بتأريخ اليوم 2.7.2013 مرور سنة على مقابلة المحلفين قررت غلق الملف بعد انتظار اربع سنوات وسبعة اشهر

[owar79]

تاسلام عليكم

اليوم بتأريخ 2.7.2013 مرور عام كامل على مقابلة المحلفين ودون اكتمال الامنية رقم الملف IZ-108

الى متى الانتظار ولعبة المنظمة بمصيرنا ارسلت رسالة بغلق الملف بعد انتظار اربعة سنوات وسبعة اشهر

المرتاحين يسافرون بسرعة والمهددين تنتظر المنظمة حتى يقتل صاحب الملف ويغلق بدون مشاكل عليهم وشكرا

اختكم أوار

[الفضلي]

لا تغلق الملف يمكن يتصلون بك خلال الاشهر القادمه

[حبزبوز1]

لا حول ولا قوة الا بالله العلي العظيم ... كل هذا بسبب غباء السستم المتبع بالهجرة سواء من المقرات الرئيسية في امريكا او فروع المنظمات في الدول ... اختي الكريمة اسال الله سبحانه وتعالى ان يحفظك واهلك وان يعوضك خيرا ويجزيكم بما تطمئن به نفوسكم


اخوكم حبزبوز

[Mr.Iraq2011]

على الدرب سائروووون 

نفس الحاله 4 سنين وكلشي ماكو

[owar79]

شكرا على مشاعركم

وصلت مرحلة مانكدر نتظر بعد فرص عمل جيدة موجودة لزوجي ولي وكلها مرهونه بحلم السفر اتخربطت كل حياتي وحياة عائلتي
من ورة ناس بدون شفقة او رحمة او مشاعر هم الي يشتغلون في المنظمة  الكثير مثل حالتي او اسوء مني بس الى متى يبقى مصيرنا بيد موظفين المنظمة كل همهم الرواتب العالية وكلها براس العراقين

[ايسراحمد]

والله اختي ما اعرف احنه جماعة iz-108 شنو قصتنه هم صارلنه اربع سنين انتظار وهواي من الذين قدموا ورانا طلعوا وهم حتى ما الهم اي علاقه ولا شايفين الامريكان ولا خطورة العمل معهم واحتمال السنه التجي لاح ايقدمون على الجواز والجنسية واحنه مكانك راوح والله تعبت وضجت ومليت اني وعائلتي من الانتظار وحياتنى مشلوله واني عائلتي اتخذنا قرار نهائي لهذه السنه اذا ما سافرنا لاح نلغي الكيس ونفضها

[OK H.K]

كلاب ...كلاب.... كلاب

وسفلة
وماكو بكلوبهم اي رحمة

[حامل المسك]

اختي ..آوار.........
 اسمعي هذه النصيحة....
 حاولي ان تبعدي فكرة الهجرة من خيالك .....ولكن لاتغلقي الملف ..فليس من الحكمة طمث الاحلام وقتل الامال ...اجعلي لك طريقا قد يفتح لك في يوم من الايام ولاتغلقيه ابدا...عيشي حياتك وابني مستقبلك هنا واعملي واجتهدي وادخري مال للمستقبل ولاولادك ادعي الله تعالى ان يصلح لك دنياك التي فيها معاشك
 وتمنياتي لك بالتوفيق والاستقرار

[عازفة الصمت]

لعد اني مرور سنتين ونصف على مقابلة المحلفين بالضبط سنتين ونص ترة مو قليلة وخمس سنوات وشهر من يوم النقديم ولكن الى الان ولا مرة كملت الامنية ترة احنة ضعفك ونص. قليلة كلش سنة بس متصبرون شوية بعد هو شبقة

[اجونة]

حسبيا الله ونعم الوكيل والله الواحد ميدري شيكول .....؟؟؟ من 2007 والى هسه لا فحص ولا دوره ولا الامنيه ولا قرار محلف ولا نعرف حتى بأي ولايه راح ايشمرونا  ...هاي اذا شمرونا اسفه يعني اذا سافرنا ....
 اختكم اجونه عمان

[KUKICACAW]

السلام عليكم ............. ما شاء الله على هاي الاخبار لعد اني شنو انتظر مقدم سنة 2011 ولحد هل الوقت لامقابلة اولى ولا اي شي ...... ادعو ربي اللطيف الجليل ان يصبرنا جميعا ويرحم ويرأف بحالنا انه سميع مجيب  

[mhamed noor]

عمي على كيفك اني صار ثلاث سنوات بس امنية واني ملفي من2008 داخل الهجرة

[ابوجنة]

ياســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتار ، الي يطب لهذا الموضوع يفقد الامل بالحياة ،

اختي العزيزة اوار ...

