انشاء الله هذا الاسبوع خير

[تـًعـًبـًنـي حـًكـمًك ياًزمـًن]

صباح الخير حبايب كلبي اعذروني على الانقطاع المتواصل شوية بس مخنوك والله الفحص الطبي مالتي فعال صار  7 وماكو اتصال

 انشاء الله هذا الاسبوع خير على جميع الناس ادعي ربي يحفضكم ويسفركم بأسرع وقت ممكن انشاء الله

 بربكم الحياة بعمان مو ضوجة؟ كلش؟ وماكو شغل وماكو عمل؟ ولحد يكلي اليريد شي يلكاه جذب هذا المثل . صار يومين ادور شغل الصاحبي ماكو .

 اكيد انتو همين هسه ضايجين الله يصبر الي ينتظرون سنتين او ثلاث سنوات يبووووو شلون متحمل بس اريد اعرف ..

  ماريد شي منكم بس تدخلون تدعوون للكل وتطلعون

 تحياتي اخوكم عمر العزاوي

[الفرج2]

اخي الغالي عمر , يسعدني ان اكون اول المرحبين بك والدعاء للجميع بالخير والنجاح وتسهيل الامور , امين يا رب العالمين .

[الفضلي]

الاخ عمر انشاء الله السفر للجميع وباسرع وقت وبكل مكان وشكرا لدعائك لاخوتك العراقين

[تـًعـًبـًنـي حـًكـمًك ياًزمـًن]

اخي الغالي عمر , يسعدني ان اكون اول المرحبين بك والدعاء للجميع بالخير والنجاح وتسهيل الامور , امين يا رب العالمين .

  الله يستر عليك ويوفقك ياغالي وانشاء الله تسافر بأسرع وقت ممكن

[تـًعـًبـًنـي حـًكـمًك ياًزمـًن]

الاخ عمر انشاء الله السفر للجميع وباسرع وقت وبكل مكان وشكرا لدعائك لاخوتك العراقين

ياروح عمر انت انشاء الله السفر للجميع الله يسمع من حلكك ياغالي . العراقيين اخواني وادعيلهم دائما وربي

[الفرج2]

اخي الغالي عمر , يسعدني ان اكون اول المرحبين بك والدعاء للجميع بالخير والنجاح وتسهيل الامور , امين يا رب العالمين .

  الله يستر عليك ويوفقك ياغالي وانشاء الله تسافر بأسرع وقت ممكن

اخي وعزيزي عمر الورد , اني سافرت من زمان وانا الان في نيويورك ويسعدني والله ان اسمع بسفركم وبالفرج القريب العاجل لكم , لان هذه الامنيه هي لاخوتي وان فرحت لهم فبدون شك وبالتجربه سينعم الله على بتسهيل اموري في الدنيا والاخره , حب لاخيك ما تحبه لنفسك , وهذه هي اسمى المعاني التي يجب ان نطبقها قولا وفعلا والله على ما اقول شهيد ,, اشكرك جدا اخي العزيز الغالي على دعائك وفقك الله ورعاك بعونه وحمايته .

[ام راما]

صباح الخير حبايب كلبي اعذروني على الانقطاع المتواصل شوية بس مخنوك والله الفحص الطبي مالتي فعال صار  7 وماكو اتصال

 انشاء الله هذا الاسبوع خير على جميع الناس ادعي ربي يحفضكم ويسفركم بأسرع وقت ممكن انشاء الله

 بربكم الحياة بعمان مو ضوجة؟ كلش؟ وماكو شغل وماكو عمل؟ ولحد يكلي اليريد شي يلكاه جذب هذا المثل . صار يومين ادور شغل الصاحبي ماكو .

 اكيد انتو همين هسه ضايجين الله يصبر الي ينتظرون سنتين او ثلاث سنوات يبووووو شلون متحمل بس اريد اعرف ..

  ماريد شي منكم بس تدخلون تدعوون للكل وتطلعون

 تحياتي اخوكم عمر العزاوي

صباح النورر اخ عمر ان شاء الله يارب يكون خير على الجميع واعانك الله على بداية تحمل الانتظار كما اعاننا
لان بدايته كثير صعبه بس الي صارله خمس سنوات وسته تاقلم ويا الانتظار

اي والله ضايجيين ومالببن وتعبانيين وانهكتنا سنيين الانتظار

ولولا ايمانا بالله ما اعرف شكان صار بينا

الله يفرجها على الجميع ويسر امورهم

اختك ام راما
سوريا

[تـًعـًبـًنـي حـًكـمًك ياًزمـًن]

صباح الانوار اخت ام رما اعذريني على طرح الموضوع بس والله مخنوكين ولازم نعبر عن الي بداخلنه .. والله يكون بعونكم انشاء الله  ست سنوات مو قليله ضاع نص العمر بس الله نطاكم الصبر وهذا شي عضيم قله من الناس عدهم الصبر وهذا اعتبره هبة من الله كـ هدية للبني ادم الي يحبه . وانتو الله يحبكم والحمدلله على كل حال   .. اني نزلت الموضوع حتى الواحد يكتب ويرتاح شويه . انشاء الله اليوم يخابرون الكل  انشاء الله يارربي فرح قلب ام راما وفرح قلب جميع الاعضاء امين ياربي العالمين ...

