خبر كارثي من un سوريا لحكولي بالنصيحة

[UN]

السلام عليكم اخواني

بالبداية اني قبل فترة قدمت اوراق لحذف زوجة واضافة زوجة وبلغت iom وعطيتهم الاوراق الخاصة وخبروني انو اموري ماشية بس راح تتم الاضافة على الملف طبعاا اني ملفي كامل

اليوم اتصلو بية اليوان وخبروني انو واللًة ملفك راح ينعاد كلة من البداية كتلهم يابة اني مكمل بس اضافة زوجتي كالت اي لازم يرجع ملفكم للتوطين لو يقبلووو لو لا يعني كان الخبر مفزع

لان احنة بسوريا وتعرفون الظروف كتلها اني ليش كالت اي اذا تريد تسافر انتة  بس لازم زوجتك توافق ومضيفها وتصير الحالك وانتة سويلها لم شمل فبصراحة كتلها يعني ملفي خلاص

كالت اي اذا تظيف زوجتك وابنك لازم تنسى ملفك وكل الاجراءات طبعااا اني توطين امريكا ومن 2010 لليوم ففهموني شسوي اروح لو ابقة واللة ما ادري شسوي لان دخت وكالت

شغلتكم اطول لان ماكو وفود فكتلها ورومانيا كالت الاعداد قليلة وكل شهر ناخذ مجموعة صغيرة  يعني بعد عناء وتعب وخربة ارجع من الصفر اللًة اكبررررر

[برنسيسة]

اخي الكريم حسب معلوماتي اي تغيير او اضافة راح ترجع تنعاد الامور من البداية وتنعاد مقابلة المحلفين.
وبصراحة ما ادري شكولك ماعندي خبرة بهيج موضوع بس اذا تكدر تطلع من سوريا تروح للاردن او تركيا وتعيد ترتيب فايلك وبلكي اهل الخبرة يجون يفيدوك بنصيحة

[الاصيل1]

كان الله  بعونك اخوية

اذا زوجتك الثانية عراقية  فتحتاج وقت اما اذا زوجتك سورية فالموضوع يصعب

على العموم    منظمة الهجرة ما عندهم اي مشكلة بالوقت يعني السنة عندهم عادية جدا جدا السنتين   لا شئ

واذا تسألهم   يقول لك  هذاالي يريد يروح لامريكا بدو يستنى   بس كم سنة الله العالم


الله يكون بعونك حبيبي الغالي

اصور الذهاب الى مكان اخر رح يوفر عليك  الكثير  وانت منتظر منتظر بالحالتين  على الاقل اكو امل

وانت اعرف   امنياتي بتيسير الامور

ابو مريم

[Mohammed altaee]

كان الله في عونك أخي العزيز
اللهم ربي يسهل امرك انشاءالله

[UN]

لا اخوان زوجتي عراقييية

بس اني وزوجتي دنفكر انو اني اروح وهية تبقة واسويلهم لم شمل هية وابني طبعاا هية ظل يم اهلها همة يمنة

بس اني شكد واكدر ادز عليهم   زين وشلون عن طريق iom لو شلون بس من اول  ما اوصل اكدر اسوي ترفل دكيومنت وارجع يمهم الى ان تفرج هذا افضل حل عصفور باليد افضل من عشرة على شجرة

شتكولون اخواني

اني مكمل المقابلات وعندي موافقة محلف ومسوي فحص طبي والتشيك الامني خلص قبل فترة

[** AL SHAEEA **]

الله يفرج عليكم اخي UN بجاه هذه الايام المباركة ................. أميـــــــــــــــن

[محمد الفاتح]

القرار صعب جدا بس اني رأي من رأي الاخ ابو ديمه حسين الجبوري والقرار صعب جدا والله يكون بعونك على اتخاذ القرار لان حطيت نفسي بمكانك لكيته صعبه جدا والله يكويك على اتخاذ القرار

[UN]

اخواني شكرااا المشاعركم الطيبة

بس اني شبة قررت اترك السفر لان ما اكدر اعوف زوجتي وابني بهذة الظروف الصعبة بسوريا وحسبي اللة ً ونعم الوكيل

لان وين اسافر كلها صعبة وماكو خيار حتة العراق متظبط لان لازم يكون اكو كرت اخضر واصلا عملية التحويل الى نقطة الصفر معناها الدماررر الي بعد عذاب طويل

واشكررر كل مشاعركم الطيبة وبارك اللًة بيكم اخوتي وخواتي

اللًة يسهل امركم جميعاااا