اخوان مساعدة رحمه الله والديكم SIV

[iraqi 64]

 قبل كم يوم اجاني ايميل اعادة استمارة وموعد للقسم بس اكو شغلة محيرتني اننا عائلة مكونة من 6 اشخاص وقابلت بتاريخ 10-1-2011 وبعد طول الوقت تزوجت احدى بناتي وقد اخبرت السفارة والمنظمة وال  NVC  بان يرفعوا اسم ابنتي من الكيس ,وقد جائني رد منهم ويشكروني على ابلاغهم , ولكن تفاجئت يلايميل اعادة الفحص مذكور به اسم ابنتي ولها رقمها الخاص والعدد بعده 6 اشخاص ولم يغير مادا افعل هل اراسلهم مرة اخرى او لا بصراحه همه يريدون اي شئ حتى يعطلونه ترست الاستمارات كاملة بضمنها استمارة ابنتي لان تعرفون ال DS 260 لا تتجزء او بالمقابلة اخبرهم انها تزوجت وقد اخبرتكم بذلك والله كريم اريد رايكم فهذا يساعدني رجاء وشكرا.

[yousef_basra]

اخي الكريم العراقي

السلام عليكم ورحمة الله وبركاته

اخي الكريم بصراحة السفارة جاي تحاول تنجز الملفات المتأخرة باسرع وقت ولذلك هم جاي يدزون اعادة استمارة وقسم للجميع .. ومن هذا المنطلق توجد هناك اخطاء من قبل السفارة وهذه الاخطاء يعترفون بها ويتفهمونها ولا داعي للخوف بأمكانك ارسال ايميل وابلاغهم بالقضية وفي نفس الوقت يمكنك ابلاغهم بذلك في وقت المقابلة وان شاء الله تسير الامور على مايرام .


اخوك يوسف البصراوي

[repentant]

السفارة تتقبل الصراحة من تقابل اتخبرهم بالموضوع ...........وخلي بنتك تاخذ الفيزة وتنطمغ بجوازها افضل من لا شي حتى لو ما اسافر

[sparky]

طالما انت حين تقديمك المعامله مال العائله - الله يحفظهم السته - ومن ضمنهم كانت ابنتك - الله يحفظها ويستر عليها ويقرر عينك باطفالك - فان السفاره مهمتها اكمال قضيتكم للاخير واعتمادا على ماقدم

بمعنى اخر البنت لم تكن متزوجه في وقت عملت المقابله مال السفاره والان الحمد لله هي متزوجه فقانونا يحق لها الفيزا لان الذنب لم يكن ذنبكم فحين قدمتم كانت غير متزوجه والان وبعد مرور السنين هذه فقد تزوجت

نفس الشيء حصل بشان شخص قدم وقابل وكان ابنه 20 سنه وحين حصوله على الفيزا والموافقه فقد كان ابنه عمره 21.5 سنه وكان قلق انه ربما راح يفصل على كيس اي او ام ابنه ولوحده ولكنه وجد ان ابنه حصل مع بقية العائله الفيزا وسافروا والله يسر امورهم جميعا وندعو للجميع بالتوفيق

لكن اذا بنتك ليست مهتمه بالسفر فهذا موضوع اخر لانتكلم فيه لان القرار اولا واخرا عائدا اليكم انتم كعائله واحده

اذن قانونا يحق لها الفيزا ولهذا هم لم يخطؤوا بل عملوا اللازم والصحيح وبعدين البنت ممكن تعمل لم شمل لزوجها والله يستر عليها وتخلفلك بعد احفاد 6 باذن الواحد الاحد الفرد الصمد

[روي المترجم]

اخوية العزيز اتوكل على الله وروح للسفارة قابل وخلص كل 260 واذا اتريد ما اتخلص مال بنتك هم عادي يعني اتكمل مالاتكم واتعوف مال بنتك تاخذ كل الكومفرميشن وياك للمقابلة واتكول الهم بنتي ازوجت وما اتريد اتسافر
تحياتي الك ولايكون بالك مشغول الشغلة سهلة ان شاء الله

[iraqi 64]

السلام عليكم والله اخوان انتم تحسسون الواحد بانه فعلا ديتكلم ويه اخوانه وخواته اللهم ديم هل الاخوة والمحبة اشكركم على هذه الردود الجميلة اشكر ( روي المترجم  , Sparky و الاخ الطيب  , repentant ,yousef basra )  المشكلة الان بنتي حامل وخاف يعطلون الكيس كله على هالشغله, اني راح اروح للمقابلة واخذ تواريخ الايميلات اللي دزيته الهم واخبرتهم بالشغله والله كريم .

[sparky]

توكل على الله وربنا ييسر امورزكم ومبروك عليكم الحفيد مقدما - اذن الان انت فعلا شايب يامواليد 1964 -

[iraqi 64]

يا اخي صحيح العمر هواي بس الروح خضره بس لا تسمع وزارة الداخلية ههههههههههه اشكرك على ردكم الجميل .

[sparky]

الله يحفظك ويخليك ياطيب وييسر لك امورك يارب