الكفالات الاسترالية نسبة القبول ..الوقت لاصدار القبول

[amar_del2007]

مرحبا اخوان بس حبيت من الاخوة انه كل واحد اذا مقدم على الهجرة الانسانية بكفيل اشوكت امقدم واشوكت دييجي القبول المبدئي والكيس  نمبر ...اني صارلي تقريبا اسبوعين وشوية ولحد الان ماكو شي ...ارجو من الاخوه المشاركة ولكم جزيل الشكر واكو نقطة ثانية هل الكفيل لازم يكون قريب درجة اولى او عادي صديق لانه هو اكو نموذج لازم يلتزم بتعبئته ونقاط القوة والضعف ما اعرف وين ...

[محتاج أفرح]

حياك الله اخي العزيز
انا قدمت عن طرق مكتب والكفيل من ابو المكتب قدمت نهاية الشهر الخامس واجاني الكيس نمبر نهاية السادس ولحد الان ما اجاني رد لا رفض ولا قبول وجاي انتظر لان يكولون زخم بالعاملات
ارجو من الاخوان يتفاعلون ويه الموضوع حتى نعرف اكو رفض او قبول وكم مدة التي تستغرق المعاملة
تقبلو تحياتي

[مصير العراق]

اخوي لاتعب حالك وتحسب اني سنة وشهرين وموافقة كاملة من شهر الثالث 2013 ولحد هسة والله يعين ويفرجة على الكل

[iabdalbaset]

السلام عليكم اخواني واخوات المنتدى الرائع احنا كفاله فورمات 842/ حصلنا على الفايل نمبر بتاريخ 10/18/2013 
واستلمنا الفورمه ثمانين بتاريخ 27/3/2014 
اللي دنسمع بلجديد من الناس اللي يقابلون بانه الطيران علينا  هل هذا الصحيح ام الكلام غلط لانه اللي انعرفه كله عليهم حالنا حال ابو اليؤن يكولون من تدخلون مقابله كولولهم الطيران علينا في سبيل التاخير لانه اذا السفر عليهم يصير تاخير ارجو من دخل مقابله ومن له علم بلموضوع ينورنا وجزاكم الله الف خير
اختكم من تركيا

[tur ankawa]

السلام عليكم اخواني واخوات المنتدى الرائع احنا كفاله فورمات 842/ حصلنا على الفايل نمبر بتاريخ 10/18/2013 
واستلمنا الفورمه ثمانين بتاريخ 27/3/2014 
اللي دنسمع بلجديد من الناس اللي يقابلون بانه الطيران علينا  هل هذا الصحيح ام الكلام غلط لانه اللي انعرفه كله عليهم حالنا حال ابو اليؤن يكولون من تدخلون مقابله كولولهم الطيران علينا في سبيل التاخير لانه اذا السفر عليهم يصير تاخير ارجو من دخل مقابله ومن له علم بلموضوع ينورنا وجزاكم الله الف خير
اختكم من تركيا

اخوية الهجرة مال كفالات  فلوس الطيارة ومصاريف الرحلة  عليكم  ومن تروحون لاستراليا الكفيل ينجزلكم المعاملات مال الرواتب ويكعدكم يمة لو ياجرلكم بيت  على حسابكم لحد ما يصير عدكم سنتر لنك  بينما اليو ان كلشي عليهم وتتكفلكم منظمة  الاي او ام  ع الطيران وبعدين تسددلهم المبلغ خلال 3 سنوات    ....

[مصير العراق]

بس اخوان اني عندي صاحبي طار من عمان شهر 6 من 2013 وكانت كفيلتة عمتة وكانت الاجرائات كلها على الاي او ام من طيران الى اخرة

[iabdalbaset]

السلام عليكم اخويه مصير العراق هل الولد اللي سافر من عمان عن طريق اليؤن ام عن طريق الكفاله للعلم اكو نموذج نذكر بي بانه الكفيل اذا يلتزم بلمسكن واجور وما الى ذلك احنا كتبنا الكفيل لا يتكفل باي شي يجوز الولد صديقك نفس حالتنا ارجو ان تنورنا وجزاك الله الف خير
اختكم من تركيا

[Bazbomb]

