه بل كيس وهو حياته ممقدم على اي برنامج بس هو صارله سنتين بل سجن هم سواله ملعوبه وشمروه بل سجن بعد ست اشهر يطلع  بس شغلاته تعبانه دائما مثل علمود مشروب لو عركه لو فدشغلات تافه يدخل للسجن بس عامتن من واحد يقدم على اي برنامج راح ايسئلوه على اهله واحد واحد وبعد ما اعرف هل هو السبب بس احتمال مي ريدون ايكولولي حت ما اسبب مشاكل وياه والله اني دايخ دوخه مصايره وماعرف شسوي المشتكه الله اني مو بوحدي زوجتي واطفالي هم ويايه لو ابوحدي جان ما اهتم 

[firas baghdadi]

شكرا اخ firas baghdadiعلى التواصل  طبعا هو مو ويايه بل كيس وهو حياته ممقدم على اي برنامج بس هو صارله سنتين بل سجن هم سواله ملعوبه وشمروه بل سجن بعد ست اشهر يطلع  بس شغلاته تعبانه دائما مثل علمود مشروب لو عركه لو فدشغلات تافه يدخل للسجن بس عامتن من واحد يقدم على اي برنامج راح ايسئلوه على اهله واحد واحد وبعد ما اعرف هل هو السبب بس احتمال مي ريدون ايكولولي حت ما اسبب مشاكل وياه والله اني دايخ دوخه مصايره وماعرف شسوي المشتكه الله اني مو بوحدي زوجتي واطفالي هم ويايه لو ابوحدي جان ما اهتم  

طمنتني عبالي اخوك مقدم وياك
خلص انحلت المشكلة. انت قدمت على اليو ان وبلغهم انه سبب رفضك على برنامج الهجرة الخاصة الاس اي في كان بسبب اخوك ومشاكلة. وهاي مرح تأثر عليك في التقديم. بس الموضوع طويل ترة وميفض احتمال بسنتين يلة. اذا تكدر ترجع للعراق ومامتهدد حاليآ وتقدم أي او ام اني برأيي افضلك صح هم تطول بس على الاقل انت موجود بالعراق ووضعك المادى والعائلي حيكون مستقر اكثر. ماريد اضوجك واكلك انت اصلا خطأت من زعلت وطلعت لتركيا بوجهك بعد الرفض. كان المفروض مباشرة تقدم اي او ام من 2011 . كان زمانك مقابل محلفين.
على كل حال. الخير فيما اختاره الله.

تحياتي ياصديقي العزيز والله يكون بعونك

[علي الكحلي]

شكرا جزيلا اخ firas baghdadi على النصائح ونشالله الله ينور طريقك  اخي تر اني الحد هس مكا يليلي سبب الرفض شنو وكلما اسئلهم ايكولو لي انت تعرف اني يعني تخميني اكول احتمال اخويه  واني من قدمه انطيتهم ورقه الرفض بس وكلتلهم اني ما اعرف شنو سبب الرفض والله ما اعرف ليش مدا ايكولولي شنو سبب الرفض قابل ايخافون مني لو يستحون مني والله ما اعرف وتر اني مزعلت من طلعت اني الامريكان اصدقائي نصحوني بعدم البقاء في العراق لانه سوف يكون خطر جدا بلنسبه الي وكلامهم كان صحيح بحيث هس العراق كله صارخطر اني كلت انتظر فد شهرين واذا ماكو نتيجه اروح الى الامم المتحده واغير دوله امريكه واني اعتقد غير دول مراح هيجي اسوي بيه مثل ما سوو بيه دوله امريكه

[ahmdadme]

