اخوان علمود الدوره التثقيفيه ..... ارجو المساعده

[mohanad.a]

السلام عليكم

شلونكم اخواني واخواتي

عندي مشكله علمود الدوره التثقيفيه لان جماعة الاي او ام خابروني البارحه وحددولي موعد للدوره التثقيفيه يوم الاحد القادم 2-6-2013 وكالولي راح يجيك من عدنه ايميل لازم تطبعه علمود تدخل المشكلهه لحد الان ما وصلني هذا الايميل واني هسه كلش قلق بسبب هذا الموضوع واني دزيتلهم ايميل بس محد جاوبني ... ما اعرف شسوي شلون ادخل علمود الدوره واريد اعرف شنو اهمية الدوره وهل تؤثر اذا ما رحت لان لحد الان ما وصلني اي شي منهم والمشكله باجر وعكبه عطله والله تعبت من التفكير

[Wingo]

أخي الكريم
أولا حضورك أو عدم حضورك إلى الدورة لا علاقة له بالسفر، بمعنى إذا لم تحضر فإن إجراءات سفرك ستسير بالشكل المعتاد، و ستسافر إن شاء الله حتى لو لم تحضر الدورة
إن شاء الله يتصلون بك و يدزون الإيميل لأن الدورة مفيدة جدا جدا و انا انصحك بشدة ان تحضرها
الدورة كلش مفيدة و أعتقد انها مفيدة بشكل خاص للأخوة المسافرين من داخل العراق لأن طبيعة الحياة في العراق تختلف كثيرا عن باقي الدول
و الله يوفقك لكل خير

[mohanad.a]

اشكرك اخي جزيل الشكر على مرورك وان اشاء الله ما تأثر على السفر واكيد حياتنا بلعراق بكلشي عكس العالم
المشكله اني سامع انو الدوره التثقيفيه اجباري على اهل بغداد لازم يحظرون .... الله كريم 

[عراقي نبيل]

السلام عليكم

شلونكم اخواني واخواتي

عندي مشكله علمود الدوره التثقيفيه لان جماعة الاي او ام خابروني البارحه وحددولي موعد للدوره التثقيفيه يوم الاحد القادم 2-6-2013 وكالولي راح يجيك من عدنه ايميل لازم تطبعه علمود تدخل المشكلهه لحد الان ما وصلني هذا الايميل واني هسه كلش قلق بسبب هذا الموضوع واني دزيتلهم ايميل بس محد جاوبني ... ما اعرف شسوي شلون ادخل علمود الدوره واريد اعرف شنو اهمية الدوره وهل تؤثر اذا ما رحت لان لحد الان ما وصلني اي شي منهم والمشكله باجر وعكبه عطله والله تعبت من التفكير

السلام عليكم ورحمة الله وبركاته
اخي الكريم نعم الدوره التثقيفيه لاهل بغداد اجباري
هذه ليست المره الاولى التي يغلسون بيها على الايميل وما يدزوه ....ابدا لا تتفاجأ من الموضوع قبلك حصلت نفس الحالة وحتى ميجاوبون على الموبايل ...ابدا ما انصحك تذهب بدون الابمبل لان بالباب احتمال كبير ميدخلوك .انت وحظك...زاسلهم وبلغهم بالموضوع
اهم مشكلة عندك ان باب الدخول تتغير كما ذكر احد الاخوان بموضوع خاص بالمنتدى ...بسبب الاوضاع الامنيه والتشدد بمناسبه زيارة الامام الكاظم عليه السلام...
ومثل ما وضح لك الاخ العزيز wingo مشكورا فان عدم حضورك لا يؤثر على سير الملف خصوصا وانت لديك عذر شرعي بعدم استلام نسخة من الايميل الذي يسمح لك بالدخول الى المنظمة...
راسلهم واشرح لهم الموضوع ...وان شاء الله يجاوبوك...
بعد عندك مجال يومين انتظرهم وشوف والتسهيل من رب العالمين