اخوان السفر عن طريق  الكفالة يكون الطيران عليك يعني السفر على حسابك الشخصي هاي معلومة مؤكدة 100/100 من الامكريشن الاسترالي وتذكرة الطائرة للنفر سعرها 900 دولار من تركيا الى استراليا تدفع نقدا

[kyky77]

اخوان نصيحة مجرب لحد يكتب بالفورمات الكفيل ميتكفل بشي او عندما يسئل بتلفون اوو بالمقابله ايظا لايكول الكفيل ميتكفل وانما خلي ايكول مستعد الكلشي لان صدكوني يرفضون المعامله ونتم بكيفكم ببعد

[شكوماكو]

بالعكس اخوية العزيز ابو يوسف هذه نصائح الى جميع المقدمين الى استراليا لكي يستفيدو من هذه المعلومة الله يبارك بيك حبيبي

[ام طلال]

مرحبا للجميع...

احنه مقدمين معاملة كفيل صديق زوجي عن طريق مكتب في الاردن اخذنا فايل نمبر 2013/6/7
بتاريخ 2014/4/2وصل ملفنه للسفاره بس لحد الان لن يتصلو بنا حتى نملي فورمات وﻻ متصلين بالكفيل مادري شنو الغريب باموضوعنا ومن اتصل بالسفاره انطيه رقم الفايل تنطيني كل معلومات ودكول ملفكم وصل عدنا بس حاليا متوقفه الاصدقاء بس معاملات الاقارب.....

بخصوص مبلغ الطائره سالت الموظفه كالت يكدر الكفيل ياخذ الكم قرض من منظمة iom وبعدين يسدد هذا الي فهمته منه

تحياتي للجميع

[kyky77]

اختي كفالة الصديق متوقفه والكل يعلم بهاذا الامر فماكو شي غريب وانما اصبح واقع هذه قوانينهم الجديده فقط من لديه اقارب يمشون معاملته على حسب الاصول مابيها نقاش

[amiral22]

شكرا لجهودكم الرجاء الرد
انا مسجل عن طريق اليوان تركيا 3 سنوات نزلي استيطان استراليا في الشهر الثاني
الشهر التالت دزيت فورم 842
الشهر الرابع اتصلت السفارة بي والمقابلة في 15 \4 2014
في نفس اليوم سوينا فحص طبي و بصمات وقدمنا فورم 80 وصور
السوال كان اسمي في رسالة الترحيب خطا ahmed و اسمي ahmad
اتصلت بي السفارة و قالت انهم سوف يعيدون ملفي الى استراليا من جديد لان هناك غلط في الاسم
ما هي المدة اللازمة لعودة الاوراق الى السفارة من جديد
هل انا مقبول و ما هي المدة من اجل الفيزا
و هل اجرات اليون نفس اجراات الكفالة
وشكرا لكم

[المهندس]

السلام عليكم اخوان ردت افيدكم بمعلومة لان اني يومية اتصل باستراليا
حاليا رئيس الوزراء الجديد مسوي حالة تقشف بالميزانية
واثرت على الاستراليين فكيف بحال اللاجئين\ واللي افتهمتة مقللين اعداد الفيزا الى النصف
 اما بخصوص الكفالة وحسب خبرتي المتواضعة بهذا الموضوع  اكو شغلتين تعجل بالموضوع الاولى  اذا كان الكفيل اقارب  والثانية اذا جان عندك توطين من ال يو ان اي مقبول ك لاجيء وبجميع الاحوال الحظ يلعب دورة .......... وحسب ما سمعت اكو اجراءات وقوانين جديدة راح تصدر شهر السابع لللاجئين مع العرض صار 3 اشهر مداخل اي لاجيء الى استراليا قانوني او غير قانوني حسب مصدر الخبر من اصدقائي في استراليا مع تمنياتي للجميع بالتسهيل والموفية



اخوكم المهندس

[kyky77]

السلام عليكم الفيز والميزانيه تنزل الشهر السابع اما تغير في القوانين في نهاية السنه او باية السنه اما صار 3 اشهر مداخل اي واحد الى استراليا معلومه غير صحيحه لانني اعرف شخصيا ناس دخلو صارلهم شهر وشهرين مع تحيات لك اخي الكريم

[hellousa]

