مهم مهم تسليط الضوء على على موضوع (( الزواج الثاني )) ومايطلبة iom

[UN]

السلام عليكم اخواني وخواتي ،،،،


موضوع مهم برائي وفي كثير مرو فية برغم من عدم طرحهم لهذة الامور بالعلن لكن ،،،

اليوم حبيت نسلط الضوء علية ،،،

الزواج الثاني ،،، واهم ما يمر فية من اجراءات مع iom 

طبعاا من تكون عندك موافقة وفد ومخلص وباقي على الامنية وحبيت انو تغير من ملفك وظيف زوجتك الثانية شنو الي راح يكون مطلوب منك ،،

ومدة الاجراءات وتفاصيل مسيرة العمل والعوائق الي راح يمر بيها الموضوع

نرجو المشاركة وابداء الرائ والجارب الشخصية ان وجدت مع الاسباب ان حبيت

عسى اللًة ان يكون موضوع يستفاد منة الجميع

[ام اديان]

للرفع والمساعده

[UN]

إخواني

الي يكدر يقدم أي معلومة.  نكون شاكرين آلة

حتى إذا يكدر يسال

أخوكم un

[sparky]

ليس لدينا للاسف اي اجابة
لكن افضل الحلول هو وضع السؤال مباشرة مع الاي او ام واللي راح يكون جوابهم رسمي وعلى ضوءه ممكن تتصرف وتتنور بالموضوع مال حضرتك

[Hasan&Yaseen]

ا خي   لازم متكللهم على زواجك الثاني ابد لان راح تنرفض فورا ، حاول اتخلي زوجتك اتقدم بصورة منفردة ومتذكر اي شي عن زواجكم وانشالله تلتقون اهناك ، امريكا ترة بلد مو اسلامي او قانونهم يمنع الزواج اثاني يعني الزوجة الثانية رسميا ماله اي حقوق بس انت تكدر   كدام السلطات  اتكللهم كيل فرند ماكو مشكلة حتى لو اكو اطفال بالموضوع ،عااااادي.

[um shaheen]

اخي العزيز
بما انك تنتظر فقط الامنيه ومكمل مقابلة المحلف ومازلت صامد في سوريا
سأتكلم معك بالاجراءات الممكنه لحل قضيتك


ولكني اؤكد على شي خاص جدا وهو ان تكون زوجتك الثانيه عراقييييييه
يجب ان يكون لديك مستمسك لورقة الطلاق من الزوجه الاولى
الاجراءات الممكنه
سوف يكون عندك اضافه زوجه وحذف الزوجه الاولى وكذلك اطفالك من الزوجه الاولى يتم حذفهم واضافة الاطفال من الزوجه الثانيه وهنا الاجراء الذي يتم بأغلب القضايا التي مثل حالتك هو
1- السفر الى رومانيا
2- مقابلة على الشاشه
وانا برأي الشخصي يكون المرجح هو السفر الى رومانيا لان بمقابلة الشاشه فقط تستعمل عند نقص بالمعلومات
وبما انه زوجتك الثانيه لم تكن حاضره بالمقابله الاولى فلهذا ترجيحي يكون على وجبات رومانيا
تقبل مروري
ويارب الفرج بالقريب العاجل لكل الصامدين
ام شاهين

[UN]

السلام عليكم

واللًة ان شاء اللة خير بس اللة اليستر اخوية اني شلون ما اكلهم واللة خبرتهم بس اني مطلق شنو يعني عادي همة كالو طلق وتعال وراح يتم اضافة زوجتك اتوقع الموضوع

ان شاء اللة عادي واذا مالنة نصيب فهاي قسمة اللًة واحنة راضين بيها

ومشكور على ردود كم

الطيبة 

[Saqar]

