تفاصيل مقابلتي اعادة القسم اليوم 23-6

[$$$$$]

اخواني اليوم رحت للسفارة وقابلت اعاده القسم واللي شفته الاتي:
1- انتظار من ساعه 6 الى حد 8 ونص وكفة على الرجل بحيث رجلي مدا احس بيها هسه
2- يفضل طباعه الايميل مال المقابلة لان هذا اللبناني كام يتمضيك عليه يكلي وين تاكيد الموعد مال المقابلة كتله مدزولي بس هاي الورقة اللي كلنه دزولنياها مال حامل هذه الورقة لديه موعد مقابلة بتاريخ ..... . كلي منو يثبت اسمك ماموجود بهاي الورقة ولو مو شوية لزمت اعصابي من وره تعب الانتظار جان تعاركت وياه ورزلته بس الله ستر.
3- طبيت للمقابلة والقنصبل مستعجلة يله ارفع ايدك وعدت القسم اني وزوجتي وراها كلتلي هايهيه كتلها يمعوده الفيزا شوكت كلتلي اجراءات ادارية كتلها صحيح البرنامج ينسد 30-9 كالت صحيح كتلها اكو امل كالتلي دنحاول نصدر اكبر عدد من الفيز خلال الشهرين القادمين قبل لاينسد البرنامج واذا اكو اي شي احنه نتصل بيك
4- الشغلة المهمه اللي جذبت انتباهي اكو ولد قابل مثلي بالضبط من خلص كللها للقنصل الفحص الطبي مالتي اكسباير والعدم محكوميه هم كالتله اي ادري كللها اني عدتهن وجايبهن ويايه كلتله انطينياهن؟؟؟؟؟؟؟؟؟؟؟؟؟ بصراحه صارت بوجهي علامات استفهام من خلص الولد كتله انت شلون هيج سويت جان يكول اكو وحده بنيه كرايبي هم هيج سوت مثلي ووره اسبوع دزولها الفيزا هذا الحجي نقلا عن لسانه بصراحه دخت لان همه ماذاكرين بالايميل انه سويهن وبعدين عبارة صريحه انه لتجيب اي شي زايد او اي وثيقة غير مطلوبة
5- عدد الكيسات اللي قابلنه اليوم 4 كيسات منها عائلتين وبنيه وحدها وطفل جايبة ابو بصراحه ماعرفت شنو قصته
6-عدد الباقين اللي عددهم تقريبا 30 واحد كلهم فيزا عادية مال زيارة واعتقد اغلبهم دكولهم طوابع...
7- بالرجعه بالباص سالته هذا اللبناني اللي جيت اتعارك وياه اكو امل بالفيزا كلي كل اللي ديقابلوهم ماشية امورهم والا ما كان دزو عليكم لان مو الكل دزو عليهم هذا على لسانه

اي سؤال اني حاضر
تحياتي

[ابو سماني]

بالتــــوفــيق عــزيزي

الله يســهل أمـرك وأمــرنـا

تحـــــياتي
ابـو ســماني

[storm2000]

بالموفقية والسفر القريب

[المهندس71]

السلام عليكم

بالتوفيق اخي العزيز $$$$$ وان شاء الله يوم استلام الفيزا

ممكن تاكد لنا مكان بوابة الدخول من اي بوابة

شكرا

[yousef_basra]

اخي الكريم دولار بالتوفيق ان شاء الله

اخوك يوسف

[saad alomrani]

الاخ ابا سماني المحترم
ما تلاحظ الصور المرفقة مع مداخلتك الكريمة كثيرة جدا؟
تحياتي

[firas baghdadi]

للرفع والاطلاع

[$$$$$]

