جماعة تكساس وكاليفورنيا محتاجة معلوماتكم

[برنسيسة]

السلام عليكم اخواني واخواتي انشالله كلكم بخير
محتارة والله لايحير عبده ...
عيني عندي استفسارات ياريت اهل الخبرة يجاوبوني عليها... احنا ولايتنا تكساس دالاس وعندي اختي بكاليفورنيا طلبت منا انه ننقل ملفنا على كاليفورنيا ونعوف تكساس كتلها غالية ومابيها شغل تكول امريكا كلها مابيها شغل ومو كلش غالية لان هي مأجرة شقة غرفتين وصالة ب700  او 800 دولار ما اتذكر بالضبط  (هي بسكرامنتو). اسئلتي هي:

1- اذا رحنا لتكساس وبقينا كم شهر وبعدها حولنا على كاليفورنيا المساعدات تنكطع لو تبقى مستمرة؟

2- عندي اخوية المفروض يروح للكولج مباشرة اذا راح لهناك يكدر يقدم بسهولة لو لازم بنتظر فترة يالله يوافقون عليه؟ حسب ما افتهمت من اختي انه لازم يبقى سنة بكاليفورنيا يالله يحقله يقدم على الدراسة. اللي عدهم ابناء بالكليات ياريت ينطوني صورة كاملة عن هذا الموضوع.

3- قوانين كاليفورنيا مقارنة بتكساس اسهل لو اصعب طبعا سؤالي للي عاش بالولايتين اريد اعرف طبيعة القوانين بيهن (سؤالي هذا عام بس احب اعرف عن مجمل الامور اللي يواجهها اللاجيء).

للعلم اختي عدها اطفال واحنا اني واهلي واخوتي كبار اكثر من 21 سنة فمساعدات العائلة اكيد تختلف عن العزابية.
اي ملاحظات اضافية عدكم ياريت تذكروها.
تحياتي الكم والله يوفقكم

[ام اديان]

اختي العزيزه الاخت ام شاهين  موجوده بكاليفورنيا وعدها بنتها التحقت بالكليه اول موصلو  تكدرين تراسليها وتفيدج بالمعلومات احتمال متشوف الموضوع .
اما تكساس ان شاء الله يدخلون الاخوان ويفيدوج
بالتوفيق 

[um shaheen]

ورده ام اديان ههههههههه
الاخت العزيزه برنسيسه راسلتني وجاوبتها لعى اسئلتها
بارك الله بيج
ويارب الفرج بالقريب العاجل لكل المنتظرين
تحياتي ياغالين
اختكم ام شاهين

[برنسيسة]

اختي العزيزه الاخت ام شاهين  موجوده بكاليفورنيا وعدها بنتها التحقت بالكليه اول موصلو  تكدرين تراسليها وتفيدج بالمعلومات احتمال متشوف الموضوع .
اما تكساس ان شاء الله يدخلون الاخوان ويفيدوج
بالتوفيق 

ورده ام اديان ههههههههه
الاخت العزيزه برنسيسه راسلتني وجاوبتها لعى اسئلتها
بارك الله بيج
ويارب الفرج بالقريب العاجل لكل المنتظرين
تحياتي ياغالين
اختكم ام شاهين

تسلمولي ربي يبارك بيكم
بس اريد معلومات اكثر ياريت باقي الاعضاء اصحاب التجارب يردون عليه

[برنسيسة]

للرفع
وينكم يمعودين 

[شبعاد]

اختي العزيزه راح اجاوبج على اللي اعرفه هواي نعرف ناس تركو كالفورنيا واجوتكساس  لأن كاليفورنيا مابيهاشغل وغاليه بينما تكساس مثل البصره من ناحية الشغل لأنها ولايه عملاقه ونفطيه وبالنسبه للدراسه اول ماتوصلون بعدحصولكم على المستمسكات يكدر اخوك يقدم بس راح يتعامل بالجامعه معاملة الانترنشونال ستيودنت يعني تكاليف الدراسه غاليه فمثل مكالت اختك ورا سنه يكدر يدرس لأن راح يحصل الكرين كارد يعني مقيم دائم وتكاليف دراسه اقل وانصحج لاترحون كالفورنيا لأن الناس هواي جاي يحولون منها على تكساس

