السفر الى هولندا

[kellercall]

السلام عليكم

عندي جم سؤال حول السفر و الاقامة في هولاند

طبعا اني كدرت احصل فيزا الى هولندا

اريد استفسر عن الايجارات و نوع الحياة و اللغة طبعا كلولي 90 بالمية يحجون انكليزي

ابيش الايجارات و اريد اطلع اقامة ( مو لجوء ) شلون اطلع اقامة عن طريف كفيل او مبلغ في المصرف

و هناك شلون التعليم يعني اولادي يكدرون ايكملون الدراسة الثانوية

و بيا منطقة تنصحوني اروح يعني من ناحية الاسعار مال ايجارات و سهولة العيش

و الشغل متوفر هناك

شكرا للمساعدة

[storm2000]

up

[احمدمالك]

للرفع والمساعده

[Awsaws]

اخي الكريم هولنده بلد جميل ونضامي جدا جدا  كل المناطق جميله اعجبتني مدينة دنهاخ اعتقد مبلغ الاستثمار600الف يورو الايجار حسب الغرف والمنطقه ولاكن عموما للعائله الوسط يتراوح من الف الى الف وخمسمائه الدراسه بالغه الهولنديه يتكلم اغلب السكان بالاضافه الى لغة الام الغه الانكليزيه تمنياتي لك بالتوفيق

[(ام جنات)]

السلام عليكم ...اخي بل نسبة للحياة ب هولندا حلو وهادئة وبلد نضامي كلش الناس كل واحد بحالة  شعب متواضع  الايجارات اذا عائلة البيت من 500 يورو وفوك حسب المناطق  الماء بل شهر تقريبا 30 يورو .الكهرباء  والتدفئة سوة 160 يورو الانترنت بل شهر 20 يورو  هاي الاسعار بل نسبة ل  اربع  اشخاص ..اذا عندك اطفال جوة ال 18 كل 3 اشهر راتب 195 يورو يسموه ..كيندر باي سلاخ..بل نسبة اللغة لغتهم حلوة واشوفهة سسسسهلة ونسبة اليحجون انكليزي كلش هواي بل نسبة للمصاريف الاكل وغيرة ..اللحوم هناك ارخص من العراق المخضر نص ونص اكو اشياء العراق ارخص بس هناك كل شي مرتب ونضيف المواصلات غاليه شوية بس تكدر سوي بطاقة تخفيض اربعين بل مية وتبقة صالحة لمدة سنة وسعرهة خمسين يورو بل نسبة للدراسة اذا اعدادية لازم بل بدايه مدرسة لغة وبعدين دراسة واني اعرف ناس اعمارهم بين ال 10 سنين و15 سنة لا راسن راحو دراسة وياهة تعليم لغة بل نسبة للشغل اكو بس مو يجي على المرام بل بدايه والمناطق انصحك لا تروح ب دنهاخ روتردام امستردام  لان ذني المناطق كلهة اجانب متلكة هولندين كلهة اجانب وهووووسة انصحك بل جنوب دنبوش .بوكستل.ايندهوفن جبيرة وحلوة ومتوفرة بيهة الجامعات والكليات والمدارس وبيهة عرب بس مو بكثرة المناطق الذكرتهن .سيتارد .هم حلوة وجبيرة ....واي سؤال اني حاضرة .ومن الله التوفيق

[kellercall]

اشكركم على الردود  بس بالنسبة للشغل شكد شهريا او اسبوعيا

و شغل متوفر لو صعب ايجاده شكرا مرة اخرى

و شلون اطلع اقامة في هولندا   عن طريق كفيل لو مبلغ في المصرف

[Awsaws]

طبعا اولا احي الاخ العمر كله لان معلوماته جدا دقيقه بس اني من قصدت دنهاخ قصدت اطراف دنهاخ عجبتني ثانيا حسب معلوماتي الاعمال المتوفره كانت  عمال مطاعم او مزارع او جرايد  توزيع اوبالات هي هاي اكثر الاعمال المتوفره واذا تملك صنعه مثل ميكانيكي سيارات فممتاز اعتقد ساعة العمل 8يورو الى10يورو

[kellercall]

اشكركم على التعليقات بس بلكت الي عندة معلومة عن الاقامة ايكولي شلون اطلع اقامة يعني كفيل لو  فلوس بالمصرف

و بالنسبة للتعليم ابلاش لو بفلوس 


شكرا