السلاام عليكم اخواان شلونكم
ركض ركض الحياة هنا وكل اسبوع اكول هل اوف مالتي اكتب موضوع وماكدر وميصير مجال
وهسه ساعه بال 9:15 بالليل ومع انو نعسااانه كللللش ومنايمه البارحه غير بس 4 ساعات
بس كلت الــــــــــــــــــه اكتب
هنا الواحد من يجي اباله فد شئ لااااازم رأسا يسويه لان جذب مال بعدين مستحيل
الي ميصير بوكته ميصير بعدين
ااي قبل شهر يمكن اشتريت سياره واخيراااا
بس قيمه الانترست هوايه 16% من قيمه السياره بالسنه .. وصارت على 5 سنين
ولو اني مرح ابقيها الى ان اكمل اقساطها ... ابدلها او اكدر اسوي شئ اسمه ري فاينانس من يصعد الكردت سكور التي
بهاي الحاله حيقل عندي الانترست الي هي الفائده
عبالي اكلب السياره وردي من جوه بس زوجي حلف ميصعدها اذا حطيت وردي بيها
مع انو جنت ناويه حتى لايتاتها اسويها وردي واحطلها رموش... بس زوجي تهستر من عرف بنيتي وحسيت الموضوع حيوصل للطلاك
خخخخخخخخخ... فهو هسه حيبيع سيارته ورح نرجع سياره وحده مره لخ الى ان يشتري هو الي يريده
ذاك الوكت عود اسوي الي اريده اني
طبعا احد الاعضاء دزلي رساله بخصور الدراسه .. بصراحه ماعندي ذيج المعلومات الموثوق بيها لان اني مفتت لهل مجال بعد
بس ان شاء الله من يصير عندي فكره واضحه اكتبها .. على الاغلب وره منحصل الكرين كارت بأذن الله رح ابدي اسأل بالموضوع
اني ماشيه بالشغل الحمد لله .. زوجي ضايج من شغله وديفكر بموضوع التكسي .. وبعد ماعرف
رح اخذ ورقه ملاها ولازم يروح يدفع تكاليف الموضوع بال80 دولار تقريبا ووراها يفوت بالسره
من تصير عدهم سياره ينطوه
من شروط التقديم هي ان ميكون عندك DWI
يعني مماخذ تكت انو انت شارب ودسوق
فوق ال18
كم حادث مسويه وصوجه
ممخترق قوانين
ان يكون عنده اجازه
وخبره بالسياقه
اي ..... الجووو حار ورطوبه حاليا .. بس بالنسبه الي عاادي .. لان اني قبل ما اروح لعمان جنت باللاذقيه فمتعوده على الرطوبه
ذيج الويك اند رحنه six flags مدينه العاب ... الدخول 50 دولار النفر
واتكدر تدفع 100 دولار النفر وينطيك دخول لمدة سنه والي هو يفضل طبعا
والالعاب جوه ابلاش ... يعني بس دخول جوه متدفع شي الا اذا بالمطاعم وهاي الاغمور بس كألعاب لا
طبعا احنه فتنه قجغ خخخخخخ رحنه ويه جماعه اصدقائنه
طبعا هاي اول مره اسوي شي غبر قانوني ... اني بالمدرسه مجنت اغش
مع انو احنه رحنه على اساس دنشتري الدخوليه بس اصدقائنه لحوو نجرب طريقه وجربناها وصارت اشو
بس تونسنه وسوينه برونزاج طبيعي ... احتركنه بالشمس
بس تونسنه ... وصعدنه العاااب مال مخابيل
مال واحد ضايج من نفسه ويريد ينتحر وميدري شلون
اي والحمد لله
تحياااتي الكم جميعا واشوفكم ان شاء الله
سوسو اسو
