تقييمكم لاداء منظمة الهجرة الدولية في العالم

[الاصيل1]

   تحية طيبة للجميع

  تفتخر منظمة الهجرة الدولية بانها قدمت مساعدة لعشرات الالاف من البشر على وجه الارض بالتوطين في بلد ثالث

وياريت كل واحد سافر عن طريق المنظمة   يكتب لنا سنوات الانتظار  والاجراات  اللا انسانية بحق البشر لحين السفر

ياريت كل واحد يكتب لنا بس حتى نشوف اخلاصهم وانسانيتهم بالعمل

   اني عن نفسي     اكثر من سبع سنوات والى الان انتظر   لا قبول ولا رفض   ولا سفر

واتمنى المشاركة

ابو مريم

[MARK edward]

بالنسبة الية ماشفت منهم خير صارلي 3 سنوات الى كم شهر ولحد الان لا تغيير وحتى اذا طلعت كل طعم للسفر بعد ماضل لان لعبت نفسنة من الانتظار بين قوسين ( مو ذيج المساعدة ولا جنت متوقع هيجي تطول )

[mike67]

والله ياعيني تورطنه لاتكلي ولا اكللك بس ما باليد حيله هاي صارلي ثلاث سنوات وراح اطب بالرابعه
 والمشكله ما نعرف تاليها اكو سفر ماكو الله اعلم لان صراحه مايقى لي ثقه بالمنظمه ما جاي نعرف اشون
 ديمشون الملفات بالتوتو لو بل لوتو ودننتظر والله كريم



           تحياتي
          mike67

[أسراء الوردة]

إذا لم تكن إلا الأسنةُ مركباً *** فما حيلةُ المضطر إلا ركوبها

أكملنا ثلاثة أشهر من السنة الثامنة

عند أطلاعنا على أرشيف عام 2008 نجد في مشاركات الأعضاء أكتمال الأجراءات الأمنية خلال شهر

واليوم أكتملت سبعاً من السنين ولم تكتمل أجراءات السفر

والحمد لله رب العالمين

[WhoAmI]

والله بالنسبة الي اوصف المنظمة بالوصف المناسب الهم
وهم عبارة عن Answer Machine
ومن غير المنطقي أن يصنفو ضمن البشر

همه عبارة عن مكائن لاتعرف الرحمة والانسانية
غير مهيئين الا بتنفيذ وقول مايتم برمجتهم عليه


والله المستعان عليهم
عسى أن يجعل الله هذه الايام المباركة وشهر الصيام خيرا وبركة على الجميع ان شاء الله

تحياتي

[الاصيل1]

 تحياتي للجميع
 وامنياتي بالفرج على الجمييييييييع

 والله اتوقع لو ان الناس تريد تشارك وتكتب هنا عن معاناتها ومأساتها يمكن لا تكفي الف صفحة

والله هذا الانتظار والقلق والخوف بالاوضاع الي تعيش بيها المنطقة بكل الدول العربية
   عمل بينا امراض بس الله العالم بينا والى متى محد يعرف

الله كريم

الله ييسر امر الجميع

ابو مريم

[alialiali10099]

حسبي الله ونعم الوكيل شعري وكع من وره iom واخاف ازرع بتركيا وهم يوكع ومالحك اسافر امريكا
انتظر والله كريم اني مضطر ومتهدد وملعوب بخلقتي لعب اخرع جهال والله

[Bernard Alhaskani]

تحياتي لكم جميعا  ولله اني بالانتضار من سنتين وكلشي ماكو لا مقابلة ولا بطيخ ,,دمروني دمار شامل من الله يدمرهم ولله صار عندي ياس واكتئاب من وراهم ,,و فقدت ثقتي بهل حياة الفاشلة

الى متى يبقى البعير على التل


شكري وامتناني لكم بالاخص للاخ اصيل