( عشك الناس )
(فَذَكِّرْ إِن نَّفَعَتِ الذِّكْرَى)
حامد كعيد الجبوري
صلوا بكلبي دغش ... راضي و عشكت الناس
ركبوا أبفيل أبرهة ... وبابيلي ألهم جاس
عارفها قبلة بُطُل ... والدين دين أرجاس
أساسي مبني حجر ... وبساسهم نداس
مدري غشيم الطبع ... مليان كلي أحساس
مدري البشر مختلف ... ومسودن الوهواس
شايل بروحي نبي ... ولا أعرف الوسواس
كضيته عمري أبشرف ... وما زاغلت بالداس
أبيض ثياب ونفس ... من راسي حد الساس
للناس أبذل عمر ... وأحنيت ألهم راس
لا صافحت للردي ... ومديت ذله الطاس
شميت بيهم عفن ... وجروفي هيل وياس
عايش وشامخ جبل ... وشاهد ألي المقياس
هيهات سفح الجبل ... يصعد حدودي وداس
آنه العرفت الوفه ... بتاريخي جم نبراس
درس الصبر من علي ... والغيرة من عباس
****
