استفسار بخصوص اتصال المنظمة

[ابوجنة]

السلام عليكم

  سؤالي اخواني الاعزاء، عادة بيا وقت يتصلون جماعة IOM بغداد؟ اقصد مثلا يتصلون بيوم الجمعة والسبت؟ او خارج ساعات الدوام؟ وارقامهم الي يتصلون منها شنو هي؟ اسيا ، اثير ، كورك؟؟؟ لان اني عندي حساسية من الارقام الغريبة وصارت بيه قبل وتهددت وما اريد اجاوب ارقام غريبة.. مشكورين مقدما على الرد والمشاركة


اخوكم

ابو جنة

[alialiali10099]

عمري يتصلون بيك من رقم مفتاح عمان 00962

[الفرج2]

اخي انت اخاف رقم يجي منهم وعبالك غريب وما تجاوب عليه وهذوله ما يطولون بالهم بعد ما يخابرون فلازم تجاوب على كل الاتصالات ؟

[انسام المهندس]

عمري يتصلون بيك من رقم مفتاح عمان 00962
وكل ارقامهم تبدي 00962 يمعود رد عليهم ترى رقمهم صار حلم يتصلون بينه هههههههههههه

[A_FOX]

عزيزي
بالنسبه اللي عندي كل ارقامهم تقريبا وبالموبايل مسويلهم نغمه خاصه بهذه الارقام ومن راح يتصلون  اعرف بانه هاي المكالمه
من عمان
تحياتي

[الفرج2]

السلام عليكم

الأعزاء iom

طبعآ هذا الصاير معي لحد الآن أن يتصلون صباحآ من ساعة 9 صباحآ وحتى 3.30 بعد الظهر .

ويمكن بعدها الله أعلم .


تحياتي للجميع

لو اني اتوقع اتصال منهم واعرف هذا الوقت , جان اضل حاط التليفون كبالي واباوع عليه وكلشي ما اسوي , اخلي اهلى يجيبولي الغده يمي واكل واني اباوع على التليفون من التاسعه صباحا حتى الثالثه والنصف ظهرا واني هم من عندي اضيف نص ساعه احتياط , واول ما يدك افتحه وما اخليهم يلزمون نقطه عليه ويكولون خابرناك وانت ما جاوبت  ههههههههههههههههها

[ابوجنة]

اخواني

alialiali10099

الفرج 2
انسام المهندس
A_FOX
mr.t

كلمن جاوب وشارك اني ممنون منه جدا، استفسرت لان البارحة اجاني اتصال وماجاوبت وبقيت احسب واضرب اخماس باتساع مو اسداس، الحمد لله مادام رقم عمان سهلة لان اني ملك الاتصالات الدولية والتلفون لاطش يصفحتي 34 ساعة يوميا،

  استفسار اخر وزغيرون ، حالة ملفي شلون اعرفها؟ يعني اسوي رجستر على موقع IOM Jordan لو اتابع ويه الجماعة بالايملات لو شلون؟


اخوكم

ابو جنة

[ام اديان]

اخي الفاضل لازم تسجل بموقع عمان الاردن حتى تعرف ملفك وين واصل لان بالايميلات ماينطوك حالة الملف واذا يجاوبوك دائما الكليشه المعتاده انه انت على التجييك الامني .
بالتوفيق ان شاء الله

[ابوجنة]

اخي الفاضل لازم تسجل بموقع عمان الاردن حتى تعرف ملفك وين واصل لان بالايميلات ماينطوك حالة الملف واذا يجاوبوك دائما الكليشه المعتاده انه انت على التجييك الامني .
بالتوفيق ان شاء الله

الهي يسهل اموركم .... 1000 شكر

[دشتي]

الأخ ابو جنة

السلام عليكم

اني فوتت مكالمات منهم يوم 30-4 و راح موعد مقابلة المحلفين و متندم بكد شعر راسي و لو شعري كله وكع بسببهم وصرت حتى من اروح للحمام اخذ التليفون ويايه.

عيوني هذه ارقامهم
0096265625088
0096265625427
0096265625020
00962797301908
تحياتي[/b][/size][/color]

[Abdullah2006]

ولا تنسى جماعه ابن البيطار
ارقامهم اسيا وزين وانت بكيفك بعد بس جماعه الفحص يتصلون وقت ما يصير عندك فحص او من يصير الفحص اكسباير

[ابوجنة]

اخواني الاعزاء

دشتي

Abdullah2006

  اني عاجز عن الشكر، بس يتصلون بيه المنظمة راح اجاوب الي رقم يجيني حتى لو مفتاح جنوب افريقيا، يارب يسهل اموركم جميعا