    اولا الله يكون في عونكم ومعاكم في كل لحظة ودقيقة، وعزاءنا لكم بدعواتنا الكم بالصبر اهم شي الصبر لانه وكما يقال الصبر مفتاح الفرج، ثانيا اؤيد كلام حامل المسك انه انسي الفكرة وعيشي الحياة انت والعائلة الكريمة حياة عادية وكانه ماكو ملف ، وصدكي انشاء الله تمشي الامور وتتلقون الانباء والسفر، اني ابدا ما انصح بترك الفكرة لانه انتو صارلكم زمان وحرامات كل هذا التعب يروح مع الريح، الكل يعرف انه المنظمة هي السبب وكااو ناس كيساتهم كلش جديدة وديطلعون ومقابلات وهذا شي غريب والله، دعواتي الكم بالتسهيل بحق محمد وال محمد..

اخوكم

ابو جنة

[اسمر زيونة]

 اني ايضاً نفس الحالة 4سنين و5 اشهر ومقابلة محلف من اكثر من سنة اكسباير ..بس اتناسيتهم وطز بيهم
 حتى لو تطلع فرحتها راحت ومالها طعم ..اختي لاتغلقين الملف وعيشي حياتك وكانة ممقدمة اصلاً
  وربي يفرحك بكل ماتتمنية

[ام اديان]

اختي العزيزه انسي الموضوع وعيشي حياتج واستغلي فرص العمل المتاحه انتي وزوجك لكن لا تغلقي الملف واتركي الامور تمشي لوحدها ولا تضيعين فرصه تعبتي عليها وضيعتي سنين عمرج بانتظارها والله كريم يجي يوم تفرج لكن لا توقفين حياتج لان يزيد الضغط عليج وتتعبين من الانتظار ..

[DR.ENG]

اختي العزيزه

نصيحة عيشي حياتج طبيعيه وانسي مووضووع السفر

اللي الج ميصير لغيرج

يعني عوفي الموضوع لحد ما يصير

صدكيني احسن حل

الله يكون بعون اللي متهدد وبعيد عن اهله وكاعد منتظر مثل حالي

ربي يكون بعون الجميع

تحياتي لكم

اخوكم ابو محمد

[firas baghdadi]

اختي العزيزة

انصحك بقراءة موضوعي ( المدة من مقابلة المحلف الى اكتمال الامنية) وكافة المداخلات فيه . هاي مو دعاية للموضوع. قابل طاب بجيبي شي. 
بس فعلا رح ترتاحين لأن انتوا في المراحل النهائية حاليآ وحرامات تلغين السفر. هذا أولآ. ثانيآ عملية مفاتحة المنظمة بالغاء القضية بسب طول فترة التقديم يعطي انطباع على انه لايوجد تهديد حاليآ ويمكن الاستمرار بالعيش في العراق. وهذا موصحيح. احنا عملنا مع الامريكان . والباقي يمج ميحتاج احجي

تحياتي لحضرتك

[owar79]

مااعرف والله شلون ارد على كل ردودكم الكريمة وعلى اصالتكم وتفهمكم لموقفي يعني الي مقدم من سنة ونص او احتمال اقل يسافر وحنا اتهددنا وغيرنا منزلنا اكثر من مرة وعايشين في رعب دائم يعني احنا اصحاب 108 اقل شي كل واحد عندة خدمة مع الامريكان مو اقل من اربع سنوات اذا مو اكثر كل المقابلات مع الجيش وغيرها اثناء العمل مع الامريكان يذبوها عرض الحايط ومحد يعترف بيها وراها يدورون تجيك امني على طالبي اللجوء يعني شنو احنة جنا كبش الفداء اشتغلنا وياهم ومن  طلعوا صرنا غير ثقة ولازم تجيك امني لحد يكول قابل أشتغلنه بلاش  هيا شنو قيمة المال اذا انتة شخص غير مستقر ومهددوالمشكلة انتة وعائلتك مو وحدك وين الانسانية بهذا الشي ملايين يدخلون امريكا بشكل غير قانوني واكثرها مجرمين وبعد مدة ينطوهم الجنسية وحنا ندخل بشكل قانوني ونامت علينا الطابوكة سنين طويلة وين العدالة بهذا الشي وأسفة على الاطالة