السلام عليكم اخواني وخواتي ،،،،


موضوع مهم برائي وفي كثير مرو فية برغم من عدم طرحهم لهذة الامور بالعلن لكن ،،،

اليوم حبيت نسلط الضوء علية ،،،

الزواج الثاني ،،، واهم ما يمر فية من اجراءات مع iom 

طبعاا من تكون عندك موافقة وفد ومخلص وباقي على الامنية وحبيت انو تغير من ملفك وظيف زوجتك الثانية شنو الي راح يكون مطلوب منك ،،

ومدة الاجراءات وتفاصيل مسيرة العمل والعوائق الي راح يمر بيها الموضوع

نرجو المشاركة وابداء الرائ والجارب الشخصية ان وجدت مع الاسباب ان حبيت

عسى اللًة ان يكون موضوع يستفاد منة الجميع

السلام عليكم
اخي العزيز
اني بالنسبة الي راح اكتبلك تجربتي وانشاء الله تكون ذات فائدة الكم
طبعا اني مكمل كل شي مقابلة اولى وثانية وفحص طبي ودورة تثقيفية ومستلم الدفرل لتر كلة في سنة 2011
وبعد هذا
اني انفصلت عن زوجتي قبل سنة ونص تقريبا يعني بداية السنة الي فاتت بداية 2012 وراها صادفتني ضروف صحية تعبانة ودخلت مستشفى بعده بشهرين وطولت بالمستشفى وجابولي قرار المحكمة مال الانفصال واني بالمستشفى
طلع من المستشفى تقريبا شهر سبعة اتصلو بيه المنظمة على اعادة الفحص الطبي بلغتهم يابا اني ترة اليوم طالع من المستشفى واجريت اكثر من عملية واخرها قبل كم يوم ولحد هسة اني حتى مارافع خيوط العملية واني مااقدر اجي بسبب وضعي الصحي وعلما انه اني منفصل بس مابلغتكم لان اجتني الاوراق واني بالمستشفى بعد ماكمله المحامي وانا صارلي 3 اشهر بالمستشفى كالولي اوكي دز ايميل بهاي التفاصيل وذكرتلي انه انت ترة راح تعيد كلشي من جديد كتله ليش عيني اني عندي شخص طلع من الملف مو دااظيف شخص للملف كالت هذا الي راح يصير
وانا الصراحة كنت بهذا الوضع حتى ايميل مااكدر ادز المهم تركت الموضوع الى ان استعاديت صحتى وقدرت ادزلهم ايميل وبلغتهم بيه انه اني نفصلت ورفقت قرار المحكمة بالانفصال واريد الغي زوجتي من الملف . وضلت سكته وماكو اي شي وراها اتصلو بيه يريدون تلفوناتها وحسب ميكولون دانصل بيه وهية مدتجاوب واتصور هية كانت متعمدة بالموضوع على مود بلكت توقفلي الموضوع المهم اشو جرت صفنة وراها
بعدها اتصلو على مادري شنو المهم الي افتهمت منهم بذيج المكالمة انه همة شايلين ابني همين من الملف فسالتهم يابا ليش كالو اي طلع وياها من الملف زين يابا شلون اني ماريد اطلعة هو الولد باقي وياية واني ماريد يطلع من الملف  كالو جيب قرار من المحكمة بحضانة الطفل فاتصلت بالمحامي مالتي وكتلة يابا سويلي  هاي مال الحضانة المهم الحمد لله كملت على خيير وحصلت قرار المحكمة بالحضانة مال الطفل

