الهجره الى تركيا والتقديم على اليو ان

[salam80]

السلام عليكم اريد اطلع لتركيا اني وزوجتي وعندي اطفال اثنين واريد اقدم على اليو ان واني ماعرف اي احد بتركيا ولا شنو وضع تركيا عندي كم سؤال اذا ممكن تساعدوني بالاجابه الكل كلولي منتديات عنكاوا هي راح تفيدك
اول شيء بالنسبه للمنطقه اروح انقره لو استنطبول افضل؟
بالنسبه للايجار شكد يتحصل اريد سعر مناسب اكو مؤثث لو اخذها فارغه الشقه ؟شنو ديكولون التدفئه نوعين الغاز والفحم واي واحد افضل ؟
وشكد يكفي بالشهر مصرف بالنسبه عائله 4 نفرات ؟
ديكولون اليوان هي تحددنه بمنطقة السكن ؟
وبالنسبه للغراض شنو اخذ ويايه يعني مواد غذائيه يحتاج اخذ قسم يكولون رخيصه وقسم ديكولون غاليه؟
اكدر احصل شقه قبل مااسافر احجزها لان عندي اطفال واخاف يتبهذلون ؟
دوختكم ويايه وممنون منكم ع الاجابه

[ابوجنة]

اخي العزيز سلام ...

اهلا وسهلا بيك وبالتوفيق ياربي..

  بصراحة اني مثلك قبل فترة سألت كثير على تركيا والظروف والحياة وشلون اروح، وماشفت احسن واشمل من موضوع الاخ ابو عمر الغالي الله يوفقه ولو ما اعرف هسه هو سافر لو بعده ياربي يفيدك ..

http://www.ankawa.com/forum/index.php/topic,575330.0.html

اخوك

ابو جنة

[salam80]

مشكور اخي الغالي على الرد بصراحه قرئت موضوع ابو عمر وبصراحه كان شامل كل المواضيع بارك الله فيك وفيه .
لكنه سافر واريد اعرف اكثر عن الحياة الان لانه سافر منذو سنه تقريبا واكيد هناك ماتغير حتى مواضيع الاجهزه الكهربائيه وغيرها يقولون هيه ممنوعه الان.
ارد ان اعرف اي المحافضات التي اختار يقولن انها تتغير بمرور الوقت بصراحه معي عائلتي وانا قلق من ان ابهذلهم معي جزاك الله كل خير

[المصارع]

السلام عليكم


اخي العزيز كلام اابو عمر مضبوط 100% و ما اتغير عن الي تفضل به شيئ يذكر من حيث المعيشه و الايجارات عدا الوضع الامني الغير هادئ نسبيا في بعض المحافظات التركية و على الاغلب اذا كنت تنوي السفر فأن الوضع الامني في تركيا لا يدعو للقلق باذن الله تعالى .

[salam80]

شكرا جزيا اخي الغالي وبالموفقيه لكل العراقين ياربي ؟
انا ناوي اجي بعد 10 ايام تقريبا سالت على النقل من شركات النقل في كركوك وقالو ان سعر التذكره الى انقره 60 دولار والسفره تاخذ وقت 28 ساعه تقريبا

هل اذا وصلت الى انقرا ائجر كم ليله قبل مقابلة اليو ان وهل بعد مقابلتهم مباشرة يغيرون لي مكان الاقامه ويجب ان اذهب الى المحافضه التي يختاروها لي


جزاكم الله كل الخير

[hamssa]

السلام عليكم اخويه سلام الله يوفقك ويوفقنا ونوصل لتركيا بسلامه اني هم مثل حالتك بعد اسبوع او عشره ايام ان شاء الله اسافر وهم عائله واللي افتهمته نوصل انقره العصر على مغرب نأجر ليله بفندق ومن ثاني يوم الصبح نروح نقدم على اليوان ونرجع ناخذ غراضنا من الفندق ونتجه للمحافظه اللي نطونياها وبالمحافظه هم نأجر فندق لما نلكا ايجار مناسب وناجر والله يسهل علينا وعليكم وللعلم احنه راح نطلع من بغداد وسعر التذكرة للشخص الواحد 80دوﻻر لانقرة

[salam80]

شكرا على الرد اختي الغاليه ويارب بالموفقيه للجميع والله يسهل على كل العراقين

[احمدمالك]

اخي اتوكل على الله او تعال اهلا وسهلا بيك اب تركيا انشاء الله انته بين اخوتك واذا تحتاج اي مساعده احنه بالخدمه الي نكدر عليه
اما الايجار فهناك نوعين ايجار فحم و دوار غاز الفحم ارخص من الدوار الغاز وهناك امور ثانيه قرب وبعد عن المركز هم اله تاثير بسعر
اما المواد الغذائيه تقريبا نفس الشي قد يكن اغلا ببعض الامور او بقليل
اما المخضر  ارخص من العراق بهواي بالمقارنا مع العراق



اخي اذا تحتاج اي شي احنه حاضرين



احمد \كوتاهيا

[salam80]

السلام عليكم رمضان كريم ينعاد ع الجميع بالصحه والعافيه والله يتقبل الطاعات
ان شاء الله نويت السفر الى تركيا هل الافضل ان اسافر قبل العيد ام بعد العيد افضل من ناحية الاسعار والزخم وعمل اليو ان وكم يوم عطلة العيد في تركيا ؟؟هل تعرفون فندق رخيص قريب على اليو ان في انقره استاجر به على الاقل ليلة واحده؟ارجوا النصيحه جزاكم الله كل خير