اخوني الطيبين اكو مثل حالتي تاخر فحص الطبي

[الامل]

احبتي الطيبين  اني قابلت بشهر -11 -2012 محلفين والحمدلله كانت النتيجه موافقه والكن لحد الان لم يتصلو علي ...لا فحص طبي ولا تصلو على الكفيلي  صار ثمانية اشهر لا حس ولاخبر ...اكو هيج حاله مثل حالتي ....وكل ما اتصل عليهم الجواب الامنية لم تكتمل

[DR.ENG]

ما بيدنه غير انه نصبر حتى لو عرفنه اكو خلل ... كل اللي نكدر نسويه نبعث ايميلات ومنعوفهم يهملون ملفاتنه

تحياتي

[الفضلي]

انشاء الله يتصلون بك قريبا علي الفحص الطبي وبعدها السفر

[الامل]

شكرا الى الاخوة الذين ردو على الموضوع والكن معقوله اكو احد مثلي لاحد الان ما تصلو عليه على فحص ولا منزلين الولايه كل هاي المده ارجو المشاركة من لديه اي معلومه 

[احمدمالك]

انشاء الله يتصلون بيك على الفحص ويسهل امرك احنه ماعدنه غير الصبر



احمد

[الامل]

شكرا اخي احمد وشكرا على مشاعرك الطيبه بس والله اني بس اريد اعرف ليش لحد الان ما تصلو على فحص يمكن هذه حالتي اول حال في الهجره

[أبو الحكم]

اخوية بس سؤال الله يخليك شنو علاقة سؤالك للمنظمة بالفحص الطبي والاتصال بالكفيل بجواب الامنية ولحد يجي يكلي من تكتمل الامنية يتصلون بي على فحص طبي لان ماكو هيج شي لان اني واحد من الناس فحصت قبل مقابلة المحلف وبالقليل جانوا ويانا يمكن فد خمسين كيس , اخوية ارسل ايميلات للمنظمة كلهم بلهجة شديدة شنو علاقة الامنية بسؤالي عن الفحص الطبي واذا جاوبوك امنية كلهم شنو الربط والعلاقة بين الامنية وبين الفحص الطبي والاتصال بالكفيل

ولو ميحتاج يجي احد يكلك من تكمل الامنية يتصلون بالكفيل وتفحص فحص طبي لان انت موافق عليك المحلف والمفروض من يروح اسمك للتجيكات الامنية مع موافقة محلف واكتمال المقابلة بالموقع تروح للفحص الطبي وبعدها دورة تثقيفية وتتوكل على الله وتسافر

اما موضوع تأخيرك فحسب رأيي اني هو تاخير من المنظمة ومفاضلة كيس على كيس اخر والواضح من كلام حضرتك انه انت تنتظر وبس , اخوية لاتعتمد على المنظمة في موضوع سفرك واريد الكل تفهم شغلة مهمة جدا انه اللاجي ماممكن ماممكن ينتظر تجييكات امنية لسنين طويلة وهاي كلها امور ادارية وخلل من المنظمة بسبب الضغط واللود اللي خلتهم بي امريكا من سمحت لهيج اعداد هائلة بالتقديم على منظمة الاي او ام يعني بين قوسين مثل الورطة , اخوية راسلهم لان الظاهر انت معتمد عليهم ومنتظر شوكت يتذكروك ويتصلون بيك وهاي السالفة من هسة اكلك راح تطول سنين اذا تظل هيج , ارسل ايميلات واطلب توضيح مباشر عن علاقة الامنية بالفحص الطبي والاتصال بالكفيل وهذا من حقك ترى ولاتخاف من شي وخلي كلامك يكون شديد اللهجة واطلب حجة اقناع بين التجييك الامني والفحص الطبي لان اكو ناس ترى فحصت ثاني يوم من بعد المقابلة الاولى تدري لو متدري بهيج شي , زين هذولة هم عدهم تجييكات امنية ؟؟؟ وهذولة ليش اانتظروا مثلك تجييكات امنية ؟ هذا الكلام يثبت صحة كلامي ولتكول يمكن اني اختلف لان اني محصل موافقة محلف ويجوز اللي محصلين موافقة محلف ينتظرون التجييك الامني يلة يفحصون راح اكلك ماكو هيج شي لان موافقة المحلف نعمة لك ونهاية الكيس والباقي اجراءات ادارية فقط وليست نقمة موافقة المحلف حتى تخليك تنتظر هيج مدة .