كلام الاخ kyky77
صحيح100/100 ورجاء من الاخوة والاخوات لاتنشروا اي اشاعة تسمعوها

[SAMISO]

[/الاخ المهندس معلوماتك غير دقيقة لان اني البارحة حجيت وية 2 من اصدقائي باستراليا
اولا سالفة التقشف هو صح رئيس الوزراء اعلن عن اجراءات معينة لحد الان ما مبينة فكيف ماثرة على الاستراليين اذا لحد الان ما يعرفون شراح يسوي و كذلك بالنسبة الى اللاجئين اصدقائي اخبروني بانه الناس يتوقعون بانه سيكون هناك بعض الرسوم المطلوبة من اللاجئين في حالة مراجعة المستشفيات او ما شابه لكن لحد الان لا احد يعلم ماذا سيقرر رئيس الوزراء و عادة هذه الامور على حسب قولهم تصبح واضحة في الشهر السابع
و ثانيا من ناحية عدم دخول اي لاجيء  خلال 3 اشهر الماضية فهذا كلام غير صحيح لان لدي اتصال مع اشخاص مقبولين و مكملين فحوصات تم الاتصال بهم من قبل السفارة لغرض استلام الفيزا وهم اكثر من 4 او 5 عوائل لدي اتصال معهم لكن كفلائهم جميعا اقارب درجة اولى

[(Rose)]

انا سمعت من ناس في استراليا يقولون سن التقاعد رح يكون اكبر من 65 وكذلك ميزانية 2015 في احتمال ستة شهور المساعدات ياربي تكون غير صحيحه وياريت تزيدونا بالاخبار

[tur ankawa]

انا سمعت من ناس في استراليا يقولون سن التقاعد رح يكون اكبر من 65 وكذلك ميزانية 2015 في احتمال ستة شهور المساعدات ياربي تكون غير صحيحه وياريت تزيدونا بالاخبار

والله يااختي يعني اذا 6 اشهر واذا سنة  ترة استراليا اذا متشتغلون متكدرون تعيشون بيهة  ترة المساعدات يادوب تكفي لايجار البيت والفواتير الي يشتغل يكدر يعيش احسن حياة باستراليا  وكذلك امريكا وكندا تشوفين العايش على المساعدات  حالته تعبانة حتى البلدان مثل استراليا متحب الي ميشتغل وبالخصوص هذه الحكومة الجديدة  بس هم نكول انشالله ماكو هيجي خبر

[(Rose)]

حكومة الاحرار قدمت الميزانيه الجديده لعام 2015- 2016ومن ضمنها قطع راتب الضمان الاجتماعي لمن تقل اعمارهم عن 30 سنه بعد منحهم الاعانه بعد ستة اشهر علما انها تطبق على الكل وليس اللاجئ فقط حيث ان هنالك الكثير من الاستراليين يتقاضون رواتب الضمان الاجتماعي وحسب تعليقاتهم الحكوميه المراد من هذا القانون دفع الناس للعمل
علما ليس فقط من يستلم راتب الضمان سيتضرر هنالك شرائح اخرى من المجتمع ستتضرر بسبب الميزانية الجديده وحاليا مظاهرات واعتراضات من كافة شرائح المجتمع على الميزانيه وخصوصا الطلبه في الجامعات ضررهم سيكون اكبر من الميزاني

[(Rose)]

والله انا هذا اللي عرفته وانشالله يطلع موصحيح

[مهاجرين بلا حدود]

مع الاسف استراليا دتصعب الامور اكثر سنة بعد سنة

وين نروح ؟؟؟؟؟؟؟؟؟؟؟؟؟؟؟؟؟

[كارهه الدنيا]

سوال ياريت احدي يكدر يجاوبني عليه اذا رحنا تركيا وقدمت لجوء عاليو ان وخالتي باستراليا عدها جنسية وتتكفلني الشغله اكيدة اروح وشكد تطول تقريبا سنة لو اكثر ياريت احد يساعدني بالجواب 

[tur ankawa]

سوال ياريت احدي يكدر يجاوبني عليه اذا رحنا تركيا وقدمت لجوء عاليو ان وخالتي باستراليا عدها جنسية وتتكفلني الشغله اكيدة اروح وشكد تطول تقريبا سنة لو اكثر ياريت احد يساعدني بالجواب