 تحياتي عمر العزاوي

[Awsaws]

 ( الهم فارج الهم وكاشف الغم مجيب دعوة
المضطرين ، رحمن الدنيا و الآخرة ورحيمهما ، أن ترحمنىا فأرحمنىا رحمة تغنى
بها عن رحمة من سواك ))
وبارك الله بيك اخ  عمر وتمنياتي للجميع بالتوفيق

[ابو فرقان]

اسال الله العظيم الحليم المنان ان يمن علينا بالسفر العاجل يارب. سنين العمر تركض واحنة ننتضر .... تحياتي استاذ عمر

[Hasan&Yaseen]

انشاء الله خير على الجميع بحق محمد وال محمد

[احمدمالك]

انشاء الله خير هذا الاسبوع على كل انشاء الله يسهل امرك



احمد

[الخفاجي]

الله يسهل امرك وامر صديقي اخي عمر ويعجل بسفر الجميع ان شاء الله 0اخوكم محمد الخفاجي0 جرمانا0اوهايو

[ام اتنا]

ان شاء الله الايام الجاية جايبة النة اخبار حلوة ياربي اتمنى السفر والتوفيق لي وللجميع من اخوتي الطيبين
الله يسهل اموركم ويفرج هموكم يااااااااا الله يا سبب من لا سبب له

[سبيس]

ها خويه شو دا ارد

دتمسحه متعجبك لو شنو

رد عليه حتى افتهم منك


ابو الوليد

[ابو سماني]

الســـــــــــلام عـليــــكم ورحــمة الله وبــركــاته

أخــي عــمر الـووووووووووورد

كــنت في الغــربة أعـيش بحــالة مــليئة بالحــزن والالــــم أفكــر بالعــراق وكــيف

الحــياة الجــميلة والعــز والكــرامة والقوة بين أهلي ومدينتي .........

شــــــــــاء الله أن يرجــعــني إلى العــراق حــتى يــؤدبـني وأن لا أجحد النعـمة

نعــم كــنــت بلا عــمل ولســـت ميســور الحــال ولي عـائلة .....ولكـن الله لم

يشــعرني بفــقــر أو حــاجة كـان أكلي من أحسن مـا يكون ونشـــتري

أفضل مــا بالســـــــــوق....ولكن عيني على العراق عــدت إليــه حــتى صـدمت

وجدت نفسـي في غربة عــظيــمة وكــأنني في كــابوس أريد أن أفيق مــنــه دون جــدوى

لذلك أعــلم ســـــــــوء حـالك في عــمـان وقلة العــمل وووو..وو لا تســـاوي شيء

لاســـــــــامح الله إذا رجــعت..................

أمــا أخــي العـــزيز

بالنســـــــــــــبة للفحص الطــبي مــرتبط بالاجــراءات الامـنية

تم تأجيل فحصي الطبي الثاني لســــــــنة كـــاملة مع أنه تم الاتصال بي 3 مرات

على الفحص طــلبت التأجــيل شهر ....وبعدهــا تغييرت الاجـراءات

حــيث هم بلغوني الامــر أخــتلف والفحص سيــتم بالوقت المـناسب،

والوقت المـناسب كــان بعد ســنة

لذلك لا تفكــر بالامــر فالحــياة قصــيرة لا تســــتحق أن نضيعـها

في التفكـير بشيء لا يقدر عليه إلا الله


أســـــــأل الله أيســهـل أمرك ويرزقك من حيث لا تحتسب

تقـبل تحياتي
ابـو ســماني

[اجونة]

( الهم فارج الهم وكاشف الغم مجيب دعوة
المضطرين ، رحمن الدنيا و الآخرة ورحيمهما ، أن ترحمنىا فأرحمنىا رحمة تغنى
بها عن رحمة من سواك ))
وبارك الله بيك اخ  عمر وتمنياتي للجميع بالتوفيق

 +1

[تـًعـًبـًنـي حـًكـمًك ياًزمـًن]

بارك الله بيكم ياغوالي تسلمولي .. ادعي  الله ان يستجيب دعاء الجميع ياربي .. امين ... عمي ابو سماني الذهب . اني نزلت هذا الموضوع اليوم الساعه 3 الفجر . سبحان الله بفضل دعواتكم اتصلو بيه اليوم الساعه بال9 الصبح .. شفت شلون هلكد ماقلبكم طيب والدعاء جان نابع من القلب اتصلو بيه والحمدلله باجر عندي مقابله فحص طبي 

[ابو سماني]

بارك الله بيكم ياغوالي تسلمولي .. ادعي  الله ان يستجيب دعاء الجميع ياربي .. امين ... عمي ابو سماني الذهب . اني نزلت هذا الموضوع اليوم الساعه 3 الفجر . سبحان الله بفضل دعواتكم اتصلو بيه اليوم الساعه بال9 الصبح .. شفت شلون هلكد ماقلبكم طيب والدعاء جان نابع من القلب اتصلو بيه والحمدلله باجر عندي مقابله فحص طبي  

هــــــــــذا فضـــــــــل الله عــليـــك

بالـــتــوفـــــيق

ابـو ســـماني

[mhamed noor]

الله يفرجه علية وعليكم بحق محمد وال محمد

خوية اني من 2010 انتظر السفر بس والحمد لله صابر

[lionali2]

عسى الله يوفقك عمر وييسر امورك عزيزي. عمر انت غير منتظر الامنيه واستلمت المغلف ويانا لعاد شجاب الفحص الطبي. هل تقصد فحص ماقبل السفرعزيزي انت خابروك للتثقيفيه لو بعد

[Haider ALtaie]

مل الهﻻ بيك اخويه عموري الغالي ... ويسعدني رؤية تعليق اﻷخ العزيز ابو سماني ..ﻻن واللخ كشتاقين الكم وتحياتي لكم يا غوالي

اخوكم
حيدر الطائي

[saad alomrani]

لو يكون عنوان موضوعك معبرا عن جوهر الموضوع أفضل.
تحياتي...