مراسلة السفارة SIV

[yousef_basra]

السلام عليكم

اخواني الاعزاء هل تعتقدون مراسلة السفارة بالوقت الحاضر تجيب نتيجة خصوصا للي قابلوا اعادة قسم ؟

يعني انا قابلت اعادة قسم بنهاية شهر السادس وماكو اي تحديث لحد الان بملفي هل اراسلهم وهل ستنفع المراسلة ام لا ؟

وينهم اصحاب التجارب ؟


يوسف البصراوي

[storm2000]

اخوية العزيز السفارة راح اتجاوبك وره اسبوع واتكلك نفس الكليشة اوتو ربلاي
Visa applicants may now check the status of their application online, by visiting the Consular Electronic Application Center (CEAC) website.  For more information, please visit our website: http://iraq.usembassy.gov/status.html.

 

Please be advised that, due to the availability of this online status verification website, the Visa Section will no longer respond individually to status inquiries regarding visa cases.

جرب احتمال اكو تغيير
الله يفرجها عليك وعلى الكل

[$$$$$]

اخوية العزيز البصراوي
اني مقابلتي مال اعادة القسم جانت يوم 23-6
يوم 29 -6 دزيتلهم انكوايري سالتهم ااعيد الفحص الطبي وعدم المحكومية لو انتظر منكم جاوبوني ثاني يوم انه انت مامطلوب منك تعيد اي شي واذا احتاجيناها راح ندزلك نكلك عيدها وعلى اثر الانكوايري صار تحديث بنفس اليوم يعني 30-6 يعني التحديث صار بسبب الانكوايري بس اني ما اقتنعت بحجيهم وعدت العدم محكومية بس منتظر استلمها واخليها جوه ايدي لان ماظل وكت واكو قسم من الاخوان حصروهم بفتره اسبوعين يريدوها والا قضيتهم ترجع اجراءات اضافية
السبب اللي خلاني ما اقتنع بانتظار اعاده العدم محكومية انه واحد ويايه بمقابلة اعاده القسم مثلي بالضبط من خلص كاللها للقنصل اني غراضي اكسباير كلتله اي ادري كاللها بس اني عدتها وجايبهن ويايه هسه كلتله جيبهن!!!!!!! والله اليعلم يجوز الولد هسه مفيز وعلى ابواب سفر
رباط السالفة ما اعتقد اكو فائده من مراسلتهم بس لاضير يجوز من تتحارش بيهم يكولولك عيدهن ودزلنياهن بعد همه الجماعه مشهورين بالشغل المخربط والمزاجيات

[yousef_basra]

اشكركم اخواني ستورم و$$$ وانا راح اراسل السفارة واشوف بكلي الله يسهل علينا وعليكم ان اشاء الله

الله يسوي الي بيه الخير ان شاء الله

اخوكم يوسف البصراوي

[yousef_basra]

بالمناسبة اخواني انا قبل كم يوم شاركت في موضوع وانتقدت التواقيع الي بيها صور هواي ولكن هذه الصورة الي خليتها انا هي صورة تعبر عن الفرح للعراق وليس توقيع .... هذا الكلام كتبته تسابيج .


اخوكم بالله يوسف

[Ahmedsiv]

صديقي يوسف بصره اذا حضرتك مقدم كيس وي عائلتك فابشر بالخير وانشالله الفيزا تصدر قببل مينسد البرنامج
اذا انت المتقدم الوحيد مثلي فماعرف شكلك بس المنطق يكول حنروح بالزلك
ليش مطلبو اعادة الفحص الطبي والعدم محكوميه لان همه في حالة اتمدد البرنامج يريدون يشتلونه خوش شتله وخو ميكلفونه كل شويه عيدو فحص والعدم محكوميه
الله كريم
بس اني مثل متفضلو الاخوان حعيد العدم محكوميه لان اطول اكثر من 10 ايام وكل شي ممكن يصير حته الحك اذا مصار شي
تحياتي

[VANDAMME]

حبيب قلبي جرب مابيهه اشكال واني اتوقع عن قريب يكلولك تعال هاي فيزا والله يسهلهه

[laithaljawari]

الاخوة الاعزاء
تحياتي لكم جميعا
فقط الذين اعادوا املاء الاستمارة 260 دي اس
عندي سوال ما اعرف شنو اجابته ارجو مساعدتكم
اني,قمت باجراء الفحص الطبي لي و لزوجتي قبل يوم 13-3-2012
و اجرينا الفحص الطبي لولدي قبل يوم 27-9-2012
الان طلب مني اعادة املاء استمارة ال
DS-260
في الاستمارة يوجد سوال الاتي
Do you have documentation to establish that you have received vaccinations in accordance with U.S. law?
فهل يفترض بي الاجابة بنعم ؟؟؟ او لا ؟؟؟

[sparky]

الاخ السائل ليث
فلقد اجبت على سؤالك وبكل الاحوال نعيد الاجابه :-

السلام عليكم ورحمة الله وبركاته
رمضان مبارك وكريم على الجميع وكل عام وانتم بالف خير

وحسبما قرانا من مشاركات الاخوه الطيبين فمنهم من اختار نعم واخرين اختاروا كلا
وللمعلومات فان نظام التلقيح الاميركي مختلف عن العراقي ففيه عدد كبير من التلقيحات نحن الكبار لم ناخذها سابقا
وبكل الاحوال الاختيار بنعم ام لا لايؤثر لانك ستاخذ كل التلقيحات اللازمه في اميركا وبعد الفحص
والحق اللينك للفورم المعنيه  DS-3025 لنسخة التلقيحات والتي المفروض ان تاخذها والتي كثير منها لم ناخذها سابقا عندما كنا شباب

http://www.google.ae/url?sa=t&rct=j&q=ds-3025%20form%20download&source=web&cd=1&cad=rja&ved=0CCgQFjAA&url=http%3A%2F%2Fwww.immihelp.com%2Fimmigrant-visa%2Fds-2053-medical-examination-immigrant-visa.pdf&ei=TnnbUYCUGsGXrgfU7IGwAQ&usg=AFQjCNHvG9JI0BG6CyFq89LpPmdB3_RfVg&bvm=bv.48705608,d.bmk