التواصل والاتصال مع الاخوة بالمنتدى

[Gullizar]

السلام عليكم اخوتي واخواتي بمنتدى الهجرة
لدي مشكلة بالتواصل مع بعض الاعضاء بالمنتدى ارجو توضيح الطريقة اللي ممكن توصلني ببعض الاخوة بالمنتدى والذين قدموا للمنتدى المعلومات المهمة والمفيدة منذ فترة طويلة وللاسف نلاحظ غيابهم وعدم ردهم على اسئلتنا واستفسارتنا لاعلى الخاص ولا على العام واذا ممكن احد يجاوبني هل الخلل بالحساب لو هم اساسا ميجاوبون على رسائلنا لانه امريكا بحر ويوميا تظهر شغلة جديدة بحياتنا وبصراحة راجعت مواضيعهم ملكيت الشى اللي نريده وبصراحة اكولها هنا العراقيين ميحبون يتواصلون ولاينطون اي معلومة وملكيت التعاون والمعلومة غير بهذا المنتدى المحترم وهنا ماكو رحمة ولا تسامح بالقانون يعني اللي يخطا ممكن تاثر عليه بهواي امور وهذا اللي خلاني اكتب رسالتي عسى ولعل توصلهم رسالتي المتواضعة
اختكم كلزار

[تـًعـًبـًنـي حـًكـمًك ياًزمـًن]

هلا بيج اختي الغاليه وحياج الله منوره وربي.. عيوني الحساب مابي اي خلل بس المشكله يمكن  همه مشغولين بشغلهم وعملهم والوقت يختلف. احنا صبح همه ليل .  وانتي اسألي اي سؤال واحنا نجاوب انشاء الله تحياتي الج

[الفضلي]

فعلا معذورين
 اسالي واحنا نجاوب

[احمدمالك]

انشاء الله الاخوه الموجودين يجاوبون على الاسئله


احمد

[Gullizar]

اخواني اني اصلا بامريكا وهنا اكو امور واحداث تصير ويانه بدون منعرف شلون حلها وعذروني اذا مكدرت اكتب كلشي على العام لانه مو كل الناس تقدر الظروف وتقدر العيشة بامريكا واكو امور تتعلق بالسكن وبالعمل وبالسفر مامكن اللي بالعراق يعرفها وتحتاج ناس عندها تجربة بامريكا وياريت يفتحون قسم للناس اللي بامريكا ولو اللي عنده مشكلة ميكدر يطرحها لانه راح يصير انتقاد وتجريح وشعندك باقي هناك وليش اخذت فرصة غيرك ومن هذا الحجي اللي ما احب اسمعها ولا اقراه
الحياة وين منروح الها مصاعب ومصاعب امريكا غير العراق يعني ماكو مقارنة صح امريكا افضل بس العيشة شوية صعبة وقوانينهم مترحم الانسان اللي ماعنده خبرة
ارجو ان لا اضايق احد بكلامي واعرف بالعراق الوضع خطر وهذا اللي خلاني اكتب
مشكورين اخوتي وماقصرتوا ربي يسهل اموركم ويعجل بسفركم

[الفضلي]

كثير من الاعضاء في امريكا ايضا يوجد قسم حاص عن اللاجئين ومواضيع الحياة في امريكا في المنتدئ والانسان الذي يسئل عن موضوع ما او يطرح مشكلة ما يستفيد البقية منها دون حرج او انتقاص من احد

[انيس الجالسين]

اخواني اني اصلا بامريكا وهنا اكو امور واحداث تصير ويانه بدون منعرف شلون حلها وعذروني اذا مكدرت اكتب كلشي على العام لانه مو كل الناس تقدر الظروف وتقدر العيشة بامريكا واكو امور تتعلق بالسكن وبالعمل وبالسفر مامكن اللي بالعراق يعرفها وتحتاج ناس عندها تجربة بامريكا وياريت يفتحون قسم للناس اللي بامريكا ولو اللي عنده مشكلة ميكدر يطرحها لانه راح يصير انتقاد وتجريح وشعندك باقي هناك وليش اخذت فرصة غيرك ومن هذا الحجي اللي ما احب اسمعها ولا اقراه
الحياة وين منروح الها مصاعب ومصاعب امريكا غير العراق يعني ماكو مقارنة صح امريكا افضل بس العيشة شوية صعبة وقوانينهم مترحم الانسان اللي ماعنده خبرة
ارجو ان لا اضايق احد بكلامي واعرف بالعراق الوضع خطر وهذا اللي خلاني اكتب
مشكورين اخوتي وماقصرتوا ربي يسهل اموركم ويعجل بسفركم

انا في امريكا في ولاية نيويورك / مدينة روشستر
اذا اكو سؤال محدد واحببتي طرحه فتفضلي سواء على العام او الخاص
وان شاء الله نجاوب بالي نعرفه ومراح نقصر
بالتوفيق ان شاء الله