السلام عليكم
اليوم رحت لاعادة القسم وجانت الامور جدا طبيعية مجرد بس قسم وهذا هو .
طبعا المكان الدخول هو نفس المكان الي كال عليه الاخ العزيز ابن الحلة والي موضح بالصورة الي رفعها الاخ ابن الحلة.
بس طبعا لمن وصلت للمكان اكو فد عسكري ولد شاب رفض ايدخلنا (كان اكو اهواي عوائلة دا تنتظر بالبوابة ) من هذا الباب وكال اجتي معلومات انه ممنوع الدخول من هذه البوابة ,زين كنالة يابة شنو الحل كال لازم اتروحون ادخلون من جهة جامع ام الطبول طبعا يقصد من (بوابة الحارثية ) ورفض وما دخلنا وذهبنا طبعا للبوابة مال الحارثية ومناك دخلنا ,وطبعا والمفارقة انه احنا بعد دخولنا من بوبة الحارثية رجعنا الى نفس النقطة الي الولد رفض ايدخلنا منها والي هيه موجودة بالصورة الي رافعها الاخ ابن الحلة الذهب.
على العموم الحمد لله مشت الامور والمحلف كال قضيتك تحت المراجعة الادارية .
بالمناسبة ما تحتاج اي شي تاخذة وياك سوى الجوازات او اي مستمسك اذا امسلم الجوازات وكذلك طبعا طبعا الورقة مال المقابلة الي دزوها السفارة بالايميل .
تحياتي
