اختي العزيزة الملاك اللي اتمنى ميظل حاير يارب
سبق ان انفتح موضوع الرموز اكثر من مرة . وحجينة وكلنة هاي الرموز هي اسماء موظفين . والدليل انها تجي لهواية كيسات وبمراحل مختلفة وبذلك هي قطعأ لاتعني شيئ.
وصار قبل فترة نقاش على موضوع الرمز EHF واللي هو اكدوا عليه جميع الخبراء في هذا المنتدى انه يخص التحقق الوظيفي. لكن هذا الرمز اجه لشخص مكمل محلفين وبانتظار الامنية . ويريد يقتنع بمعنى هذا الرمز الحقيقي . واني دخلت على الموضوع وكانت هاي مداخلتي
رسالة شخصية (متصل)
رد: طلب توضيح بشأن هذا العبارة Case Update/EHF/IZ
« رد #3 في: 21:03 29/05/2013 »
رد مع الاقتباس تعديل الرسالة حذف رسالة
رسائل: 610
مشاهدة الملف الشخصى البريد رسالة شخصية (متصل)
رد: case status/EHF/IZ
« رد #5 في: 13:15 24/05/2013 »
رد مع الاقتباس من فراس البغدادي
مقتبس من: شوكت نسافر في 12:39 24/05/2013
عزيزي be
اني هم مثلك دزيت رسالة وجاوبوني نفس الشي ونفس الرمز مع العلم اني خلصت مقابلة المحلفين بالشهر الثالث وحسب من بعض الاخوة اللي عدهم خبرة بهذه الرموز كالو هذا الرمز هو تجييك التاريخ الوظيفي والتسهيل من رب العالمين والسفر القريب للجميعرد من فراس البغداديخوية رحمة لذاك الاب الطاهر ياتاريخ وظيفي اللي ممجيكي بعدهم وانت مخلص المحلفين.!!!!!
يمعودون هاي رموز مال اسماء موظفين مالها علاقة باي اجراءات على الملف.
هو كل مافي الموضوع. واحد شوية انكليزيته زينة كعد صفط كلمات لأي رمز حسب الحروف والعالم صدكت.
اني هم هسة احطلك ميت معنى لهاي الرموز
شوف اغاتي EHF تعني (Extracting Homeland Figure) وهي معناها بالعربي استخراج الرقم الوطني لطالب اللجوء . وهاي معناها ان الملف وصل الى اخر مرحلة من مراحل القبول والسفر عن قريب جدآ جدآ . مع اطيب التمنيات برحلة سعيدة.
ها هيجي تريد. طبعا هذا الكلام من تأليفي وتلحيني واخراجي وكله خريط بخريط .
الله يرضى عليكم. اللي ماعندة شي رسمي موثق لاتسمحوا له بالنصب والاحتيال على الناس. ترة الناس مناقصين.
وبالمناسبة هسة اكدر انزلك بنفس هذا الموضوع عشرين جملة تتضمن ثلاث كلمات تبدأ بالحروف EHF . وبما انه هذا الرمز جا للناس في عدة مراحل مختلفة فكل واحد رح يصدق بالرمز اللي يتلائم مع مرحلة الكيس الخاص به.
رجاء اخوي . اي واحد يكلك هذا الرمز يعني كذا . اطلب منه شي رسمي موثق . ليش اني ماكيف اذا فعلا طلعت هاي الرموز الها علاقة بسير الملف.
تحياتي
---------------------------------------------------------------------------------------------------------------------------------------------------------
وفي موضوع آخر انطرح من احد الاخوة يكول واصلني الرمز YAR بالجديد واني الفحص اكسباير ولازم اعيده. شنو تحليلكم لهذا الرمز . ايضآ دخلت على الموضوع وكتلة ( من باب الملاطفة لأن محد ديصدك هاي اسماء موظفين) حبيبي هذا الرمز يعني انت عندك اعادة فحص طبي والدليل هو
YAR = You Are Remedicaltest
وطبعا تحول الموضوع الى ضحك وشقى ودي بين الاخوة.
يا عزيزتي الملاك الحائر
لدوخين بموضوع الرموز . صدكيني متعني شي. واهله كبل كالوا ( لتكول سمسم اذا متلهم ) والحجي يم الامنية ومينفع اي رمز. وبالمناسبة في احد المواضيع شخص طرح هذا المثل و كان يقصد باذا متلهم يعني اذا متوصل امريكا بلاد العم سام . فكتلة شعلينة باهل كبل . ليش همة مقدمين لجوء جانوا. المثل الجديد اللي لازم نستخدمة هو
( لتكول سم سم اذا متوصل لعم سم )
لا رموز و لابطيخ
تحياتي