                                                                                                            ابو علي

[سبيس]

مبروك عليكم الدوره

لا يحتاجوها لانها للدخول فقط يعتمدون على جواز السفر

اجتي ما اجتي مو مهم المهم هو الحضور يا عزيزي




اخوكم ابو الوليد

[mohanad.a]

العم العزيز عراقي نبيل المحترم  الاخ العزيز wingo  شكرا جزيلا لابداء الرأي والمساعده ولكن لايزال عندي استفسار لان حضرتك تذكر ان الحضور اجباري يعني الي ما يحضر راح يفقد السفر لو شنو؟
وبالنسبه للاخ ونكو يكول عدم الحضور لايؤثر على السفر ؟؟؟
اعتقد الموضوع يحتاج تفسير اكثر للان اني كلش محتار
شغله الاخرى العم عراق نبيل كلت انه راح يرسلون ايميل  وانشاء الله  راح يرسلون  بس المشكله انه بكره جمعه وبعد بكره السبت يعني ماكو دوام
لو تعتقدون احتمال اكو دوام عدهم او قسم من الموضفين راح يداومون؟؟؟؟؟
ارجو من جميع الاخوان الي عدهم معرفه بهاي الامور يوضحون الشغله رجاء  او اذا احد عنده هم دوره مثلي نفس اليوم  ممكن نعرف منه اذا  احتمال تم تاجيل الدوره ام ماذا؟
علما ان موعد سفري قريب جدا وكلش محتار خصوصا صادف مناسبه دينيه بالموضوع واحتمال الدوام يتعطل والله العظيم كلش دايخ وما اعرف شسوي
وانشاء الله يسهل  السفر الكم ولجميع الاخوان والاخوات//////// تحياتي

[عراقي نبيل]

السلام عليكم ورحمة الله وبركاته
ارسلت لحضرتك رساله توضيحيه على الخاص منذ يوم امس ارجو قراءتها والاطلاع عليها ....تفيدك ....
بالتوفيق ان شاء الله,,,
انتظر منك الرد .........شكرا جزيلا


                                                                                                         ابو علي

[zeeta]

مرحبا اخواني  اني بعمان
اني اتصلوا بيا الموظفة من السفارة وكالت نتظر تلفون من ال اي او ام علمود دورة تثقيفية
ممكن استفسر احتمال يدزون ايميل بدل مايخابرون ؟
زين الدورة شكد مدتها كم يوم ؟
وبعد الدورة كم يوم يلا انسافر ؟

[اجونة]

الدوره بعمان خمسه ايام وعادة تبدأ الاحد الى الخميس ..اما بخصوص موعد السفر احتمال بنفس الدوره تستلم خط الرحله واحتمال بعد اسبوعين
 او اكثرررر هاي حسب معلوماتي البسيطه وان شالله اكون قدمت لكم  شيء مفيد ومن الله التوفيق ,,,تقبل مروري
 اختك اجونه عمان

[mohanad.a]

السلام عليكم ورحمة الله وبركاته
ارسلت لحضرتك رساله توضيحيه على الخاص منذ يوم امس ارجو قراءتها والاطلاع عليها ....تفيدك ....
بالتوفيق ان شاء الله,,,
انتظر منك الرد .........شكرا جزيلا


                                                                                                         ابو علي

شكر جزيلا عمي العزيز ابو علي الورده
استلمت الرساله وجاوبتك عليها وانتضر من الرد

شكرا على اهتمامك بلموضوع

[mohanad.a]

اخوان الي حاضر دوره قبل بيش الساعه عادة" تبدي الدوره التثقيفيه ؟؟؟؟؟

[firas baghdadi]

+111111111111

[عراقي نبيل]

اخوان الي حاضر دوره قبل بيش الساعه عادة" تبدي الدوره التثقيفيه ؟؟؟؟؟

الساعة التاسعة صباحا تبدا الدوره

                                                                                                                      ابو علي