السلام عليكم اخواني حبيت اشاراك وياكم نفس الموضوع بس بالمقلوب
اني اتهددت بسنة 2009 وجيت للاردن وقدمت على اللجوء للمفوضية السامية لشؤون اللاجئين حتى احصل على ورقة الحماية ليكون جودي في الاردن قانوني ومحمي من المفوضية وبعدها بسنة عرفت انو اكو برنامج الاس اي في وبرنامج الاي او ام وقدمت على البرنامجين بنفس الوقت والان قبل شهر تقريبا بلغوني المفوضية اني مرفوض ولا مشمول بالحماية والتوطين سئلتهم عن السبب قلو لي انك كنت تعمل مع الامريكان والامريكان كانو ينتهكون حقوق الانسان بالعراق وانت بعملك معهم شاركتهم بانتهاك حقوق الانسانفلا نستطيع توفير الحماية لك
وقبل يومين اجاني ايميل من السفارة الامريكية يبلغوني بالرفظ من برنامج الاس اي في ويقولون ان هذا القرار نهائي ولا تستطيع الاستئناف
اريد من الاخوة ان ينوروني باقتراحاتهم حسب خبرتهم لان اني دخت واعتقد هاي المنضمات كلها مرتبطة ببعضها البعض لان في المفوضية من بلغوني بالرفض كالولي ماننصحك اتقدم على اي منظمة للهجرة

[firas baghdadi]

السلام عليكم اخواني حبيت اشاراك وياكم نفس الموضوع بس بالمقلوب
اني اتهددت بسنة 2009 وجيت للاردن وقدمت على اللجوء للمفوضية السامية لشؤون اللاجئين حتى احصل على ورقة الحماية ليكون جودي في الاردن قانوني ومحمي من المفوضية وبعدها بسنة عرفت انو اكو برنامج الاس اي في وبرنامج الاي او ام وقدمت على البرنامجين بنفس الوقت والان قبل شهر تقريبا بلغوني المفوضية اني مرفوض ولا مشمول بالحماية والتوطين سئلتهم عن السبب قلو لي انك كنت تعمل مع الامريكان والامريكان كانو ينتهكون حقوق الانسان بالعراق وانت بعملك معهم شاركتهم بانتهاك حقوق الانسانفلا نستطيع توفير الحماية لك
وقبل يومين اجاني ايميل من السفارة الامريكية يبلغوني بالرفظ من برنامج الاس اي في ويقولون ان هذا القرار نهائي ولا تستطيع الاستئناف
اريد من الاخوة ان ينوروني باقتراحاتهم حسب خبرتهم لان اني دخت واعتقد هاي المنضمات كلها مرتبطة ببعضها البعض لان في المفوضية من بلغوني بالرفض كالولي ماننصحك اتقدم على اي منظمة للهجرة

أول مرة اسمع بهيجي شي.!!!
اخي انت نرفضت من الـيو ان بسبب تقديمك على الاي او ام مباشر. همة اصلا اللي يقدم يو ان وبالمقابلة يكول اني مشتغل مع الامريكان يحولوه اي او ام. وانت اصلا مقدم اي او ام. انتهى الموضوع. ( لأن اليو ان على اتصال بالاي او ام ) نفس المنظمة بس وحدة دولية والثانية امريكية. لكن ثنينهم مالهم علاقة بالاس اي في.
شنو حقوق انسان وهاي السوالف. هذا الموظف ديتكلم عن شعوره الشخصي تجاه الامريكان.

تحياتي لحضرتك

[ahmdadme]

اشكرك اخي فراس على الرد
الي كال هذا الحجي موظفة اجنبية ماعرف امريكية او غير جنسية مادري بس كانت اكو مترجمة وياية بالمقابلة
والشغلة الثانية اني طلبت منهم يحولوني على الاي او ام لان شوفتهم كتب التزكية ورسائل الشكر هذا الحجي قبل ماقدم على الاي او ام
وجان تكلي الموظفة وهم اجنبية احنا منحولك روح انت قدم عليها مباشر وكل مقابلة كانت تحجي وياية بعنجهية وعصبية وتكلي انت مجبور
اجاوب على كل الاسئلة مالتنا واذا متجاوب هذا مو بصالحك وبعد مارفضوني اليو ان بلغوني انو ماننصحك تقدم على اي منظمة تابعة للامم المتحدة
كلتلهم وحتى الاي او ام كالو اي لان هاي تابعة النا وراها بفترة قصيرة دزولي الاي او ام رسالة يكلولي لازم تجيب العقد مالك ويا الامريكان يلا تمشي شغلتك