اخوية راسل وراسل واهم شي اكتب بعنوان الايميل اسمك كما ترسله لك المنظمة ورقم الكيس واستفسار وطلب توضيح بين سؤالك عن الفحص وبين الاتصال بالكفيل وعلاقتهم بشيء امني لايمت لهم بصلة .

ولاتخليهم يمشون براسك اجراءات ادارية حتى همة يرتاحون ويخبنون الكيس مالتك خبن ويسووها كلها مرة وحدة يعني ينتظرون تجييك كامل وبعدها فحص وبعدها دورة ويسفروك لان ماكو هيج شي ابد كل مرحلة بالكي المفروض تاخذ وقت قصير والامور تجري تباعا وليس على مزاج المنظمة , ومن تلح عليهم ترى تحصل موعد فحص طبي واخذها من اخوك , وظل لح على الاتصال بالكفيل وهسة هم يتصلون بي وان شاء الله السفر العاجل لك ولجميع المقدمين للجوء

احبتي الطيبين  اني قابلت بشهر -11 -2012 محلفين والحمدلله كانت النتيجه موافقه والكن لحد الان لم يتصلو علي ...لا فحص طبي ولا تصلو على الكفيلي  صار ثمانية اشهر لا حس ولاخبر ...اكو هيج حاله مثل حالتي ....وكل ما اتصل عليهم الجواب الامنية لم تكتمل

[الامل]

تسلم اخوية جار الانتظار وانشاء الله راح ابلش بيهم كل اسبوع ابعث اميل وشكرا على الشرح الوافي وتعبك معاي بارك الله بيك وانشاء الله يوم تفرحنه بسرفك اخويه الغالي

[The Duke]

الاخ العزيز صاحب الموضوع:
الاجراء الطبيعي هو اجراء الفحص الطبي بعد مقابلة المحلف بنفس الشهر يعني اني من انهيت مقابلة المحلف سولي الفحص الطبي ثاني يوم اما بخصوص الاتصال بلكفيل فيكون بعد شهر من اجراء مقابلة المحلف هذة هي الاجراءات الطبيعية واللة واعلم.

[الفرج2]

الله يفرجها على الجميع .

[الامل]

شكرا الى الاخوه الاعزاء وشكرا على دعائكم ربي يفرجه على الجميع  اليوم خابرتهم ونزلت عليهم حجي وكتله للموظف شنو علاقة الامنيه بالفحص ضل يتلعثم وكال من يصير على الموعد نخابرك كتله هسه اني شراح اسوي  شلون كال احنه راح نسجل ملاحظه عدنا  كتله شلون استفسر كثر من ملفي كال تعال الخميس وتكدر شوف ملفك وانهيت المكالمه مارايكم اخوان شراح اسوي وياهم  

[الفرج2]

شكرا الى الاخوه الاعزاء وشكرا على دعائكم ربي يفرجه على الجميع  اليوم خابرتهم ونزلت عليهم حجي وكتله للموظف شنو علاقة الامنيه بالفحص ضل يتلعثم وكال من يصير على الموعد نخابرك كتله هسه اني شراح اسوي  شلون كال احنه راح نسجل ملاحظه عدنا  كتله شلون استفسر كثر من ملفي كال تعال الخميس وتكدر شوف ملفك وانهيت المكالمه مارايكم اخوان شراح اسوي وياهم  

اي ان شاء الله يوم الخميس يصير خير وتفرج .

[the_skull_of_raziel]

الله يكون بعونك وبعون الجميع يارب