اخواني الي راح يقرؤن الموضوع ارجو ان تقرؤ بتمهل حتى تعرفون كل المعلومات قبل ان تجاوبوني, ابني يدرس الطب في اوكرانيا , خالته كندية الجنسيه هي وزوجها واولادها , حالتهم الماديه فوق الممتازه , سوت لابني كفاله خماسيه وكانت هي الكفيل الرئيسي وزوجها واولادها بقية الكفلاء , قوة الكيس الماديه قوي , المهم مزكز الهجره الكندي استلم استمارات الكفلاء يوم 1-12-2011 وتم قبول الاستمارات في مركز الهجره الكندي الموجود في مدينتها في اقل من شهر وتم تبليغها بقبول استماراتها بعد التاكد من انها تحتوي على كل متطلبات الكفاله الخماسيه وانه تم ارسال الاوراق الى السفاره الكنديه في كييف عاصمة اوكرانيا وبعد حوالي شهرين السفاره دزت الاستمارات الي لازم يترسها ابني على شكل ايميل لابني وبعدها ابني مليء الاستمارات وارسلها بالبريد العادي للسفاره هذا كان الشهر الثاني 2012 والسفاره ارسلت لابني ايميل باستلامهم للاستمارات , بعدها بحوالي شهر خابرت السفاره ابني وطلبو منه ان يكمل مليء استماره تخص معلومات عن عائلته وايضا طلبو يدزلهم استنساخ كل صفحات الجواز مالته , وفعلا اكمل مليء الاستماره واستنسخ الجواز وايضا دزلهم اياه بالبريد وامره اخرى ارسلوله ايميل لتاكيد استلامهم للاوراق , هذا كان الشهر الرابع 2012 وبعدها بشهرين ارسلوله ايميل حددوله بيه موعد مقابله يوم 19-10-2012 بالسفاره وفعلا راح وكانت مقابلته جيده وقبل ميطلع من السفاره المحلف كله قبل متطلع من الاستعلامات خل ينطوك اوراق الفحص الطبي , وفعلا انطو اوراق الفحص الطبي وطلع , بعدها بحوالي ساعه اتصلو بي السفاره وكلوله لا تسوي الفحوصات الطبيه الا لمن احنا نكولك وهاي صار اليوم اكثر من 7 اشهر على هل كلام علما انه المحلف عرف بالمقابله انه هاي هي سنة الدراسيه الاخيره وانه راح يتخرج بالصيف , ها نسيت اذكر انه بعد المقابله بحوالي ثلاثة اشهر خابرو وسالو كلوله انت بالاستماره ذاكر انه انت طالب الى حين ارسالك للاستمارات زين هسه شدتسوي فهو كللهم انه اني بعدني ادرس وهاي سنة تخرجي وبعدها سالو اذا كان مغير سكنه وهو رد عليهم كلهم اني غيرت سكني ودزيتلكم ايميل بيوم تغيير سكني , المهم انطاهم عنوانه الجديد وايضا دز للسفاره نسخه من الايميل الي سبق ودزلهم ايا عن تغيير السكن , سؤالي انه هل مايحصل من تاخير بالفحص الطبي مالته طبيعي لانه هي هاي الخطوه الاخيره الي بعدها المفروض يحصل بيها على الفيزه
