مقابلة SIV في الامارات

[عبود العراقي]

شباب السلام عليكم

اني مقابلتي يوم 15/7/2013 في ابو ظبي ، منو عندة معلومات ، علما اني عندي فيزة زيارة سابقة لامريكا ام السنة وانتهب بشهر الثالث هاي السنة وزاير امريكا مرتين قبل ، هل هذا يسهل الامور

ارجو الي عندة معلومات عن هذا الشي يلغني مع الشكر

[ABUDHABI]

مقابلتك راح تكون بلسفارة بابوظبي بس مسألة تفيد او متفيد زيارتك الامريكا ماعندي علم بيها بس اكيد من صالحك والله يقدم الي بي خير

[الفرج2]

لابد وان تؤخذ هاتين الزيارتين لاميريكا بنظر الاعتبار ايجابا لمصلحتك وليس سلبا .
 هذا كل ما استطيع قوله , لان دائرة الهجرة وقياساتها لجودة الانسان غير محزورة على الاطلاق , نتمنى لك الموفقية والنجاح والفرج القريب العاجل بعون الله تعالى .

[alhindia]

أخي عبود المقابلة روتينية جدا، المطلوب منك تحضير كل الوثائق والمستندات الاصلية التي تم ارسالها الى الNVC (الريكمنديشن، رسالة ال HR، رسالة التهديد، الجوازات، هويات الاحوال المدنية وشهادات الجنسية، عدم محكومية من العراق، ومن الامارات ومن أي دولة سكنت بيها أكثر من 6 أشهر، قيد 57 لكل افراد العائلة، وشهادات الميلاد ان وجدت بالاضافة الى جميع الاستمارات الاصلية التي قدمتها الى الNVC مثل ال 157-230 والى اخره موقعة،  اربع صور شخصية حسب المواصفات المطلوبة في موقع السفارة والفحص الطبي)ز
بالمناسبة الفحص الطبي يتم من قبل عيادات معتمدة من قبل السفارة عليك الاتصال بهم عن طريق الايميل لاستلام الاستمارات من السفارة وأخذ موعد محدد من العيادة لغرض الفحص، ملاحظة الفحص قد يستغرق أكثر من يوم حسب اللقاحات المطلوبة وكذلك اعداد التقارير فمن الافضل حجز موعد العيادة قبل المقابلة باسبوع حتى يكون التقرير الطبي جاهز.
في المقابلة سيطلبون منك كل هذه الوثائق مع التقرير الطبي وأخذ البصمات وحلف اليمين على صحة المعومات في استمارة الDS230 ويعطوك ايصال بالتأجيل لحين اكتمال الاجراءات الادارية، حاول ان تحضر لهم كل ارقام التلفونات اللي بأسمك لاخر 3 سنوات مع الايميلات أيضا لانه راح يطلبوها منك.

[عبود العراقي]

مشكورين شباب على هاي المعلومات اني دا احضر كل الاوراق ولو صعبة من العراق بس دا اشتغل عليهة والباقي يم الله

[um shaheen]

اعتذر منك ماعندي جواب
دعائي لك
يارب يفرجها عليك بالقريب العاجل ان شاء الله
تحياتي
اختك ام شاهين

[yaziyazi]

شباب السلام عليكم

اني مقابلتي يوم 15/7/2013 في ابو ظبي ، منو عندة معلومات ، علما اني عندي فيزة زيارة سابقة لامريكا ام السنة وانتهب بشهر الثالث هاي السنة وزاير امريكا مرتين قبل ، هل هذا يسهل الامور

ارجو الي عندة معلومات عن هذا الشي يلغني مع الشكر

مرحبة اخي اني من حالك ومن الاقلية المقالبليين اس اي في من الامارات المقابلة جدا بسيطة واستفسارات عامه واذا عندك اي شي تكدر تراسلني على الخاص حتى نكدر نتواصل تحياتي وبالتوفيق.

[alhindia]

بالنسبة للاوراق اللي تحتاجها من العراق حاول تلكه أحد يمشي بالمعاملة مالتك أو محامي ثقه، اتسويله وكالة من السفارة العراقية بأسمه وضروري تذكر نوع المعاملة المطلوب يراجعها، واللي هي 1- شهادة عدم المحكومية. 2- صورة قيد 57. 3- شهادة الميلاد. 4-تأييد صحة أصدار عقد الزواج اذا انت متزوج.
بالنسبة لشهادة عدم المحكومية السفارة العراقية في أبو ظبي تعملك طبع أصابع وتكمل المعاملة وتسلمك ظرف مختوم من السفارة الى مديرية الادلة الجنائية. تاخذ الظرف مع الوكالة الخاصة اللي مذكور بيها نصا نوع المعاملة اللي يجب مراجعتها وصور من الجوازات وهوية الاحوال المدنية وشهادة الجنسية مع صور عدد 6 ويفضل نفس نوع الصور المقدمة بالفيزا وتبعثها بالبريد السريع على عنوان بغداد للشخص اللي راح يقوم بمراجعة هذه المعاملة واللي راح يحتاج الى 10 أيام تقريبا لاكمالها (2-3 أيام شهادة عدم المحكومية) (1-2 يوم لشهادة الميلاد) (1-2 يوم لقيد 57) (1-2 يوم ترجمة الشهادة وقيد 57) بالنسبة لشهادة عدم المحكومية تصدر باللغتين العربي والانكليزي فمتحتاج الى ترجمة.
ضروري اتأكد على الأسم بالترجمة يكون مطابق للأسم اللي بالجواز.
والله يسهلك ان شاء الله.