بعد اكتمال الامنية معدل الفترة شكد ويتصلون على موعد سفر؟؟؟؟

[fularedrose]

السلام عليكم
اريد اعرف من اهل الخبرة يجاوبوني
الفترة شكد ويتصلون على السفر هسه اني اكتملت الامنية من 14 - 6 - 2013 وبعدين صارت 19- 6 -1013 السفر بالانتظار ولحد الان ماكو اي اتصال او ايميل حتى دورة تثقيفية ماكو هاي شي عادي لو اكو شي مع العلم احنا قضيتين وما اعرف اذا كان الربط قوي او ضعيف بس القضيتين مكتملة الامنية والسفر بالانتظار
IZ-113+IZ-112

[um shaheen]

الف الف مبروووك
الفتره تكون قليله بس للتاكيد اما الاتصال بعمان او ارسال رساله علمود تسلمون رساله الترحيب بامريكا وجدولة السفر للاطمئنان ولو بأعتقادي بأي لحظه رح يتصلون على موعد سفر ويارب تكون بالسريع العاجل
تحياتي
اختكم ام شاهين

[fularedrose]

الف الف مبروووك
الفتره تكون قليله بس للتاكيد اما الاتصال بعمان او ارسال رساله علمود تسلمون رساله الترحيب بامريكا وجدولة السفر للاطمئنان ولو بأعتقادي بأي لحظه رح يتصلون على موعد سفر ويارب تكون بالسريع العاجل
تحياتي
اختكم ام شاهين

شكرا ام شاهين على الرد يعني ادزلهم ايميل اشوف شنو القصة ؟؟؟

[um shaheen]

نعم ترسل اميل وعندما يأتي الرد يكون بجدوله السفر والترحيب بالولايات المتحده وتطمئن اكثر اني بصراحه بالنسبه لملفنه استلمت رسالتين بجدوله السفر يله فكيت منهم ياخه لان مرات يكون زخم على الحجز فيصير تباطؤ بالاتصال بالتبليغ بموعد السفر
من تستلم رسالتهم تكون مطمئن اكثر ويارب يتصلون بيكم قبل ليوصل الجواب وترتاح
تحياتي
اختكم ام شاهين

[alialiali10099]

مبروك ويوم ان شاء الله موعد السفر

[برنسو]

الف مبروووووووووووووووك اكتمال الامنية ... وان شاءا لله قريبا جدا يتصلون يكم على السفر او ربما الدورة التثقيفية. وممكن تسافرون بلا دورة تثقيفية الامر طبيعي جدا خاصة اذا مو من بغداد.


تحياتي ..... برنسو

[fularedrose]

اشكر مروركم وكلماتكم العطرة
اني من بغداد فيعني اكو دورة تثقيفية   ودزيتلهم ايميل اليوم والله كريم اشوف شوكت يردون والله تعبنا من التفكير والانتظار

[fularedrose]

ام شاهين الوردة
اني دزيتلهم ايميل البارحة والحمد الله استجاب دعائج قبل ما يجيني الرد اليوم اتصلوا بيه وحددولي موعد سفر 17-7 الحمدلله والشكر