ايهما افضل؟

[dodo@]

اعزائي ايهما افضل تحديد كفيل بولايه معينه ام نتركها على جماعه المنظمه ونكولهم ماعدنا كفيل وتبقى عليهم؟
واشكرك مشاركاتكم

[ابو سماني]

اعزائي ايهما افضل تحديد كفيل بولايه معينه ام نتركها على جماعه المنظمه ونكولهم ماعدنا كفيل وتبقى عليهم؟
واشكرك مشاركاتكم

أذا كــــــفـيل ضــامــنة اكثر من روحك ومجربه 100% الكــفـيل

وإلا تخــليهـا على المــنظمة وهمـه يبتلشون ويــاك

عـني أخــتارت أن يخــتار لي الله ولــم أطــلب من أحد

ابــو ســـماني

[firas baghdadi]

اعزائي ايهما افضل تحديد كفيل بولايه معينه ام نتركها على جماعه المنظمه ونكولهم ماعدنا كفيل وتبقى عليهم؟
واشكرك مشاركاتكم

اختي العزيزة

اكيد اني اتفق مع ماقاله الاخ اوسماني حول ثقتكم بالكفيل. بس اريد اضيف شي.
عدم اختيار الكفيل يعتمد على وضعكم انتوا. وانتوا بس تكدرون تحددون.
يعني هل يوجد رجل في الكيس, خلفيته الثقافية , لغته الانكليزية, يلكف المواضيع بسرعة ويفتهم الوضع  , ... اذا موجود تكدرون بدون كفيل
بس اذا ماكو احد يعرف يحجي ولاطكة انكليزي وماطالعين بحياتكم لو يطلع الكيس بس انت والحجي والحجية و تخافين تطلعين بالشارع ومن هاي السوالف طبعآ وجود الكفيل مهم جدآ جدآ خصوصا بالفترة الاولى حتى لو كانت ثقتكم بي مو 100% . هو بالاول وبالاخير انتوا حتوقعون على كلشي مو هو. هو بس يساعدكم.
فالقرار يعتمد على وضعية كيسكم. واني بالخدمة عزيزتي

تقبلي مروري

[عراقي نبيل]

اعزائي ايهما افضل تحديد كفيل بولايه معينه ام نتركها على جماعه المنظمه ونكولهم ماعدنا كفيل وتبقى عليهم؟
واشكرك مشاركاتكم

أذا كــــــفـيل ضــامــنة اكثر من روحك ومجربه 100% الكــفـيل

وإلا تخــليهـا على المــنظمة وهمـه يبتلشون ويــاك

عـني أخــتارت أن يخــتار لي الله ولــم أطــلب من أحد

ابــو ســـماني

وانا كذلك اخي الفاضل ..........كلام الاخ ابو سماني جدا صحيح اذا ما واثق من كفيلك اترك الكفاله للمنظمه والله سبحانه وتعالى لن يتخلى عنك...الكفيل غير المضمون يسبب لك المتاعب ...مع احترامي واعتزازي بكل كفيل ملتزم ادى واجب الكفاله بكل امانه واخلاص وهم كثيرون جزاهم الله خير الجزاء ........

                                                                                                               ابو علي

                                                                                                  

[سبيس]

خليه على المنطمه ولا منية احد

يطلع لو مهو انته ما اجيت وهو الجابك

وعايف شغله وملته وياك وشنو هل المنيه

هذا رأي واني خليته على المنظمه

وانت بكيفك يا اختي العزيزه


ابو الوليد

[~simon~]

شغلة الكفيل هيه  يستقبلك من المطار تبقى فد اسبوع اسبوعين يمة اذا ماشايفلك شقة قبل متجي 

ويخابرون الكفيل يكولون اله جيبهم بفلان يوم للمنظمة تكملة الاوراق

وخلاص هاي مهمتة


وبكل منظمات اكو مترجمين عراقيين وعرب مقبطة

[Sonata*]

الكفيل ضروري بكل الاحوال

1- لان احتمال يخلوك بمدينة غير جيدة بس اذا عندك كفيل تكدر تعرف منه المنطقة والمدينة والولاية اللي ساكن بيها زينه لا ؟
2- مثل ماكالت الاخت الكفيل يفيد في الباية وخاصة اذا كانت لغتكم الانكليزية غير جيدة

تحياتي

[dodo@]

اعزائي اشكركم على الردود اني عدي كفيل بس شنو الولايه مالته غير مشجعه وهيه اريزونا يشتكون من جوها الحار وكثره المكسيكين بيها
واحنا لغتنا الانجليزيه جيده جدا
واني قريت مره لاحد اخوننا بلمنتدى انه عندما تجبر المنظمه على كفيل معين يضطرون يودوك بجانب الكفيل ولاكن ممكن يكون المكان سيء من ناحيه السكن
بينما عندما تترك اختيار الولايه الهم ممكن يحطوك بولايه زينه من ناحيه انه لا يوجد زخم على هذه الولايه فيكون السكن ممتاز من ناحيه الموقع ومن ناحيه المساعدات
وشكرا جزيلا

[شنايزر]

كبداية افضل الكفيل لانه سوف يكون عونا لك في كثير من الامور المخفيه على اللاجيء .......... بالتوفيق