[the_skull_of_raziel]

[steven_siv]

للنظافة والخدمات كاليفورنيا الف مرة احسن
لاحترام الناس والقوانين كاليفورنيا احسن لان هنا اكو مناطق ميتعاملون مثل البشر ويا الواحد لان الغالبية بيها ......... بدون ذكر العرق
للعمل اكو شي اني اتاكدت منة وهوة
ساعة العمل هنا سبعة وربع والايجار هسة وصل لل 900 واكثر
اما كاليفورنيا الساعة اتحددت ب 9 دولارارت والايجار اقل من هنا
دا احجي عن هيوستن ماعرف انتي وين رايحة شون الوضع بيها

الدراسة ان كان هنا او هناك الكوميونتي كالج ياخذك
الكل تكول بكاليفورنيا الدراسة بد سنة بس اللي اتاكدت منة انه تكدرين تدرسين ال ESL بالكوميونتي كالج

نجي للصح
تجين وتحولين افضل لو تروحين كبل وتستقرين هناك
المساعدات ياعيني المنظمات هم عبارة عن حرامية
يحاولون الف طريقة علمود يبوكون منج الكم فلس الجاي الج

ماكو ولاية احسن من كاليفورنيا بالمساعدات
الفد ستامب ميروح عليكم اذا حولتوا
اذا كان عندك اطفال يجيك مديكال
اذا متشتغلين يجيك بطاقات باص مجانية
او فلوس البانزين اللي تصفيه للبحث عن عمل

اهنا شغل اكو بس 2 لازم يشتغلون يلة الواحد يتنفس
لو الاعتماد على واحد اليجي منا يروح للبلات الشهرية

[Emerald]

up

[ابو فرقان]

UP رحمة الوالديكم
ايميرالد هي مال اب هههه انت هناك خيتي سولفيلنة عالوضع

[Emerald]

UP رحمة الوالديكم
ايميرالد هي مال اب هههه انت هناك خيتي سولفيلنة عالوضع

dying to leave ههههههه ضحكتني
الاخت العزيزة برنسيسة دزتلي مسج تستفسر لكن تعرفون اني بعدني جديدة هنا وكل هالامور ماعرفها لان بعدني حتى ممختلطة بالناس والمجتمع وبصراحة مااكدر انطي معلومة مو ممتأكدة منها لان هذا مصير اشخاص ومتوقف على كلمة
 وبس الي اعرفه من هواية ناس انو تكساس افضل من كالفورنيا مقارنة بالرخص وتوفر فرص العمل
بس تكساس جوها حار جدا ورطوبة قاتلة ولو هذا الشي ميأثر اذا انت كاعد بالبيت او شغلك بمكان مكيف

وبالنسبة للدراسة ان شاءالله وعدتها للاخت برنسيسة اسأللها بهاليومين وراح انزل الجواب بهذا الموضوع حتى الكل يشوفوه ويستفادون

تحياتي

[Emerald]

عزيزتي برنسيسة هسه دورتلج بالمنتدى عن مواضيع تخص الدراسة ولكيت هالموضوعين لابو قمر وهو ايضا في تكساس

ان شاءالله تفيدج

http://www.ankawa.com/forum/index.php/topic,616448.0.html

http://www.ankawa.com/forum/index.php/topic,617624.0.html


تحياتي

[HOLLYWOOD]

ولا وحده زينه كاليفورنيا مهدده بزلازل وتكساس اعاصير مدمره لا تروحين

[DEFA-AL-AIRAQI]

