السلام عليكم أخواني و أخواتي الطيبين
(اول شي اريد اشكر صاحبت الفضل الاول عليه ام شاهين لان اني جنت مأيس و ورجعت للعراق و هيه نصحتني بالرجعه السوريا و اشكر اخويه حسين الجبوري كلش و هو صاحب فضل عليه و ما قصر ويايه ابد و اني اتشرف معرفت الاخت ام شاهين و الاخ حسين الجبوري و فضلهم عمري ما انسى )
رح اجيلكم تفاصيل رحلتي من طئ طئ السلام عليكم
أول شي تفاصيل ملفي
اني مقدم على اليؤن سنة 2007 المقابله الاوليه حسب ما اذكر جانت ب
2007/6/7
بسنة 2008/9/5 قبلونه عل توطين
مقابلة المحلف جانت بيوم 2010/8/8
موافقه المبدأيه 2010/8/9
الفحص الطبي الاول 2010/8/17 حسب ما اذكر بس هيه لو 17/19 عذروني الموضوع صارله ثلاثت سنين
الفحص الطبي المره الثانيه 2011/9/3
الفحص الطبي المره الثالثه 2012/9/8
الفحص الطبي المره الرابعه و هوه جان فقط للوالده لان الوالده عده عمليه بضهرهة و حسب ما كالي أخويه حسين الجبوري و انو هذا الفحص لأجل يعرفوهة تكدر تسافر و جان حجيه صحيح 100٪100
و جان الفحص الطبي الرابع 2013/4/22 طبعن الفحص الرابع اجه من وكت مو كل سنه يعني بين الفحص الثالث و فحص الرابع بس 6 اشهر
طبعن الفحص الطبي صار فعال بشهر 2013/3/20 و احنه خابرناهم عل فحص و كالونه عليه وله همه ما خابرونه ورا تقريبن سبوعين خابرونه على موعد الفحص و راحت الوالده فحصت
اكتمال الأمنية 2013/4/25يوم الخميس
و موعد السفر بقه غير فعال لسبوعين
ملاحظه :
الفحص من فحصت الوالده بقه فعال المدت سبوعين و خبلني انو جانت الامنيه كملانه بس حالت السفر غير فعاله )
بس من كتمل الفحص الطبي ورا سبوعين بنفس اليوم بليل بال12 صار حالت السفر بالانتضار
2013/5/8كتمال الفحص الطبي
2013/5/9تحول السفر الى انتظار
2013/5/12تسليم صور
2013/5/22ستلام الفيزه
موعد السفر 2013/6/3
بسم الله الرحمن الرحيم
(تفاصيل رحلتي )
يوم 2013/6/3 طبعن اني اجرت شقه قبل يوم بالمزه صايره وره فندق الجلاء و سعر اليوم الواحد 7000 هو و الدلاليه
يوم 3 الساعه 6 ونص تجمع مقابيل الجلاء
و عدد الافراد الي ويانه جانو 50 نفر تقسمنه على باصين و الباص الثالث جان بس جنط
موعد النطلق الساعه 9 الوصول الى لبنان الساعه 10
و انتظرنه 5ساعات بعدين اطلقنه الى مطار بيروت وصلنه الساعه 5 تقريبن و كان موعد الطائره الساعه 8 اربع ساعات وصلنه الدبي
ثانيوم الساعه 8 ونص موعد الطائره الى لوس انجلوس 13 ساعه وصلنه و ستقبلونه الاي او ام طبعن هوايه سمعت انو الموضفيت الاي او ام تعاملهم مو حلو بس اني شفت العكس اي صحيح الموضف يصيح لانو هوه اجنبي و يحب باي طريقه يوصل المعلومه للي ميعرفون انكليزي بس اني شويه اعرف فه ما خليته يصيح و يتعب نفسه اني اصيح ابكانه لان جماعتنه اتكله جوخ يكلك جبن ههههههههه فه صدك يضوجون فه الجنبي يحجي و اني اترجم اني واني اول واحد كملت اجرأتي لان جان موعد طيارتي الأرزونا قريب كلش و خاف الموضف ان يفوتني طبعن الموضف فد حباااااب يعني اني اكو كلمات ما فتهمته هو يحاول انو يكللياهة بالعربي
طبعن وصلني الباب المطار بعدين جان تجي موضفه اي او ام ثانيه فد حبابه كلش اخلاق فول يعني تحاول بأي طريقه انو تساعدك حته ساعدتني بشيل الجنط و اني اكللهة لا متكدرين و هيه مصره انو تشيل ويايه
والله كملت من وزن الجنط كصيت تكت للرحلت ارزونا فينكس انطلقنه من مطار لوس انجلس الساعه 5:50 تقريبن تلترباع الساعة وصلنه الارزونا بعدين نزلنه من اطياره ما لكينه احد ينتطرنه اني احجي انكليزي شويه لان الجنط ما اعرف منين اجيبهن عاد سألت اجنبي كتله وين الكه الجنط ملاتي فه كلي اكو لافتات عل طريق انته و تمشي بالمطار يدلوك عليهن والله اني همين امشي و اباوع على الافتات و قبال ما اوصللهن جاااان الكه الموضف الاي او ام ينتظرني يم الجنط و اجه الكفيل همين ستقبلنه بس الموضف ما قبال انروح ويا لان كبال اخذنه على بيتنه
و هايه تفاصيل رحلتي كله و اني حاضر لاي سوأل
تحياتي
عمر سوريا سابقن
انشاء الله لجمييييييع الخواني الي بسوريا يسافرون يا رب امين امين
عمر امريكا ارزونا