بعد هذا لكيت بنت الحلال وارتبطت بيه وكلت اني راجع راح اعيد اول وتالي وفعلا بعده بكم يوم اتصلو بيه على اعادة بصمات وكتلهم اني وابني كالولي لا لازم تدزلنة قرار الحضانة ومستمسكاته كتلهم ليش المستمسكات مو هية موجودة يمكم وهو الولد مقابل وياية كل المقابلات كالو لا مو احنة لغيناه فهسة لازم تدزلنة كلشي من جديد وترجع تضيفه من جديد ( يعني الي افتهمته منهم وكانه اضافة طفل جاي للدنية جديد) كتلهم اوكي لعد اريد اضيف زوجتي هم للملف كالو اوكي دزلنة عقد الزواج ومستمسكاته
اني دزيت من جديد قرار الانفصال  وقرار الحضانة وعقد الزواج والمستمسكات مال زوجتي وابني كلت ادز كلشي سوى بايميل واحد احسن ماهم يرجعون ويكلولي فلان شي ماكو
وراها خلال شهر الرابع الي فات دزو علينةمقابلة اولى طبعا بالايميل بس اني وزوجتي ماكو ابني دزيتلهم يابا شنو الفلم ابني نسيتوه لو شنو لو متريدوه لكونة مقابل قبل لو كونة طفل اجيبة وياي لو لا ؟
وجاوبنوي اذا عندك طفل حديث الولادة دزلنة مستمسكاته وجيبة ويام للمقابلة لمن دخلت تصورون المموظفة تكلي هاي مقابلة لاضافة الزوجة كتله وابني جان تكلي لا هو موجود بالملف ومكمل كلشي وياك بس الزوجة طبعا ضحكت كتله لعد ليش بس دوخوني المهم كتله يابا هذا الحجي وطبعا اني طابع كل الايميلات والمساجلات بيني وبين المنظمة المهم كملنة المقابلة ونطيته كل شي بخصوص الانفصال والحضانة والزوج ومستمسكات زوجتي
 وكتله ابني ؟ مايحتاج كلشي موجود
طلعنة برة وجان وراها بشوية تجي الموظفة تكلي عندك نسخة من مستمسكات ابنك كتله ها مو هو موجود طبعا مجاوبتني ومتعرف شتكلي هههههههههه
واني اصلا لي هسة دايخ
شهر الخامس وراها رحنة مقابلة محلفين
طبعا هية اصلا دزولي الايميل يكول مقابلة لاضافة الزوجة وهم نفس الفلم الايميل مابيه غيري اني وزوجتي وادزلهم وماكو جواب ولمن خابروني قبل المقابلة  ديريديون يغيرون الموعد
كتلهم يابا دقيقة اول شي شنو هية هاية المقابلة قلي اضافة الزوجة كتله حبيبي بس اني قبل شهر قابلت والموظفة كلتلي هاي المقابلة لاضافة معلومات الزوجة
فهاي شنووووووووووو يعني اولى ثانية سابعة ههههههههه المهم الجان يكلي ها صففففففففففففففففن الجان يكلي يعني انت متاكد مقابل كتلة لا دااتبلى عليكم هههههه المهم وسالته يابا شنو الفلم ابني هم ماكو بالايمل كلي انطيني مجال وراح ارجع احكي معاك
ولا الراح اجاني ولا رد الخبر ليه
المهم اني رحت على الموعد واني مااعرف اتغير الموعد لو لا لان اني احاول اتصل بعمان وماكو جواب واذا ايجاوبون ايكولون مانكدر ننطي جواب عن العراق وكملت المقابلة وطلعت محلفين
واني هسة انتظر جواب المحلف وانتظر الفحص الطبي لان صار قبل اسبوع عندي بالموقع فعال
هاي قصتي
قصة حزينة
واي سوال اني بالخدمة
تحياتي
اخوكم الصقر

[UN]

حمدلة على السلامةةة اولاا


ويارب تفرج امورنا جميعااااا   


وشكرااا على المشاركة وان شاء اللة تفرج

[UN]

شكرااا جزيلااا اخواني على مشاركاتكم

المشكلة انو الوضع بسوريا تعبان والمشكلة الانتظار القاتل

زين هل زوجتي راح تمر بكل المراحل الي مرينا بيها واني هم راح ينعاد كل شي الي لو شلون

وهل راح اطول سنين هل سالفة

رجاءء فيدوني طبعاا اني مكمل معظم الجراءات