استفسار عن تغيير في حالة الملف-عضوة جديدة

[Siniorita]

السلام عليكم
اني عضوة جديدة اليوم سجلت بهذا المنتدى الاكثر من رائع وهاي اول مشاركة الي وعندي سؤال وارجو من اللي عندة خبرة بالموضوع يجاوبني واكون ممنونة
سؤالي هو انو صار تغيير بالملف مالتي خانة الفحص الطبي تغير من مكتمل الى فعال واني تقديم 2008 ورقم ملفي يبدي ب 108 ومكملة المقابلات  وآخر فحص طبي سويتة واللي جان اعادة فحص جان بشهر تموز 2012 وقبل اكثر من 10 ايام تحول الفحص الطبي من مكتمل الى فعال

ارجو من الاعضاء المحترمين اللي عدهم خبرة بالموضوع يجاوبوني لان بصراحة محتارة و ما اعرف شنو الموضوع بس لا اعادة فحص همينة

شكرا مقدما

اختكم الحلاوية

[صبيه]

اختي العزيزه مادام صار الفحص فعال يعني عندج اعاده فحص قريب واستبشري خير كل الي يعيد الفحص انشاء الله سفره عن قريب
تحياتي الج
اختج صبيه

[ام اديان]

اهلا وسهلا بيج اختي العزيزه .
مثل ماكالت الاخت العزيزه صبيه عندج اعادة فحص وان شاء الله يخابروج عالفحص هالايام .
بالتوفيق ان شاء الله

[A_FOX]

على جدول الفحص الطبي

[Siniorita]

اشكر الاعضاء الاعزاء صبيه و ام اديان و A-Fox على ردكم السريع !!! وادعو من الله ان يعجل بسفركم وسفر جميع المقدمين انشالله يارب بس اكول الى متى كلش تعبنة من هالانتظار القاتل، انشالله تفرج ونسمع اخبار تفرح الجميع

[DR.ENG]

ان شاء الله موعد فحص وسفر بشهر واحد

هوايه تصير هيج شي


اخوج ابو محمد

[jack black]

اختي الحلاويه اني هم مثلج عندي الفحص فعال بس اني عمان بشهر 12 فحصت وهسه راح يصير شهر فعال نتأمل اتصال من المنضمه على اعادة الفحص الله كريم

[cristiano ronaldo]

اختي بما انه مر سنة ع فحصكم الطبي يعني صار اكسباير وبما انه تحول فعال يعني خلوكم ع جدولة الفحوص الطبي قريبا تفحصون وتنتضرين فترة شهر او 40 يوم الى ان يتحول مكتمل بعدها تنتظرين اكتمال الامنية ثم السفر

[Siniorita]

مشكورة اخوية ابو محمد الله يسمع منك ويعجل بسفر الجميع انشالله

واشكر الاخوان jack black و cristiano ronaldo اني تقديم بغداد وقبل اسبوع دزيت ايميل للاي او ام هم استفسار و هم تذكير الهم بالتغيير اللي صار بس مجاوبوني بس اوتوربلاي اجاني
انشالله يتصلون بينة وماعدنة غير بس الانتظار والله كريم