السلام عليكم

بالتوفيق اخي العزيز $$$$$ وان شاء الله يوم استلام الفيزا

ممكن تاكد لنا مكان بوابة الدخول من اي بوابة

شكرا

اخوية العزيز المهندس 71 حبيبي مكان الدخول واحد فقط ماكو غيره
اذا انت جاي من شارع المطار باتجاه المنطقه الخضراء فوك الجسر اللي كبال ام الطبول اكو سيطره تنزل يمها وهمه يوكفولك سيارة من المارة وتنزل جوه جسر القادسية هناك نقطه التجمع
واذا ما اندليت مثلا انت جاي من جسر الجادرية تنزل من النزلة اللي توديك على شارع المطار  اول صعده تلاكيك تصعدها تلكي السيطره نفسها
او من طريق اخر اذا انت جاي من حي العامل تستلم طريق المطار المؤدي الى المنطقة الخضراء بس تصعد الجسر تلاكيك نفس السيطرة تنزل يمهم وتراويهم الورقة مال المقابلة ولاتنسى اطبع الايميل اللي اجاك من السفارة حتى لحد يتمضيك عليك للتاكيد مو اكثر تحياتي واي شي تحتاج اني بالخدمه واذا ما اندليت هم اكدر اشرحلك بعد اكثر

[المهندس71]

السلام عليكم

الاخ$$$$$ ممكن تنزل صورة  الكوكل ايرث او احداثيات الكوكل لبوابة الدخول واكون ممنون

شكرا

[warda laith]

الف مبروك اخوية العزيز ... وان شاء الله السفر القريب بأذنه تعالى ...

[$$$$$]

السلام عليكم

الاخ$$$$$ ممكن تنزل صورة  الكوكل ايرث او احداثيات الكوكل لبوابة الدخول واكون ممنون

شكرا

[ابو سماني]

الاخ ابا سماني المحترم
ما تلاحظ الصور المرفقة مع مداخلتك الكريمة كثيرة جدا؟
تحياتي

كــثــيرة عــلى مــن لا يـقرئــهـا وينـتفــع بـهـا

وقليلة على مـن يبحــث على حكمه أو تذكره

أو حــديث أو قصة......

أذا كــنـت تكــره الامــر فلك خـاصية لا تراهـا في الأعدادات

تحــــــــــياتي
ابو ســماني

[s350thebest]

مبروك اخي وان شاء الله السفر القريب للجميع يا الله.

[jimjones]

الخبر اكييد مابيها مجال

يعني صحيح البرنامج ينسد 30-9

[$$$$$]

اشكر كل اللي باركولي وانشالله السفر القريب للجميع وتحياتي للاخ ابو سماني

[WhoAmI]

الاخ ابا سماني المحترم
ما تلاحظ الصور المرفقة مع مداخلتك الكريمة كثيرة جدا؟
تحياتي

كــثــيرة عــلى مــن لا يـقرئــهـا وينـتفــع بـهـا

وقليلة على مـن يبحــث على حكمه أو تذكره

أو حــديث أو قصة......

أذا كــنـت تكــره الامــر فلك خـاصية لا تراهـا في الأعدادات

تحــــــــــياتي
ابو ســماني

+ 11111
فعلا ابو سماني كلامك صحيح

[*Ray]

الف مبرووك وان شاء الله استلام الفيزا قريبا وبالتوفيق

[aboalawe]

الف مبروك اخويه وان شاء الله السفر القريب

[ابو فرقان]

الله يكون ابعونك عالتعب وان شاء الله تهون من تصدر الفيزا .... تحياتي
ابو فرقان

[Rain woman]

مبروك آمل أن نهج قريبا ونخلص






احنه هم حددو النه اعادة قسم بدون فحص او عدم محكومية

انتظار فيزا سنتين ونصف 


تحياتي

[امير البغدادي]

تحيه طيبه انشاء الله السفر للجميع بس ممكن انت على اى برنامج وشكرا

[المهندس71]

السلام عليكم

مشكور اخ $$$$$ على صورة الكوكل و التاشيرات عليها.

ممكن سوال على التلفونات وخصصوصا تلفوناتنا (النقالات) اغلبها بيها كامرات ونت وغبرها هل يسمحون بادخال التلفونات ومايمانعون ناخذها احد وياه تلفونة للمقابلة
وايضا اذا حقيبة سفر خفيفة معنا هل يسمحون بادخالها او وضعها في الامانات؟

شكرا

[$$$$$]

السلام عليكم

مشكور اخ $$$$$ على صورة الكوكل و التاشيرات عليها.

