قبل كم يوم اتصلت بعائلة التقيت بيهة باعادة الفحص الطبي للعلم هم ويانة مقدمين وكل مقابلاتهم واعادة الفحص الطبي جانت ويانة
اي فلمن اتصلت بيهة عبالهة اني سافرت ورحت كلتلهة لا والله ابشرج بعدهة الطابوكة نايمة وكلتلي هي طلعت صالهة فد شهر اعتقد سافرت وية زيارة الامام موسى الكاظم وتكول ازدحام جان وكوة وصلنة
سفرهم لولاية شيكاغو
هاا وذكرتلي ان بالفحص الطبي اللي سوينا بشهر ال 11. 2012. ان الموضفة كلتلهم شكو واحد يسوي فحص طبي يطلع بغضون فترة تسع اشهر بس ما صدك هالشي اني اكيد تقشمر
وهم عادي جانو مثل اي مقدم ع الاي او ام مايسين من السفر واربع وعشرين ساعة ينكنكون شوكت نسافر وشوكت. بس المهم الحمد لله هسة سافرو وتكول يخبل المكان وحياة غير شكل والله يفوتة اللي ميجي تكول اني حاليا يلة عشت حياتي دا احس بكلشي واحمد ربي واشكرة على هالنعمة اللي متتعوض
بس بتهة تكول ليش اجينة شعدنة هنا كلتلهة بس خلي تداوم مدرسة وتكوم هي تتمنة مترجع.
وحاليا دتتعلم سياقة وقدمت هي وزوجهة ع معهد مال الانكلش بدال الدورات اللي حطتلهميا المنضمة لان بعيدة وتكول هي بفلوس بس مدام هم لاجئين فبلاش والحمد لله ع كلشي
بس فد شي يضحكني كلتلي اكو وحدة جبيرة بالعمر هي وزوجهة ايضا قابلناهم بالفحص الطبي يعني عمرهة بالخمسينات هي عدهة اتصال بيهة تكول محضرة الجنطة مالتهة من هسة ومتقبل تسوي اي شي وململمة عراضة تكول ااف يطلعلنة موعد سفر ومنلحك نلم وهي بس تتبجبج تريد تطلع ولعبانة روحهة خطية الله يساعدة ولا تقبل تشتري اي جهاز او اي شي وهي ع هاي الحالة من العام صدك دمرونة الاي او ام
