السلام عليكم.... موضوع في غايه الاهميه ودائما منسمع شخص يسأل على المساعدات واشكد ينطونا واشكد نصرف واشكد الاكل
ونصيحه لكل شخص انه ليعتمد على المساعدات الي ينطوها الهم لانه ابنفس الوقت هيه (ذله) لانه تبقى مربوط بيهم ولازم اتكمل كذا ساعات بالمدرسه لو نكطع عليك المساعدات علما ان اغلب المنظمات الي موجوده في امريكا هيه انسانيه للمشردين في بلدهم امريكا( الهوم ليس) واذا تبقون على المساعدات فمن المستحيل انه اطور نفسك في كل شي وكانه انته عاله عليهم...وشخصيا اعرف ناس راح ياخذون الجنسيه وبعدهم على المساعدات ولحد اليوم همه متعلموا اللغه الانكليزيه ومن تسالهم ليش متشتغلون ايكولون هااا مو ايكطعون الولفر علينا!!!! واكو ناس هم شخصيا اعرفهم تركو المساعدات واشتغلوا وكونوا نفسهم واتعلمو لغتين الانكليزيه والاسبانيه والله وفقهم والحمد لله....فنصيحه لحد يعتمد على المساعدات واكو منهم ايخاف لتنكطع عنه ... اخوان اتوكلوا على رب العباد منكم الحركه ومنه البركه والله ايوفق الجميع واسف على الاطاله....
فعلا عاشت ايدك على هذا الكلام
فعلا الناس الي تبقى علمساعدات كلشي متتعلم وتبقى عايشه بذله
والحلو ببرامج المساعدات تكون محسوبة علكدر بالضبط واقل مايكون
يعني مستحيل يكدرون يوفرون منها اي شي وهذا هو القصد
حتى يدفعون الناس الى العمل وتطوير الذات.
تحياتي