الجواب .... تروحين تقدمين على اليو ان    وبنفس الوقت ترسلين  لخالتج معاملة الهجرة    مال استراليا  حاولي تتصلين على هذا الرقم 05398474265     عنده فايبر   وتتفاهمين ويا الولد مترجم   ذهب ويسوي المعاملة  اخوانه المسيح يعرفوه ومجربيه   بمحافظة اقصراي تروحيله او يسويلج المعاملة عن طريق السكايب  وهو يترجم ويصدق المعاملة بنفس اليوم    بس نصيحة  لازم تكتبيله القصة ونوع الاضطهاد  استراليا يرادلهة وقت وخاصة هسة   يعني تطول 3 سنوات ونصف   بس اكو ناس سافروا خلال سنة او سنتين  حسب القصة  

[كارهه الدنيا]

شكرااااا على الاجابة زين واذا بمصر اسرع لو نفس الشي ؟؟؟؟؟؟؟؟؟؟؟؟؟؟؟؟؟؟؟؟

[tur ankawa]

شكرااااا على الاجابة زين واذا بمصر اسرع لو نفس الشي ؟؟؟؟؟؟؟؟؟؟؟؟؟؟؟؟؟؟؟؟

عفوا   .... عيني  المقابلات في السفارة الاستراليا   واغلبهة واسرعهة في تركيا الاردن لبنان    بالنسبة لمصر  ماعرف اذا اكو  سفارة استراليا   وماسامع بصراحة بلكي الاخوان يساعدوج  

[كارهه الدنيا]

شكرا جزيلا على الافادة ربي يوفقك

[Zeus Greek]

ا

[akrammedo]

السلام عليكم اخوان  ممكن استفسار ارجو المساعده اني مقدم ع اليوان وسويت اوراق استراليه ومليت الفورم مالتي وفورم الكفيل علما اني الكفيل اخي يعني من الدرجه الاولى  كم يستغرق الوقت بملئ فوم 80 وبعد فورم 80  شنو الي راح يصير وكم هيه المده للموافقه النهائيه    ارجو المساعده 

 وهل اكو احد سافر خلال هاي الفتره لان كل الي قريته مقابلات بس ماكو احد سافر يعني هل هذه الخطوه اسرع ام اليون اسرع ياريت اتساعدوني 


تحياتي للكروب 

[layth saad]

اخي العزيز ... الموافقة المبدئية اي فورم 80 من شهرين الى سنه او اكثر بقليل .. بالنسبه للسفر نعم اعرف اكثر من عائلة سافرو عن طريق الكفاله وهذا الشي اكيد ... تحياتي

[layth saad]

السلام عليكم اخوان  ممكن استفسار ارجو المساعده اني مقدم ع اليوان وسويت اوراق استراليه ومليت الفورم مالتي وفورم الكفيل علما اني الكفيل اخي يعني من الدرجه الاولى  كم يستغرق الوقت بملئ فوم 80 وبعد فورم 80  شنو الي راح يصير وكم هيه المده للموافقه النهائيه    ارجو المساعده

 وهل اكو احد سافر خلال هاي الفتره لان كل الي قريته مقابلات بس ماكو احد سافر يعني هل هذه الخطوه اسرع ام اليون اسرع ياريت اتساعدوني


تحياتي للكروب

اخي العزيز ... الموافقة المبدئية اي فورم 80 من شهرين الى سنه او اكثر بقليل .. بالنسبه للسفر نعم اعرف اكثر من عائلة سافرو عن طريق الكفاله وهذا الشي اكيد ... تحياتي

[alean]

تحيه طيبه . شباب اني متزوج عندي جواز عراقي زوجتي عدها جواز عراقي وكرين كارت امريكي وابني عندها جواز امريكي فقط لان مولد بمريكا اكدر اروح لاستراليا عن طريق الكفاله وعندي كفيله تصير بنت خالتي يعني عندي حق اروح لاستراليا مع العلم ابني عنده جواز امريكي .. مع الشكر والتقدير 

[hellousa]

alean
خليك بموضوع امريكا هي اسهل ليك من استراليا  بسبب ابنك