الى متى ،،،،،،،،يبقى البعير على التل

[UN]

الى متى يا الاردن ،،،،،،،تظل هيج

ممننننننننوع على العراقييين دخول الاردن للي عندة اقامة بسوريا   ،،،،،، عجيب انتة خايف من العراقييين لو لازم تخاف من السورينننن واللًة عجيب ،،،،،،

امور غريب قضية والسورين اخوتنة وعلى راسنة بس اني قصدي اصاحب المشاكل ،،،،،،

بس اكو اللة ونطلب من الحكومة العراقييية ههههههه  تشوف جارة ترة راح احركة الهل جواز لالا ماحركة هسة خلية دنشوف مصيبت iom 


ياجماعة شنو القصة محد يشارك اريد مشاركة بهذا الموضوع وعن قصصكم لترك سوريا واللجوء الى اي بلد ثاني الى ان اللة يفرجها

un

[WhoAmI]

أخويا العزيز
اني من ضمن الطافرين من سوريا وجيت للاردن
طبعا جنصت بالشغلة
بس هذا الجنص ما اجى من فراغ
الا طلعت من دمشق على ماليزيا ومن ماليزيا سجلت على فيزة الاردن من سفارتهم هناك
وهمزين ربك قبلو الطلب وطلعت الفيزة ورا 10 ايام

وهمزين ربك مرة ثانية مرجعوني من المطار

بس اهلي بعدهم محصورين مثل حلاتك في سوريا
وبوقتها اضطروا يرحون للعراق وياخذون فيزة علاج (موافقة التقفيص اذا سامعين بيها)
وبالحدود الاردنية رجعوهم , وراها طبعا اضطروا يرجعون لسوريا

هذا الكلام صار في شهر 10\2011

تحياتي وشكرا للموضوع

[عديل الروح]

اخي العزيز بيوتنا بيوتكم تعالو للعراق وبيوتنا مفتوحه الكم ولكم بس الامان والامان من رب العالمين اني بالناصرية واي واحد مضايق او مهدد او معنده مكان هلا و مليون هلا بيه لاسوريا ولا اردن وانا عد كلمتي والي يتفضل مشكور ويجي يكلمني على الخاص وانطيه عنواني ورقم تلفوني واذا ميكدر يجي انا اروح اجيبه من اي مكان بالعراق حتى لو اروح للحدود استقبله اني مستعد وللعلم اني مو زنكين وهم مهدد بس الحمدلله بالناصريه العشيره هيه الي تحميك  وتحمي ضيفك من بعد رب العالمين وهاي الحسنه الوحيده بالعشاير ههههههه

[سبيس]

الله يعينك اخي صاحب الموضوع والله كريم اخويه ماضيج الا ان تفرج

حبيبي عديل الروح والله هذه شيمكم والتاريخ هو الذي كتب عنكم وعن كرمكم

فعشتم يا اهل ذي قار


ابو الوليد

[عديل الروح]

تسلم اخي ابو الوليد وهذا طبعا هاي شيم العراقيين كافه كل عراقي وعراقيه عدهم غيره وكرماء بس الوقت اذاهم بس بوقت الشده ينسون كل ظيم ويكونون ايد وحده وبيت واحد واللهم ارفع هاي الغمه عن هاي الامه والله اطيب شعب واكرم شعب وكلهم غيره بس جارت الدنيا عليهم