السلام عليكم
والف مبروك وان شاء الله توصلون بالف سلامة انا بالنسبة الي وصلت لكاليفورنيا بقيت بيها 19 يوم بيت كفيلي الي سافر للعراق انا بمدينة باسيفيكا على ضفاف المحيط الهادي المنطقة جدا هادئه وجميلة بس الشغل بيها  قليل والايجار بيها غالي من حيث ما كدرت احصل على شقة مكونة من غرفتين وصالة طابق علوي بسعر 1750 و3 غرف وصالة يعني مثل البيت منعزلة بسعر 2600 فبصراحة انا خليت وسافرت على ميشكن - ديربورن وبلغت الكيس ويكر باني مسافر كالتي من توصل وتكمل اوراقك اتصل بيه حيث انطتني كارتها وصلت الى ميشكن واكملت بقية الاجراءات والسوشيل سكيورتي واجرت شقة طابقين وقبو تحت الارض يسمى (بيسمنت ) الطابق العلوي مكون من 3 غرف والارضي مطبخ وصالة صالة طعام مفتوحة مع المطبخ بسعر 800 واي سؤال اني بالخدمة بالمناسبة انا استلمت المنحة من لكل نفر 900 والباقي مثل السوشيل والوليفر والمديكال والفودستامب على ميشيكن وهسه انا انتظر كارت العمل يجيني من قبل المنظمة الي بكاليفورنيا حتى اكدر امتحن سياقة واحصل على عمل . بالمناسبة اذا وصل اللاجيء وحول الى ولاية اخرى المنظمة اتشيل ايدها عنه ............

اخوكم
ديفا البصراوي مدينة ديربورن

[برنسيسة]

ولا وحده زينه كاليفورنيا مهدده بزلازل وتكساس اعاصير مدمره لا تروحين

ها يعني نبطل نعوف السفر 

ديفا العراقي
اميرالد
dying to leave
steven siv
شكرا لمروركم وردودكم الله يبارك بيكم

ياريت باقي الاخوان ينورونا حتى بلكي نحصل معلومات اضافية جديدة

[um shaheen]

للنظافة والخدمات كاليفورنيا الف مرة احسن
لاحترام الناس والقوانين كاليفورنيا احسن لان هنا اكو مناطق ميتعاملون مثل البشر ويا الواحد لان الغالبية بيها ......... بدون ذكر العرق
للعمل اكو شي اني اتاكدت منة وهوة
ساعة العمل هنا سبعة وربع والايجار هسة وصل لل 900 واكثر
اما كاليفورنيا الساعة اتحددت ب 9 دولارارت والايجار اقل من هنا
دا احجي عن هيوستن ماعرف انتي وين رايحة شون الوضع بيها

الدراسة ان كان هنا او هناك الكوميونتي كالج ياخذك
الكل تكول بكاليفورنيا الدراسة بد سنة بس اللي اتاكدت منة انه تكدرين تدرسين ال ESL بالكوميونتي كالج

نجي للصح
تجين وتحولين افضل لو تروحين كبل وتستقرين هناك
المساعدات ياعيني المنظمات هم عبارة عن حرامية
يحاولون الف طريقة علمود يبوكون منج الكم فلس الجاي الج

ماكو ولاية احسن من كاليفورنيا بالمساعدات
الفد ستامب ميروح عليكم اذا حولتوا
اذا كان عندك اطفال يجيك مديكال
اذا متشتغلين يجيك بطاقات باص مجانية
او فلوس البانزين اللي تصفيه للبحث عن عمل

اهنا شغل اكو بس 2 لازم يشتغلون يلة الواحد يتنفس
لو الاعتماد على واحد اليجي منا يروح للبلات الشهرية

بارك الله بيك اخ ابو ليونا جبتها من الاخر
واختي برنسيسه اني كتبتلج الي اعرفه واكيد اختج اعرف بكل ضروفكم
فالقرار بالاول والاخير يعود ألكم
ويارب بكل خطوه مليون سلامه وبالتوفيق ان شاء الله بأي مكان تختاروا

[goldarrow]

المتعارف عليه انه الشغل والعمل كله متوفر في تكساس  
وايضا تكساس ارخص من كاليفورنيا واصلاً معروف عن تكساس رخصها
 اما كاليفورنيا معروفة بغلاءها وغلاء الضريبة فيها وغلاء ايجارات السكن