ممكن سوال على التلفونات وخصصوصا تلفوناتنا (النقالات) اغلبها بيها كامرات ونت وغبرها هل يسمحون بادخال التلفونات ومايمانعون ناخذها احد وياه تلفونة للمقابلة
وايضا اذا حقيبة سفر خفيفة معنا هل يسمحون بادخالها او وضعها في الامانات؟

شكرا

والله ياخويي اني بالنسبة الي ما اخذت تلفون للمقابلة وحتى المره هم ماخليتها تاخذ جنطه وياها بس شفت اكو ناس سلمو تلفوناتهم اعتقد التلفون عادي ياخذو وينطوك كارت بس الحقائب ماعندي علم بيها

[slam hawk]

مبرووووووووووووووك

[ابن الحله]

الف مليار مبروك و ان شاء الله يوم الفيزا و الحمدلله على السلامه

[$$$$$]

اشكرك اخوية ابن الحلة الورد واتمنى نتواصل اذا صار اي تحديث على الكيس بالموقع او اذا دزو على اعاده فحص او عدم محكومية  ومره ثانية اشكر كلمن باركلي وانشالله الكل تسافر شلع قلع

[المهندس71]

السلام عليكم

شكرا جزيلا اخ $$$$$ اليوم تعبت من المقابلة ومن الردود والاسئلة

ان شاء الله نتعرف على تطورات في الكيسات في القريب ان شاء الله

شكرا

[$$$$$]

اخوية المهندس تدلل وامانه بركبتك اي شي تحتاج ابد لاتتردد بالسؤال واجاوبك على اللي اعرفه انشالله تمنياتي الك بالتوفيق... بس لاتنسى تسال بالمقابله على اعاده الفحص والعدم محكومية بصراحه اني نسيت اسالهم عسى ولعل يكولولك عيدها ودزها

[yousef_basra]

اخي المهندس تكدر تاخذ وياك تلفون وتخليه بالامانات عدهم ماكو مشكلة

اخوك يوسف

[المقاتل]

السلام عليكم
اخوية $$$$$: بالنسبة لهذا اللبناني اللي كام يتمضيك عليك ماالة اي حق, لأنه مذكور حامل هذه الرسالة لديه/ لديها موعد في ملحق السفارة الأمريكية (الأزدهار) بتاريخ..............., اما الايميل اللي اجاك من السفارة ميذكر اي اسم من "Baghdad, IV" <BaghdadIV@state.gov> الى "Baghdad, IV" <BaghdadIV@state.gov> وبدايتة Dear applicants.
اما بالنسبة للدخول فيوجد مدخل ثاني من جهة ساحة النسور حسب الايميل وكذللك دخولي منه قبل اسبوعين لأضافة طفل لملفي في الIOM
لذا يرجى من الاخوان تأكيدان هذا المدخل موجود من عدمه؟
وشكرا.....................................................................

[ALBERT.]

اخي المقاتل....

أرجوا ان توضح لي مدخل ساحة النسور لان والدتي لديها مقابلة فيزة زيارة  بعد يومين...
وممنون مقدما

[الحـلم الوردي]

الاخ ابا سماني المحترم
ما تلاحظ الصور المرفقة مع مداخلتك الكريمة كثيرة جدا؟
تحياتي

+

[Nora911]

اخي العزيز المدخل من ساحه النسور يكون باتجاه جسر القادسيه ... بس ما تصعد الجسر اكو الشارع الي مسدود بصبات كونكريت  يعني تنزل قبل ثصعده الجس وتكمل مشي ... هو هذا المدخل يكون جوه الجسر مال القادسية وانت جاي من ساحه النسور وطبعا اكو اليات للجيش تشوفهم ورقه المقابله وتدخل من بين الصبات ...

[$$$$$]

اخوان ظل مدخل وحيد مضمون ماكو غيره اللي هو من السيطرة فوك الجسر اللي كبال ام الطبول باقي المداخل ابد مو مضمونه مرات يفوتوكم واغلب المرات لا مايفوتون وانتو بكيفكم بعد