سنكل مان اخوية شلونك
قبل اشهر قريبة كلتلك انو الارقام الباقية بالاف بموضوعك تصحيح الاعداد المتبقية الي مكملين كلشي ومدري شنو كلتلك تقريبا باقي 20 الف كيس وافراد محد يكدر يعرف الا الي بيدهم الامر وهسه نشرو على المواقع الرسمية و شفتو بعينكم حبيبي سنكل رحمة لاهلك هذاك اليوم صعدت ويا ابو سايبا مع احترامي للجميع كالي اني مقدم هجرة اي او ام اذا وين ما اروح بالشارع بالكهوة على الرصيف بالكيا باي مكان اسمعهم يحجون بالهجرة واي او ام واميركا نص الشعب مقدم هجرة حبي واني اصلا ايست من موضوع السفر من حوالي شهر و اتوقع سفري يكون فعال بسنه 2016 يلا يوصلني السرة وكلت وحجيت انو ماكو لا امنيه ولا غيرها كلها مجرد تاخير لان ماكو فلوس تغطي هاي الاعداد وذكرت انو كل شخص يكلف الاي او ام حوالي 10000 دولار من تذاكر سفر و ولكم كاش مني وايجار شقة و كهرباء ومي وفواتير و مدكيت و فود ستامب والتاثيث و الى اخرة فيا جماعة صلو على النبي و انتظرو سراكم لان كل واحد عندة يوم يسافر بي حسب الفلوس والميزانيه وكلنا متحددة ايامنا وتواريخ سفرنا بس كل واحد حسب الفلوس المتوفرة وشوكت يجي سراه على اي اسنه مالية محسوب واني هسه ايقنت انو المحلف من ينطي قرار بعد المقابلة كلشي ميكتب بيها بس مجرد يكتب جملة وحدة بقرارة انو الشخص فلاف الفلاني يسافر على ميزانة سنه كذا وخلص والسلام عليكم
تحياتي
اخي العزيز هسه شحال لو ما كاتبلكم ملاحظة انه الرقم مو صحيح
لان انا متابع هذا التحديث الي يصير بالموقع مالتهم كل سنة و اعرف عن شنو دا احجي
و هسه باخر رد نزلت الرقم الي كان بسنة 2012
فهذا التحديث الجديد ابدا مو صحيح و غير معقول على الاطلاق
يعني انت تعقلها عندنا هسه 114300 لاجيء عراقي مقابلين محلف و محصلين موافقة مبدئية؟
رحمة لوالديك شوكت يسافرون ذوله؟ اذا امريكا بطلاع الروح العام سفروا اقل من عشرة الاف عراقي يعني على حجيك ينرادلنا بالقليل عشر سنين اذا من اليوم بعد مراح ياخذون كيسات جديدة
عمي حدث العاقل بما لا يعقل
و اعيد و اكول انا اتابع هاي التحديثات كل سنة و هالتحديث ابدا لا تنقعوني صحيح
تحياتي
