لا تتصرفو بممتلكاتكم.

[MMA]

نداء الى كل اللى طلعلهم موعد سفر لاتتصرفون باى ممتلكاتكم. لاتبيعون اى شى. حتى توصلون الى امريكا. وتحطون رجلكم. بأمريكا. ورتاحو. فد اسبوع. يله دزو على  اقرباكم. حتى يتصرفو. بممتلكاتكم.  او يبيعوها.   لان. الطريق كله مفاجآت.

بمعنى اخر.  سوو. وكالات على املاككم. وبس توصلون لا مريكا. تخابرون حتى يبيعون ممتلكاتكم.     


لان متعرف يأمل ناس باعت كل شى وتاجل سفرهم او صارلهم مشكلة بالطرق . فالا حسن هية.  دائماً. بلان. بى

[EagleHead]

احسن شيء هو التوكل على الله و حسن الضن به. و شكرا لتنبيه الاخوه, لكن يبقا الامل بالله عز و جل.

تحياتي...

[iraqi 64]

والله يا اخي العمارات راح اخليهن للزمن والمزارع راح ابيعهن بس سيارات الحمل راح اسوي وكالة عليهن اخوان لا ضوجون دا اشاقه وياكم هو احنه شبقه عدنه بس رحمة الله بس خل نفلت والله كريم .

[sparky]

موضوع مهم وتنبيه اكثر اهميه - عاشت الايادي -

[احمدالسوداني]

العراق دماء وشرايين، تراب وجذور، نخيل والرافدين العراق هو الطائر الوردي الذي يحلق عالياً في السماء، وهو زهرة السوسنة السوداء التي تعطر السماء والأرض. ....يااخواني لا تقتلعوا جذوركم من العراق المعطاء بل على عكس اعمل واشقى في الغربة لتشتري ارضا او بيتا في العراق
فهو ملجئك الاخير بعد حين .

[naseerx5]

بالحقيقة ما يسمى بالوطن والي هوة بالحقيقة سجن نسال الله ان يخلصنة منة روحة بلة رجعة

[DR.ENG]

العراق دماء وشرايين، تراب وجذور، نخيل والرافدين العراق هو الطائر الوردي الذي يحلق عالياً في السماء، وهو زهرة السوسنة السوداء التي تعطر السماء والأرض. ....يااخواني لا تقتلعوا جذوركم من العراق المعطاء بل على عكس اعمل واشقى في الغربة لتشتري ارضا او بيتا في العراق
فهو ملجئك الاخير بعد حين .

هههههههههههههههه المعطاء ؟ هههههههههههههههههههههههههههههههههههههه

عذرا بس ضحكني التعليق جداً

[the_skull_of_raziel]

معلومه مفيده اذا كان اكو متلكات باقيه 

[لورنس السفاح]

والله قياسا لدكات المنظمة كلامك صحيح
ياما ناس باعوا كلشي وبالمطار رجعوهم
وراحوا كعدوا اجار
ضروري واحد عنده شخص ثقة يرتبله الاوضاع بعد السفر

[برنسو]

كلام سليم جداااا ..... عاشت ايدك

[yousef_basra]

والله انا اعرف واحد مسكين باع بيته وسيارته وقدم استقالة من وظيفته للابد وما خلة شئ ابيته حتى اغراضة وزعهن على اقاربة بحث راح بس الجنط وياه ... وتاليها بالمطار اتفاجأ وانصدم بانه اكو خطأ بالموضوع ولازم يرجع وهذا الكلام من شهر 1/2011 ولحد الان الرجل كل شئ ماكو وفوك كل هذا طلق زوجته قبل اكثر من سنة وصارت مشاكل وهسه الرجال شبه مخبل 24 ساعة دشتاشتة وسخة ويفتر بالشوارع وقبل كم يوم التقيت باخوه يكلي بيت وانهجم بسبب الIOM.

ولذلك انا قررت كل شئ ما ابيع الى ان اوصل وابقى هناك فد شهر واتأكد انه انا بامريكا يللا بعدين ادز على اخواني يبيعون البايسكل مالتي والتلفون الصرصور .. والحمد لله ما خليت ولا دشداشة ههههههههههههههههه


الله كريم

والخير فيما اختاره الله

اخوكم يوسف البصراوي

[MMA]

شكرًا لكم جميعا. ولكل من ساهم   
   

الله يفرجه علينه كلنه. ونسافر.

[Sound of Soul]

نصيحة سليمة جدا وبمكانها
بوركت اخونا الكريم

[(ابن بغداد)]

والله ياريت اكدر اتصرف وابيع بيتي اللي عفته بس والله الما يخافون من الله يطوني فلس ونص بيه وكاسرين سعره

واني تاركة للزمن اكول بلكي تستعدل الامور وينباع

بس الظاهر الامور يومية تنلاص اكثر

الله لايرضى على كل من وصل بلدنة لهاي المرحلة

والله كاعد بايجار يكسر الظهر وبيتي ماجرينة بفلسين

اكول حسبي الله ونعم الوكيل

وتفرج على الجميع انشاء الله

والاهم الله يستر عليكم وعلى عوائلكم

[dhia]

معلومه مفيده اذا كان اكو متلكات باقيه 

ههههه يعني مثل حالي ما ادري ابجي وما دري اضحك (على حالي طبعا)بعت كلشي وقبل السفر اب 10 تيام اجلو سفري  وهاي صار 4 اشهر  والحسابه ابتحسب

[احمدمالك]

كلام منطقي او نصيح مهمه جدا


احمد

[اجونة]

نعّم النصيحه ... ونعّم الرأي ... تسلم عليهما .
اختك اجونه عمان

[الفضلي]

لحد يبيع شئ حافظوا علي ممتلاكتكم

[MMA]

هذا. بيتنا. وكلنه أخوة  وشكرا

[jack black]

اخي المحترم والله موضوع ذهب الف شكر للتنبيه

[um shaheen]

بارك الله بيك اخونه العزيز وعاشت ايدك على هالموضوع ويارب بميزان حسناتك
ألف شكر على النصيحه
تحياتي
اختك ام شاهين

[MMA]

جاك بلاك واختنا ام شاهين الله يوفقكم. ويسهل  سفرنا.  يا رب

[الفرج2]

احسن شيء هو التوكل على الله و حسن الضن به. و شكرا لتنبيه الاخوه, لكن يبقا الامل بالله عز و جل.

تحياتي...

+ مليوووووووووووووووووووووووووووووووووووووون

[MMA]

ونعم التوكيل.

[الفرج2]

ونعم التوكيل.

الله يرضى عنك .