طبيعة الاسألة في المقابلة الاولى

[عمر-السامرائي]

مرحبا

عندي مقابلة اولى بعد كم يوم UN

اللي يكدر يساعدني بطبيعة الاسالة والاجوبة

واكون شاكر اله

عمر..جوروم..تركيا

[/b][/color]

[قسوة الحياة]

حسب مقابلتي كانت اسئلة روتينية بالمعلومات الي تخصك الي كاتبها بالاستمارة
وبعدين يسالوك ليش تريد تسافر لامريكا وهنا لازم تكلهم سبب مقنع .. واذا انتوا عائلة اتفقوا كلكم تكوت اجوبتكم نفسها ومو كل واحد يحجي شكل
واذا عدكم احد مخطوف او مقتول يسالوك شوكت انخطف او انقتل ومنو خطفه وانطيتوا فدية وهنا لازم تكول منطينه فدية اذا انتوا ناطين لان كبل ينطوك رفض يعتبروها تمويل لللارهاب ... وهاي من واقع مو من كيفي داحجيلك
واي تواريخ لازم تكون مطابقه ويه اجوبتك باقي الاهل واهم شي تكون واثق من نفسك ومتتردد بالاجوبه او تتلكأ او تخاف لان من يشوفوك هيج يكلون هذا ديكذب .. واهم شي توكل على الله وهي عموما اسئلة سهله ان شاء الله ولتخاف
بالتوفيق

[البرق]

مبروك عليك اخي عمر وان شاء الله تاخذ الفسفورة جوابي الحضرتك اولا راح ينطيك الموضف ورقة بيها سؤالين الاول ماهو سبب خروجك من بلدك
 الاصلي . هنا تذكر السبب الرئيسي وحاول مختصر مفيد لان بعدين تشرح من يسئلك الموضف . السؤال الثاني ماذا يحدث لك اذا رجعت الى بلدك.
 هنا حسب قضيتك مثلا تكتب اقتل من قبل كذا او حسب الي انت مقتنع بي وحسب قصتك هاي السؤالين مكتوبات في الورقه وعليك اتحضر اجابة.
 اما المقابلة تختلف من شخص الى اخر وحسب قضيتك اذا طويلة وبيها تفاصيل راح تتاخر في الوقت يعني 3 ساعة او اكثر او اقل اول ميبدي وياك ياخذ
 المستمسكات مالتك نسخة من جوازك وبي ختم الفيزا والخروج والدخول مال تركيا والبطاقة التموينية وبطاقة السكن والجنسية والشهادة واي دليل
 اذا عندك على قضيتك مثلا ورقة تهديد او صور الخ واذا عندك دفتر خدمة بعد احسن او انت مشتغل وي الامريكان اخذ كل المستمسكات باجات غيره
 هنا الموضف راح يستنسخ الوثائق ويرجع الاصل الك ويبدي يسئلك حسب مثلا عملك دراستك عسكريتك وين قضيتها شنو الي صار عليك منو هددك
 تعرفهم لو لا ونصيحتي الك انبه ايغلطك مثلا بتاريخ تهديدك او اي تاريخ او رقم لان عدهم فن المغالطه وكون مسيطر ولاترتبك والكفها وهي طايره عموما
 المقابلة مو كلش صعبه بس انت كون امسيطر وتحياتي الك وانا حاضر الى اي سؤال .      اخوك البرق من تركيا.

[الفضلي]

الف مبروك علي المقابلة

[firas baghdadi]

الف مبروك
أولا النجاة في الصدق
ثانيآ مقابلة عادية. اسمك , عمرك ,  دراستك, عسكريتك اذا خادم ... الخ
وسبب تقديمك على اللجوء

تحياتي

[عمر-السامرائي]

شكرا لكم

بانتظار باقي الاخوة

[Sound of Soul]

هاي بعض المواضيع عن طبيعة الاسئلة بالمقابلات ان شاء الله تستفاد منها اخ عمر

http://www.ankawa.com/forum/index.php/topic,294296.0.html

http://www.ankawa.com/forum/index.php/topic,636733.0.html